|
الدوري الودي اللي يتابع الكرة الانجليزية يلاحظ وجود دوري ودي تحرص الاندية الانجليزية على المشاركة فيه رغم ان عدد اللاعبين المسجلين في الفريق الاول (فوق 19 سنه ) مايتعدى 30 لاعب على الاكثر في كل فريق والهدف منه تجهيز البدلاء للمباريات الرسمية وتأهيل اللاعبين العائدين من الاصابة وفرصة للاعبين الشباب (تحت 19 سنه) واللاعبين المنتقلين حديثا للفريق واذا تذكرون احتراف سامي الجابر في انجلترا كانت بدايته عن طريق الدوري الودي رغم انه لاعب دولي معروف وتقام المباريات عادة يوم الاثنين ( بعد المباريات الرسمية بيوم واحد ) ويكون الدوري الودي خاص بفرق المنطقة الواحده. ونادي الهلال يوجد فيه اكثر من اربعين لاعب في الفريق الاول واكثر من ثلاثين لاعب في فريق الشباب والمدربين الوطنين اكثر من حب الرز وتجربة اللاعبين المحليين المقالب قبل تسجيلهم كلها عوامل تشجيع على وجود دوري مشابه. والسؤال اللي يطرح نفسه ليه مايتبنى نادي الهلال تجربة اقامة دوري ودي مشابه دون انتظار تكرم الاتحاد السعودي التفاتته لأندية الوطن؟؟ وجود المنشآت الرياضية لأندية الرياض والاندية القريبه من الرياض واللي ماتبعد عن الرياض اكثر من مئة كيلو متر تساعد على اقامة الدوري والنجاح فيه. والدوري غير مكلف من الناحية المادية اذا غطت الاندية المشاركة مكافآت التحكيم اللي ماراح تكلف اكثر من الفين ريال لكل مباراة ونقل المواصلات اللي ماراح يكلف اكثر من مئة ريال في كل مباراة والفائدة الفنية راح تكون كبيرة . ننتظر مشاركاتكم وملاحظاتكم |
[ALIGN=CENTER]فعلا كلامك سليم ونحن بالذات في حاجه له وكما قلت فيه اكثر من خمسين لاعب في الهلال فقط لكن خلنا نفكر شوي شوي. اولا وهذي ماهي غريبه ان الرئاسه ماراح تعطي احد وجه وان تكفلت عساها تنجح .... الحين ياليتهم ينظمون الدوري الممتاز الدوري الواجهه للبلد والمنتخب وبعدين يصير خير بالنسبه للمنشات وموجوده ولله الحمد ولو ان يبيله شوية اهتمامات .... لكن مايهم اما ان التكلفه قليله هنا اسمحلي اذا كل مباراة 2000 يعني موسم كامل كم ؟؟؟؟؟ ولا اعتقد ان النادي حتى وان كان كبير يتحمل مسئوليتها سنويا وان تحملها ماديا . يمكن تكون البطوله ثقيله عليه يعني يكفي دوري الشباب والناشئين والفريق الاول يلعب طوال الموسم تقريبا .... هاه وش رايك ........ مانقول الا الله يكون في العون والله يستر على الرياضه السعوديه والله انها في انحدار مخيف والبركه في !!!!!! تحياتي [/ALIGN] |
| الوقت المعتمد في المنتدى بتوقيت جرينتش +3.
الوقت الان » 08:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd