الفرق الأسبانية بعد الجولة الأولى .. دوري أبطال أوربا.
 

أولاً هاردلك

اما فالنسيا فهي بداية رائعة بإذن الله نحو اللقب

في البدايه السلام عليكم
المهم ابدخل في العيال مدريد لاني اشوف العجب العجاب في رابطتهم والصراحه اني مستغرب فيهم شي الله يهديهم ملاحظه ولا ودي اقوله علشان لا يزعلون(على اني ماجبت خبرهم ) :smilewink

المهم انا اشوف اللي زعلانه وتقول قهر هالهزيمه واللي تقول مادخلت كل اليوم علشاني مصدوم من الريال وقافله معي واللي واللي اقولكم العجب العجاب ونا عارف انها فقط مرحلة مراهقه وسن لا اكثر وان شاءالله يتعدل الحال بعد كم سنه المهم. :smilewink

ابقولكم نظريتي في هزيمة العيال مدريد وهي الاقرب للحقيقه من وجهة نظري على الاقل

المعروف ان كل فريق في العالم يبي يفوز لازم يسيطر على خط المنتصف وطبعا السيطره على هذا الخط اللي هو اخطر منطقه بأي فريق المهم لو جينا لفريق العيال مدريد ونحلل وسطه حبه حبه تعالوا وراي
نجي للمحور اللي هو همزة الوصل بين الدفاع والهجوم او الرابط بمعنى اصح والغالب يكون فيه محورين يغطون واحد يمين والثاني يسار نجي نشوف منهم في فرقة العيال اغلب الاحيان يلعب هلقيرا وبيكام وفي غياب احدهم يكون قوتي هو البديل نجي نشوف وش عندهم

هلقيرا : واضح انه داخ من كثر ما ينقلونه بين الدفاع والوسط فمعروف اي لاعب بالعالم ماراح يستقر مستواه اذا كل مبارة ناقلينه وماراح يتأقلم على طول وما بالك اذا كان جنبه بالمحور لاعبين كل الاثنين خانته الاصليه وسط مهاجم او مهاجم مساعد يعني المسكين هلقيرا يلقاها من وين ولا وين من بيكام ولا قوتي ولا من الشحططه بين الدفاع المحور لا ولاعبين المحور كل لاعب اسواء من الثاني :bigeek:
نجي لبيكام صاحب الوجه الحسن عند البنات على الاقل والمستوى المتدني والاخلاق القذره جدا :mad:
هذا اللاعب من اسواء الاعبين اللي شفتهم بحياتي (وجة نظري وغصب عنك تحترمها انت وياه)
واضعه مدرب ريال مدريد في منطقة المحور واللاعب اصلن لا يجيد في كورة القدم الا الكورسات(في هذي خذ ولد لا ومن تالي ماعندك احد) يعني وش عرفه بقطع الكورات وملاحق المهاجمين ولاعبين النص الهجومين وتغطية الظهير ولاعب الوسط الايمن يعني ثغره كبيره وكبيره جدا ومن الخطأء وضع لاعب كهذا في منطقه حساسه لانه لايفقه شي في هذا المركز ( دوره في المرافس والهواش والتلفظ على الحكام والمساعدين) مدري وش اقول عنه بس بالفعل لاعب فاشل فاشل (حتى الضربات الحره فقد من هذي الميزه كثير واصبحت اغلب ضرباته لا تشكل خطر كبير) لا عموما هذا اللاعب فقد الكثير الكثير من مستواه ايام ماكان مع المان يونايتد واعتقد مركزه هو السبب وهذا يضعف ريال مدريد كثير فهلقيرا يغطي مين ولا مين وهو اصلن متشتت بين محور ودفاع.

نجي لقوتي صاحب النفس الشينه والاداء الضعيف جداء ينطبق عليه نفس حالت الثنائي السابق فمركزه الاصلي يا وسط مهاجم يا مهاجم ثاني لكن ضروف الريال جعلته في اكثر المباريات محور ثاني يا مع هلقيرا افضل السيئين او مع بيكام وذا اجتمع مع الاخير حدث ولا حرج يكون دفاع الريال مكشوف على الاخر ( طبعا عاد تكون الاخلاق حدث ولا حرج) .
ماله داعي نحلل كثير كبر السن واضح على زيدان وفيقو فصعب تلقى الاثنين يرجعون ويساندون كالسابق يعني الله يعين المحاور على التغطيه والمحاور لك عليها من الاصل يعني النص سلملي عليه :eek:

اما المدافعين بافون وبرافوا <==== مايحتاج نحللهم منحلين خلقه :smilewink

كارلوس <===الرجال دوره الهجومي جيد جدا بس دفاعياً لك عليه كثير لا وكملت محاور اي كلام يعني كلها يا كسياس :smilewink
سلقادو<==== متوسط المستوى

صامويل<== احس انه متحسف على الجيه على العموم ماندري وش مستواه مابعد شفناه مع الريال الا هالمبارة ولا نقدر نحكم عليه بس ولو الشق اكبر من الرقعه :smilewink

الهجوم
راؤول وما ادراك ما راؤول (حضاره سادت ثم بادت) يعني هالحين ماعنده الا الدجه والله يستر عليه :smilewink

رونالدو مقدر اقول فيه شي الصراحه لاعب فنان ومن افضل المهاجمين في العالم لكن الاصابه مأثره عليه كثير لو كان في حالته الطبيعيه ومن غير اصابات اعتقد راح يكون فريق بروحه وما راح يهم الريال عنده دفاع ولا ماعنده يعني رونالدو يكفي لكن في الوضع هذا لا رونالدو ليس كما كان رونالدو الان يعطي فقط 50% من مستواه الحقيقي ( والكل يلاحظ اشتركاته وتفادي المدافيعن بشكل كبير وعدم الاحتكاك خوفاً من غول الاصابه والرباط بالذات).

موريانتس افضل لاعب في خط هجوم الريال حاليا لكن لا يلعب وحبيس مقاعد الاحتياط يعني وجوده كعدمه.

مايكل اوين صراحتن تستغرب نادي كالعيال مدريد يحتاج لعبيه في مناطق حساسه في الفريق (منطقة الظهر والمحور) ويجلب لك اوين اوين ياجماعه لاعب منتهي منتهي منتهي :sad:
راؤول في اسواء حالاته افضل منه وموريانتس افضل بكثير ورنالدو ايضا ومبالك بوجود قوتي وبرتيو بالعفل جلبه غباء كبير:bigeek:

اذا الريال لاتستغرب اذا خسر بثلاثه واربعه وخمسه فهو فريق متفكك ونجوم مغروره تعتقد فقط انا كلمت نجم تكفى للفوز وتحقيق الالقاب.

اذا نظرنا جديا حاليا لايوجد بالريال لاعب عليه الكلام سواء زيدان ( والسن له تاثير على زيزو) فاغلب المباريات مستواه ثابت.
ملاحظه ودقيت جلبه الريال والكل يعلم انه لاعب مصاب واصاباته كثيره جدا جدا ومع ذالك جلبه بيرز ومع ذالك مستواه لايرقى لسعره او كفريق له تاريخ كالريال :bigeek:
( تظل وجهة نظر لا اقل ولا اكثر)
قراتسي.

اما فالنسيا والبارشا بالفعل نار نار نار والله يعين الريال :yes:

دبرتيفو اغرب فريق شاهدته بالعالم يوم عال العال ويوم الله يرحم الحال :smilewink

قراتسي :none:

غاوي مشاكل .
بالتوفيق لفالنسيا ..
أشكرك بابو مشاكل .. :bigeek: على المشاركة
أهلاً بك ياغالي ..
ــــــــــــــــــ
bati9goal
ألف مرحباً حبيب ألبي على قولك <<<<< واحد يقلد :upset:
حطيت ببطني بطيخ شتوي ..
والله ماينخاف على الباتس ..بوجود نجوم كبار وفي مقدمتهم إيمار <<< يحب الأرجنتين متعصب .
على شرط لاتحطوتة يالباتستاوية في الأحتياط :upset:
شكراً لك ياغالي ..
ــــــــــــــــــــــــــــــــــ
هندوب الهلال العالم
أشكرك أخوي هندوب على المشاركة العزيزة علي ..
بالنسبة للريال .. والله ماودنا نتكلم عن أخوة أعزاء على قلوبنا في تلك الرابطة أخوي .
هاه أخوي تراي أحبهم جميعاً ..وبالنسبة لإختلاف وجهة النظر في في كل الروابط .. وليست رابطة
بعينها .. زعلانين أكيد بعد الهزيمة الغير متوقعة وأمام من ليفركوزن ..
وجهة نظر صحيحة هو ناقصة الحقيقة محور أرتكاز حقيقي يربط بين الهجوم والدفاع ويخفف العبء
على الدفاع .. يأخي صامويل كأنة يلعب لحالة ومن كثر الضغط اللي علية تسبب في هدف .
لاماتجي منك ياشيخ ..أعتقد بيكهام لو يلعب خلف المهاجمين كان أفضل ..
بالنسبة لـ هالقيرا .. لاتعليق .
هاه أشوف بدينا نغلط .. والله حرام أفضل من أنجبتهم الكرة العالمية تقول هالكلام .
كبر السن ليس عيب مادام يعطون داخل المستطيل الأخضر ..وبعدين ليس كبار ..أو على شأن
أعتزلوا اللعب الدولي تقول هيك ..سامحك الله .هين الوعد قدام ..!!
أخوي هندوب كارلوس فية تصريح لة يقول علينا أن نلعب بأكثر ذكاء من القوة ..فعلاً يحتاج
الريال إلى تكتيك أخر ..دور كارلوس هجومي يكفي لو هناك محور رائع كان غطى على تقدم كارلوس
صامويل لعب رائع وليش يتحسف لالالالا مو معقول ..
سلقادو الله يعين بس .
أتمنى عودة الملك راؤول لمستواة .. أعتقد لو يسجل هدف واحد كان رجع زي زمان .
أه ياليل أه ياليل .. أية يعني غرامك ودعني ..((شيرين)) عدم المؤاخزة رحت بعيد ..الله يهديك هندوب

رونالدو لو يلعب على كرسي سيسجل هدف وهو نيم .. بس حط جنبة واحد زي أوين
موريانتس رائع لكن وش الفايدة بالأحتياط ..!!!
والله أنا خايف ينظلم هاللاعب ..لاعب منتهي أنت تقولة صحيح ولا تمزح ..
بالتوفيق لكل الفرق الأسبانية ..
شكراً لك ياغالي على المشاركة القيمة ..

كالعادة



ما فضح اسبانيا


الا الريال

ويقولون عنه ملوك

زعيم روما ..أهلاً بك عزيزي .
مارفع رأس أسبانيا إلا الريال ..وبرشلونة .. وفلنســـــــــــيا ..
الريال رقم قياسي في أبطال أوربا 9مرات .وتقول كالعادة فضح اسبانيا , مباراة واحدة لاثؤثر إلا النتيجة كانت قاسية شوي .
شكراً ياغالي ,,
_____________________
§الـ§ـزعـ§ـيـم§ .. مشكور أخوي على الأطراء ويعافيك ربي ..
دبرتيفو لاكرونيا .. كان في الماضي فريق قوي ,, وتهابة الفرق ..لكن الآن غير موفق ,,
بالتوفيق لة .. ولجميع الفرق الإسبانية ..
شكراً ياغالي على المشاركة ..