04/09/2004, 03:17 AM
|
| زعيــم متواصــل | | تاريخ التسجيل: 05/08/2004
مشاركات: 109
| |
|
عمر الغامدي ومستقبل الفريق!!!!
مساء الخير للجميع,ابغى اتكلم عن الهلال بشكل عام وعمر الغامدي الي مزعل الكثير بشكل خاص..
نبدأ بالغامدي: الغامدي كان احد اهم لاعببين الهلال والمنتخب قبل حوالي 4او5 سنوات.كان مدرب الهلال المدرب يوردانيسكو,لكن مين كان يتذكر وين كان يلعب الغامدي في الجهه اليمنى بس مو محور كان يلعب الوسط اليمين وفي حالة تقدم الدوخي كان يغطي اليمين واذا هو تقدم غطى الدوخي مكانه.لهذا السبب كان ذيك الايام احد النجوم.اما في الفتره الاخيره نشوفه في منطقت المحور الرسمي .قبل ايام ليست بالبعيد مباراة الهلال والزمالك في تحديد المركز الثالث والرابع اعتقد الكثير شاف المباراة من كان نجمها؟؟ عمر الغامدي شفنا المدرب اوسكار حطه في مكانه وقدم مباراة ولا اروع,وهذا دليل قاطع ماان وجد الغامدي في المكان المناسب قدم المستوى المطلوب منه.انا ماادافع عنه بس انا ودي انكم تلاحظون الكلام هذا.ماابغى اطول في موضوعه بس فكروا فيها بالمنطق وتذكروا المباريات الي قلت عنها..
اما مستقبل الهلال في هذا الموسم فأنا متفأل جدا خصوصا ان المدرب يلعب بالشباب وهم متحمسون جدا ليثبتوا انفسهم ضمن التشكيله,وفي حالة عودة الدعيع الدوخي والشلهوب والشريده والجابر فهذا بيضيف لنا قوة شبابيه بخبره كبيرررررره,الدعيع وبصراحه اهم مركز نحن بحاجه له ويعتبر ثقل كبير جدا ,الشريده ويظل افضل المدافعين الموجودين بحكم حماسه وخبرته في المناسبات الكبيره,الدوخي والشلهوب يجمعان الخبره بروح الشباب وهم صغار في السن ومتجددين,
سامي عبدلله الجابر: مجرد وجوده في الملعب وقيادته للفريق يبث الحماس لدى الشباب ويمارس خبرته في الاوقات المناسبه.
واعتقد مع المجموعه الموجوده فسيكون الفريق في قمة مستواه وانا بأعتقادي الخاص ان باولو ديسيلفا سيكون مكسب كبير جدا جدا للنادي,اما الاعب المدافع البرازيلي فهو مقلب وتذكروا كلامي هذا.اما كماتشو فلا علم لي به.
الدعيع
الجري- الشريد- الهليل - الدوخي
الشلهوب- البرقان- الغامدي - سامي الجابر"راس مثلث كصانع العاب الى عودة النجم نواف"
العلي- ديسيلفا
* البرقان محور رسمي والغامدي محور مساعد ولكن يلعب في الجهه اليمني .
والاحتياط::
العتيبي /احسن الموجودين
اخوين مفرج
احمد الصويلح
مشعل الموري
سعد الدوسري
الكابتن عبدلله الجمعان /في حالة انضباطه
وشكرا.... |
الوضع العادي
