السلام عليكم ورحمة الله وبركاته...

فعلا...جاءت النسخة الجديد لموقع الهلال لتثبت ان جماهير الهلال رواد هذا المنتدى قد تغيروا تماما...عنواين المواضيع كلها لم تخرج عن الاحباط والفشل وشتم اللاعبين والمدربين والاداريين وكان الهلال اي فريق والسلام...

ليه يا اخوان...الهلال لعب اليوم بتشكيلة لعيبة الثانوية..ماشاء الله شباب كلهم يحلموا ان يقودوا الهلال نحو المنصات...فليه وباي مناسبة نجوه لهم ونريهم علامات الاحباط والفشل..وكان الهلال خلاص ايامه بس ايام النعيمة وسامي والثنيان وغيره...

يا اخوان المباراة كانت محك جديد للاعبين صغار السن اللي لعبوا اليوم...فكل منهم واجه لاعبين دوليين حسين عبد الغني نايف القاضي النجعي صالح المحمدي وغيرهم...يا اخوان يا شباب هاللاعبين الصغار اذا حنا ما ساندناهم والله راح يفشلوا...لو لاحظتوا اليوم الفريق مافيه حتى قائد...مافيه القائد اللي لازم يكون في الملعب....الفريق بحاجة لوقفة جمهوره...وقفنا معهم في الفوز على الطائي والمستوى الرائع امام القادسية طيب ليه مانقف معاهم لمن هم يحتاجونا...يااخوان هؤلاء اللاعبين اليوم لعبوا امام فريق مليء بالنجوم ولاعبي الخبرة ولا غير كذا فريق مهزوم مباراتين ومطالب بالتعويض....

الشيء الثاني المفرج والنزهان....تكفوووووووووووون طلعولي غلط واحد واضح على واحد منهم اليوم...اصلا لمن يدخل النزهان ولا المفرج ويقرا اللي مكتوب عنه وين تجي نفسية ليقدم اللعب المطلوب..يا اخوان هؤلاء بشر مثلنا..محتاجين للدعم المعنوي...

انا ماراح اقول شي عن المباراة ... لان في المقام الاول كان واضح جدا عدم اكتمال اللياقة لدى العديد من اللاعبين...لكن رسالتي للاعبين وخصوصا الشباب منهم..الله يعطيكم العافية..ومازال انتوا تفعلون مابوسعكم لرفع راية الهلال عالية فصدقوني انتم من يستحق ان يمثل الهلال...

اخر شي يا اخوان... اللاعبين دورهم ارضاء الجماهير باداء ممتع ولكن هذا مستحيل بدون اولا توفيق الله سبحانه وتعالي..وثانيا دعم الجماهير لهم...يا اخوان يد وحدة ماتصفق....

اسف جدا على الاطالة لكني فدى للهلال....الف مبروك للاهلي وان شاءالله الجايات احسن لنا احنا كهلاليين...والسلام عليكم ورحمة الله وبركاته.....اخوكم وليد

ما شاء الله عليك ,, متفائل مرة ,,
شكلك ماشفت المباراة أو ماتعرف الهلال الحقيقي ,,
ياأخي اللي رأيناه اليوم لايمت لهلالنا بصلة ,, اليوم مهزلة مباراة كاملة ولاهجمة واحدة على المرمى ,,
لعب بارد وروح معدومة ,, حتى الأجانب كأنهم لأول مرة يلعبون ,,
بإختصار الهلال اليوم يسد النفس ويكرهك في الكورة ,, وإن كان هذا هو التحديث اللي يتكلمون عنه فقل على البطولات السلام وبشر الفرق الثانية بسقوط زعيمهم !!

أخوي راشد ترى كلام وليد واقعي ولازم نشجع ونوقف مع الهلال أثناء الفوز وأثناء الهزيمة واللاعب اذا ما لقى دعم من الجمهور صدقني ما راح يتطور وبالعكس تلقاه يلعب المباراة الجايه وهو خايف
يا أخي شوف جمهور الإتحاد اذا تعادل او خسر فريقم تلاقيهم يشجعونهم الى ان يطلعوا الاعبين من الملعب وحنا العكس نحذفهم بقوارير مويه (مباراة القدسية وخالد عزيز)
ترى والله ما في فريق في العالم ما يخسر وينزل مستواه ويصعد
ولا تنسى فريق ريال مدريد الموسم الماضي تراه اخس موسم مر على ريال مدريد وكله هزايم ولعيبه الله بالخير.

تخيل انت مكان احد لاعبي الهلال وش راح تكون ردة فعلك اذا جاك كلام مثل ما جا لخالد عزيز والنزهان والمفرج وغيرهم. جاوب بصراحة.

تذكر كلام الأمير محمد بن فيصل (اتمنى من الجمهور الهلالي أن يصبر على الفريق)

ليس الشديد بالصرعة انما الشديد الذي يملك نفسه عند الغضب