|
هل سوف تحضرون مباراة الهلال والانصار في الرياض السلال عليكم ياشباب هل سوف تحضرون مباراة الهلال والاهلي ياشباب احضروا هذه ال مباراة ماشفتو جماهير الاهلي كيف اتت الملعب وخسارتين امام الوحده والنصر واتت الملعب وازرت فريقها طوال المباراة وحنا قاعدين ننتضر هدف اتمنى ان يمتلي الملعب في مباراة الانصار وكما في الامس وكلكم شاهتم الجماهير الاهلاويه خاسره في مبارتين وحنا ماخسرنا الى في مباراة واحده فقط والسلام عليكم |
هلا يا محمد اقولها لك و الله لو انا من الرياض كان حضرت المباراه الهلال توه في اول الطريق و ان شالله شباب الرياض ما يقصر بالحضور ...:):) |
بشوف التشكيلة إذا فيها أحد من الثلاثي الكوكباني : المفرج ، العتيبي ، النزهان والمكملين للثلاثي : الغامدي ، عزيز ، المجرشي ... ماراح احظرها ناقصين حرق اعصاب على الفاضي .... |
^ ^ ^ اجل منتب حاضر لأنهم بيلعبون عموما ان حضر الملعب 50 واحد انا اعتبرها انجاز :) |
المفروض الكل يحضر أنا والله ماأقدر والا ما اقصر |
انشالله ابحضرها |
والله اذا حجة احضر للمفرج والنزهان ... لو يجروني جر من البيت ما حظرت :no: ادفع عشرين عشان اشوف هالاشكال :upset: ... لا والله ما اظن اني سفيه الى هالدرجه ... |
سلا11111111م ,,,,, بشوف اللاعبين اللي بينظمون للمعسكر كان المفرج والنزهان والغامدي في التشكيله مااااااافي امل احضرها ناقص رفع ضغط ولعب يجيب المرض شكرا لك ,,,, محمد |
للاسف ماتعلمتو من الاهلي انهزم من الوحده ووقفوا جنه الين هزم الهلال والان علشان خسارة وحده بتتخلون عن الزعيم للمخلصين من الزعماء لاتتركو هلالنا |
الأخ الي يقول الموسم بأوله ولا زم نحضر نشجع الزعيم وماني عارف ايش.. اقول لك.. اذا الادارة ماتعتبر كلام وطلبات الجمهور شي، فأنا افضل اني اجلس بالبيت واذا جات مباراة الزعيم ادور الريموت على اي محطة ثانية.. طلب كل الجمهور الهلالي طلب بسيط ولنا سنين ننادي بهذا الطلب وهو: ابعاد النزهان المستهتر ، والمفرج المجتهد والعتيبي والغامدي المغرور، والمجرشي، وفهد المبارك.. هؤلاء جعلونا اضحوكة بين الجماهير.. أول مرة اتمنى ان وقت المباراة ينتهي بنتيجة 3/صفر.. في العادة نتمنى لو مباراة الزعيم تطول عشان نستمتع.. تبدل الحال.. رسالة خاصة لمحمد النزهان.. ترى لك مكان شاغر في نادي الرياض ، وتراه نادي رهيب ينفع لك ولإشكالك ياليت لو تروح هناك.. وانا اضمن لك تاخذ الكبتنية.. هاه وش قلت؟؟ حسرتي عليك يالزعيم |
| الوقت المعتمد في المنتدى بتوقيت جرينتش +3.
الوقت الان » 02:13 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd