|
ارحمونا يا جماعه الخير ما نبي ياسر ... من بطولة الخليج في الكويت ونحن هنا في منتدى الزعيم لا هم لنا الا ياسر القحطاني بيجي مهوب جاي ،، وناس تقول هاتوه وعالم يقولون ما نبيه .. واخرتها يعني ... والله انه مهاجم عادي جدا ... دققوا باهدافه وباي الفرق يسجلها ..... بالبحرين والا باليمن والا بتركمنستان (( عاد هذي تخصص )) وله اربع سنوات يلعب مع فريقه ولا موسم حقق الثالث في ترتيب الهدافيين ... يعني والله الشغله كل ابوها ما تسوى تعبها ... عندنا خط هجوم ناري ونبي ياسر ،، اللي يسمعكم يقول ما عندنا احد ... يكفينا الصويلح والعلي والجمعان والموري وسامي فوق البيعه .... يعني باختصار لاحاجه لفريقنا به ... الا اذا كانت الامور بهرة اعلاميه وهياط صحفي فهذا شئ ثاني .... |
عزيزي ... القحطاني لاعب كبير ولاعب حماسي من الطراز النادر ولا يرحم أبدًا أما المرمى ثم أن ياسر كان ينافس على لقب هداف الدوري الموسم الماضي رغم انه في فريق أقل من المتوسط... ياسر القحطاني أرى فيه روح وحماس ورجولة سامي الجابر؟؟؟ |
يكفي في القحطاني أنه لاعب قتالي على الكرة وأنه هلالي |
الاخ يو يو حرام عليك تقارن ياسر القحطاني بسامي ايام عزه يعني ممكن سامي اليوم يشابه الى حد كبير القحطاني ان لم يتفوق عليه ... !!! |
اخي الامل الهلالي الميول فقط لا تكفي !!! فلو نفعت لنفعت عزيز والمسعري المستهجنين من قبل جماهير الزعيم ثم اين قتاليته التي لا تظهر الا امام الفرق المتوسطه سواء في الدوري او مع المنتخبات الضعيفه مثل اليمن واندونيسيا وطختهم ... انظر الى ترتيب الفرق ولتنظر الى قائمه الاهداف لترى قوه هجوم الزعيم بدون ياسر القحطاني ... انا لست ضد اللاعب ياسر ولكن الملايين التي ستصرف بجلبه اللاعبون الحاليين اولى بها والمهم من ذلك كله ان تتاح الفرصه للصويلح والموري والعلي ولنرى انحن بحاجه اليه اما لا ...!!! |
ياسر القحطاني لاعب عادي جدا احمد الصويلح مثلا افضل منه بمراحل وللمعلوميه في منتخب الشباب ياسر كان احتياط لبدر الخراشي وغير كذا عندنا العلي وديسلفا والموري والعنبر والجمعان وسامي ونطالب بمهاجم ... شي غريب والله الفريق يحتاج لمحور ممتاز او حتى محورين ويحتاج بديل للدوخي وايضا قلب دفاع |
إقتباس:
8 8 8 8 8 يــــــــــداً بيـــــــــــد من أجل الهلال ياجمهــــــــــــور الهــــــــــــــلال |
تبون الصدق ياسر القحطاني مايصلح لا للهلال ولا للمنتخب والله يستر لا ناخذه شباب الهلال افضل منه |
ياناس ماااااااانبيه هذا لاعب خايس ولاعب فاشل ولاعب من ورق والدليل انه سجل هدف على اليمن وخلته الصحافه افضل مهاجم سعودي ياناس حرااااااام عليكم هذا الاعب مايستاهل من يتلكم فيه والله والله والله لاااااااااااعب اكثر من عادي تحياتي لكم |
والله انا بالنسبه لي اتمنى ياسر القحطاني لانه لاعب يتحرك في الملعب لايهدأ وهذاف من الدرجه الاولى سلااااااااام |
والله سياسة الشراء سياسة قليل الهلال يستفيد منها والدليل على ذلك فشل الصفقات الاخيرة مثل الشيحان و سعد الدوسري والمفرج الكبير والحربي والخثران وعبدالله سليمان و و و القائمة تطول ياليت الله يركز على المدرسة فهي اللي تنجب أفضل الاعبين ولا تنسون أن عمالقة الهلال من نفس المدرسة الهلالية |
منبيه زي العلي اذاجته كورة شاتها لكن مايعرف يعدي |
ياسر لاعب شاب يملك مهارات ليست عاديه لاعب يجيد المراوغه من أكثر من لاعب لاعب نشيط في الملعب لا يهدأ لازال لديه الكثير ليقدمه هذا العام مع المنتخب ومع فريقه ولا تنسى أنه يلعب بفريق لا يوجد به صانع بارع تخيل لو انتقل لأحد الفرق الخمسه الكبار ماذا سيفعل؟؟؟؟؟؟؟؟؟ أتمنى انضمامه للهلال في أسرع وقت هذه وجهة نظري |
شكرا لكل الاخوان الذين اثروا الموضوع بالنقاش واسف لتاخري بالرد عليهم لضروف شركه الاتصالات <<<<<< وجه واحد قافله معه ... المهم ان شباب الهلال فيهم الخير والبركه واللاعب ياسر القحطاني ليس هو طموحنا في الوقت الراهن فنحن بحاجه الى صانع لعب بارع وهجوم الهلال الحالي فيه الخير والبركه دمتم بخير احبتي الكرام .... |
ياسر القحطاني نجم ولاعب فنان وهداف من طراز نادر لاكن ياسر كبر راسه بعد بطولةالخليج والغرور فيه من راسه إلى رجليه يكفي أنه يجيد ضربات الرأس بشكل خيالي ولاعب سريع ومهاراته عاليه ورجله حساسه عند الباب والأخوه اللي قالو أهدافه على فرق ومنتخبات عاديه فهذا أكبر خطاء بالعكس الهداف يبرز أذا كان الفريق اللي قدامه ضعيف تقولون لي وشلون أقولكم الفرق الضعيفه تلعب على تقفيل المناطق الخلفيه والرقابه اللصيقه للمهاجمين وهذا مايصعب على المهاجمين التسجيل بعكس الفرق القويه المهاجم قدام الفرق القويه يلقى المساحات ويستطيع التسجيل ومع كل هذا الهلال بغنى عن ياسر القحطاني لأن المبلغ المطلوب فيه كبير جدا وعندنا أحمد الصويلح أفضل منه والدليل مباراة المنتخب اللي راحت ( الأختلاف بالرأي لايفسد للود قضيه ) |
| الوقت المعتمد في المنتدى بتوقيت جرينتش +3.
الوقت الان » 04:33 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd