اشوف اكثر الأعضاء مايملون من لوموهم لأدارة النادي بسبب عدم تخليها عن الكاتو ويطالبون بانهاء عقده لأن ماعنده إلا التصفيق وبس ولكن انا محتار منهم ليه كل التحامل هذا على الكاتو رغم ان هذا اللاعب اذا شارك مع الفريق نشوف منه الحماس والتعاون مع الاعبين رغم ان لاعبين اجانب كثيرين اقل منه مهارات في انديه ثانيه هم كثيرين المشاكل مع زملائهم اللاعبين ولايتعدون منطقة الجزاء لأن باعتقادهم ان دورهم هو تسجيل الأهداف وبس ماهو مطارد الكوره في الملعب وتسليمها لغيرهم من الاعبين وهذا الشئ ماشفناه في الكاتو لاعب يمتلك مهارات تسمح له بازعاج المدافعين اللي قدامه .
قامه طويله وبنيه قويه لايوجد لهاميثل بين مهاجمين نادينا ماعدا البنيه القويه عند الجمعان بس ( ماشاالله )، في مبارة الأتحاد الأخيره شفنا كيف يوم دخل الكاتوالأزعاج اللي سببه لمدافعين الأتحاد حتى تعرضه للأصابه .
فأنا اللي ابي اقوله اننا ماننساق ورا الكلام اللي يردده بعض المحسوبين على نادي الهلال بخصوص الكاتو او غيره من الآعبين لأنه لو فرطنا فيه فحتما بنشوفه بنادي ثاني وبنقول ليه الأداره فرطت فيه .