سـرالامير عبدالله بن سعد (الله يرحمه) ... عندي انا - نادي الهلال السعودي - شبكة الزعيم

مياس · #1 17/09/2004, 01:06 PM

مرحبا يالزعماء

الامير عبدالله بن سعد (الله يرحمه) لايختلف عليه اثنان

في عهده كان الهلال مصنع للنجوم ........ تدرون ليه؟؟

لانه كان يسوي حركة بسيطه في شكلها عظيمة التأثير ولا كان احد ينتبه لها

تدرون وشي :-

قبل ما يجي المدرب الجديد ( اي مدرب ) باسبوع او اسبوعين

اللاعبين الميئوس منهم يقضبهم الباب

ويخلي المدرب الجديد يضطر يدرب ويعلم ويهتم ( باللاعبين الجدد ) ويطلع

منهم نجوم .

المدرب (اي مدرب ) مايبي يتعب ودايم يدور اللاعب الجاهز حتى لوكان نص لاعب .

( لاحظوا معي اخو المرحوم ) - خالد بن سعد رئيس نادي الشباب تراه يطبق افكار (عبدالله بن سعد ) والامور ماشيه معه زي الحلاوه

صدقوني ................ لوفيه واحد غير خالد بن سعد كان سعيد العويران الى هالحين اساسي وكابتن بعد .

اتخيلوا......... الفكرة البسيطه لوطبقت من زمان ::::::::::::::::

كان ماشفنا العدد الكبير والهائل من اشباه اللاعبين اللي يلعبون في وقت واحد في نادي زي الهلال

قولي معي الله يرحم عبدالله بن سعد .......

..::جحيم الأزرق::.. · #2 17/09/2004, 02:00 PM

ههههههههههههههههههههههههههه

..

الحقيقة جبتها ...

والله .. أنك فاهم له .. يالذيب ...

totti_2005 · #3 17/09/2004, 02:06 PM

حقيقة مافيها نقاش

..::جحيم الأزرق::.. · #4 17/09/2004, 02:06 PM

إقتباس

الرسالة الأصلية كتبت بواسطة مياس


	قبل ما يجي المدرب الجديد ( اي مدرب ) باسبوع او اسبوعين اللاعبين الميئوس منهم يقضبهم الباب ويخلي المدرب الجديد يضطر يدرب ويعلم ويهتم ( باللاعبين الجدد ) ويطلع منهم نجوم . المدرب (اي مدرب ) مايبي يتعب ودايم يدور اللاعب الجاهز حتى لوكان نص لاعب .

هلالي غصب · #5 17/09/2004, 02:37 PM

والله هذا الي مفروض يسير

لكن

لعن الله الواسطه

يلوموني_فيك · #6 17/09/2004, 02:38 PM

والله ياليت يسونها
وانشالله تتطبق

وشكرا على موضوعك

**ABU S3OOD** · #7 17/09/2004, 02:45 PM

حلو فكرك

ابوسعود Abu S3ood

أبوأسامة الهلاااالي · #8 17/09/2004, 07:48 PM

إيه

أبوفيصل الله يرحمه

ما كان عنده واسطه ولا لعّب فلان ولا ترى ابزعل
واذكر موقفه الله يرحمه من التيماوي يوم بدا يبزوط
والله أنه أدبه وخلاه يمسك الجادة ويطلع نجم من نجوم الكرة السعودية

المهند11 · #9 17/09/2004, 09:36 PM

والله كلامك عين العقل ولو من رايي ارشحك تكون رئيس للنادي

مياس · #10 17/09/2004, 11:04 PM

اشكر كل الاخوان اللي شاركو في الرد

ودي اطلب من الاخوان اللي يدخلون و يقرون يشاركونا في آرائهم واضافاتهم

خاصة اذا كانت الفكرة تستاهل التعليق .
============

وشكر خاص للمهند 11 واقوله (تراني بسرعة اصدق)

غير شكل · #11 17/09/2004, 11:07 PM

100/100 كلام سليم

هلالي وان جار الزمن · #12 18/09/2004, 12:12 AM

الله يرحمك يا عبدالله بن سعد ............ وقاتل الله الواسطة ..............