|
أمس قابلت الغنام وهذا ماقله لي بكل امانه؟! [c] كنت في زيارة ليلة البارحة للعاصمة الحبيبة الرياض و أول ما وصلت الرياض مريت على واحد من الزملاء وهو شبابي حتى النخاع المهم رحت لبيتهم ويوم دخلت المجلس وأثر فيه واحد لابس ثوب وشماغ ((كاشخ)) أنا أول شي ما عرفته بس يوم قال لي زميلي أنه الغنام لاعب الشباب قلت ((أها)) الحقيقة الرجال محترم لأبعد حد وخلوق جداً جداً سولف لنا عن النادي ((الشباب)) واللي يصير فيه المهم انا قطعت سالفتهم ودشيت في أم الموضوع وسألته عن حقيقة عرض الهلال له . أنا: صدق فيه عرض من الهلال لك 13 مليون؟! الغنام: ضحك كثير وقال 13مليون قويه الصراحة. أنا: طيب في عرض ولا لا؟! الغنام: والله على حسب علمي (((((لا))))), بس ممكن يكون فيه أحد من الهلال كلم إدارة الشباب, بس أنا ما عندي خبر. أنا: معقولة الهلاليين يقولون أنك بتلعب مع الهلال في الصداقة؟! الغنام: بـ13 مليون ألعب معهم لو يبون بكرا (قالها مازحاً) أنا: أجل لو جاك عرض من الهلال توافق؟! الغنام: سكت شوي وبعدين قال ((ليش لا)) :yes: أنا: مافيه عروض من أنديه ثانية؟! الغنام: على حسب علمي لا أنا: طيب أنت مرتاح في الشباب؟! الغنام: الحمد لله. أنا: يعني أنت ماتفكر في الأنتقال من الشباب؟! الغنام: والله هذي أشياء بدري عليها شوي أنا: طيب صدق انك تدربت في الهلال؟! الغنام: أيه تدربت في الهلال أنا: ليه ما كملت مع الهلال ورحت للشباب ؟! الغنام: والله ياخي النادي بعيد وكنت صغير وحنا ساكنين بشمال الرياض وغير كذا كنت أحس اني مارح اضمن أساسي في الهلال كان عندهم خميس العويران و فيصل أبوثنين وكل يوم وهم موقعين مع لاعب جديد :uhoh: أنا: يعني المصيبيح ماله أي دخل؟! الغنام: لا أبداً أصلاً المصيبيح أكثر واحد تضايق يوم تركت النادي. أنا: طيب ممكن أعرف ليه أخترت الشباب بالذات؟! الغنام: أقرب نادي لبيتنا وغير كذا كنت أحسه أفضل نادي في الرياض بعد الهلال!!!:D أنا: يعني أنت هلالي؟! :bluesky: الغنام: كنت هلالي والحين أنا ألعب بالشباب أنا: يعني انت شبابي الحين؟! :sad: الغنام: شي طبيعي. هذا بعض ماجرى بيني وبين لاعب الشباب الغنام طبعاً الحوار اللي صار بيني وبينه طويل جداً ولكن كان هناك أشياء شخصية كثيرة لا أعتقد انها تفيدكم في شيء خصوصاً مايخص بعد النادي عن بيتهم. الغنام شخصية رائعة بكل ماتحمل هالكلمة من معنى وعندما قابلته عرفت ليه الشبابيين عطوه الكابتنية وخلوه يستلم الكأس في النهائي. ..::تحياتي::.. [/c] |
يعطيك العافيه نواف .. وكلنا ننتمنى الغنام معنا |
نتمنا نشوفه في الهلال |
كله من المصيبيح .. الله يهديه حرمنا منه !!!<-- كلام واحد بيجيك عرض ..! |
يعطيك العافية نواف ونتمناه في الهلال كما نتمنى وضع مقرين مصغرين للنادي في شمال وشرق الرياض لاستقطاب المواهب الصغيرة وصقل مواهبها ،، لانه من غير المعقول ان يحضر الناشئ من شمال وشرق الرياض الى مقر النادي في غرب الرياض ودمتم |
من الكلام اللي حاطه قريت شيء بين السطووووووووور والله انك نشبة يانواف ..... كل ذي اسئلة لواحد اول مرة تشوفه مابقى تسأله صحيح اسم امك (( حصة )) ...... |
[c] الوفـــــا الهلال وبسسسس bestuser ابوهلال شكراً لمروركم على الموضوع MicroAlhilal شكراً لمرورك وبالنسبه لكثرة الأسأله كنت متحمس وودي أقضب يده وأخذه للنادي بسرعه وبعدين ترى الأسأله ماجت في هالتسلسل يعني كان بين كل سؤال وسؤال فاصل من السواليف والضحك. [/c] |
يعني الله ما كتب يبنون بيتهم الا جمب الشباب :D .. ليته ساكن جمب الرياض وش زينهم وانشاء الله يكون كلام خويك صح .. ومافيه عرض اصلا .. لانه مع انه لاعب جيد بس حرام 13 مليون .. مافي لاعب بالسعودية او الخليج كله يستاهل هالمبلغ |
نتمناه في الهلال قريبا ان شاء الله. ولكن ماكل ما يتمنى المرء يدركه |
حلو نواف .. حجرت على الرجال .. بيصير لك مستقبل في الصحافة .. شكراً لك .. بانتظار اللقاءات القادمة >> مادري وش السالفة |
الله يعطيك الف عافيه |
مشكور اخوي . لاكن عندما شاهدت كلامك عن الغنام انا كتبت موضوع بعنوان نبضة عن الغنام اتمنى ان تقرأ الموضوع و الف شكر |
مشكووور اخوي انشاء الله الغنام يرتدي الشعار الازرق تحياتي |
انا عندي تعليق بسيط او بالاصح ملاحظه انت قلت ان الغنام ساكن بشمال الرياض والصحيح ان الغنام ساكن جنوب الرياض وبالاخص حي العزيزيه بامكان اي واحد يساله وشكرااااااااااا |
إقتباس:
|
هلا هلا بك اخوي اشكرك على نقلك لنا لهذه المعلومات وعبداللطيف انسان رائع وخلوق جدا جدا جدا مكانه الهلال والله على العموم عبداللطيف ليس من سكان الشمال بل من سكان الجنوب والعزيزيه وهذا شئ متاكد منه مثل ما انا متاكد اني الحين في شبكه الزعيم على العموم الف شكر لكم وعقبال مانشوف ابو عبدالله بالطقم الازرق |
مشكورين على الخبر لكن معقوله مايدري الى الان عن العرض؟؟؟؟؟؟؟؟؟؟؟؟؟؟؟؟ |
انشالله نشوفه بالزعيم قريبا بالتوفيق للجميع |
إقتباس:
|
إقتباس:
الله يعطيكم العافيه ونتمنى نشوفه معنى بس مو بـ 12 مليون[/ALIGN] [ALIGN=CENTER]ابوسعود ABU S3OOD[/ALIGN] |
اهلين نواف .. ماشاء الله عليك ..<<حجرت له بقوووه احس والله اعلم انه متحفظ على موضوع انتقاله وااجد ..وما يبي يبوح لاحد حفاظاً على سريه الصفقه |
صادوه بس يمكن نقل الان والله يعينك عليهم ياالمصيبيح |
شكرا اخوي نواف11 ,,,,,,, وانشاءالله نشوفه بالهلال عن قريب ,,,,,, |
دردشه حلوه وممتازه يعطيك العافيه |
إقتباس:
|
تسلم ياغالي الغرض من الموضوع كله تبرئة ابن مصيبيح من طرد الغنام رغم انهااا حقيقة لا غبار فيها ورغم التسجيل المفبرك عموما طارت الطيور بارزاقها |
طيب زميلك يالي انت جاي عشانه وراه ما يسولف معكم :D :D :D :D :D :D :D |
ياحبيبي يا نــ11ــواف بغيت توديه للنادي اجل .. ياليت نشوووووووووفه عن قريييييييييييييب .. |
ياليت الغنام يجي للهلال |
إقتباس:
|
والله الغنام جيد وياليت الهلال يشتري عقده 0 |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 01:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd