لحظه لحظه ماني سامع زين ،، من يقول هذا الكلام اشوف - نادي الهلال السعودي - شبكة الزعيم

القرصان الأزرق · #1 23/07/2004, 11:18 PM

سلام حبايبي جمهور الازرق

بصراحة دايم اسمع وارى من بعض الاعضاء في المنتدى وهم لايتمنون تعاقد الهلال مع ياسر القحطاني لاعب المنتخب والقادسية السعودي ،،
أنا أحب اعرف واسأل الشخص اللي يقول ان ياسر القحطاني مايستاهل الانظمام للهلال ،، مايدري ان ياسر هو اللاعب الوحيد اللي شايل المنتخب في الفترة الماضية وبالاصح المباراتين اللي راحت ،،
اخواني حدث العاقل بما يليق ،، ياسر وبس ياسر وبس ،، زود معه الغنام ،، ونم 5 سنوات لاتجيب احد ،،

كلامي فيه شيء والا انا اخذرف .

محب الهلال والهلاليين

ماجــــلان · #2 23/07/2004, 11:26 PM

هلا وغلا القرصــــــان

كلامك عين الصواب ولكن هل يتعاقد الهلال مع لاعبين ومنصور البلوي موجود

اعتقد ان الهلال اذا وفق في التعاقد مع ياسر والغنام سيعوض مافعله في الموسم الماضي

ويعطيك الف عاااافيه اخي الغالي

لك تحياتي

أيطالي · #3 24/07/2004, 12:29 AM

صح لسانك

وعين العقل اخوي ..
بس الله يعينك
على الردود الحين

الخالدي الهلالي · #4 24/07/2004, 12:50 AM

والله انك صادق
وبعدين كفايه انهم وثقوا فيه واعطوه الرقم (9) في المنتخب وهذا الرقم مايشيله غير اللاعب اللي يجدون فيه جميع المواصفات

ارجوا سرعة التعاقد معه

واذا كان الغنام بـ13 مليون
فهو بـ7 ملايين

والغنام يوجد مكانه البرقان

تحياتيي,,,,,

قمر آسيا الهلال · #5 24/07/2004, 12:55 AM

ياشباب اظنكم مخطيين شوي ليش ؟؟؟

لانه مركز الهجوم الحين مليان وفي اللي احسن من القحطاني وهو الصويلح لاعب مهاري عنده قدم قوية شوي ويجيد ضربات الرأس

hilalemooot · #6 24/07/2004, 01:39 AM

اللي يقول غير كلامك غلطان

واللي يقول عندنا مهاجمين زياده الخير خيرين والجمعان مشكلجي ما تضمنه العلي احتياطي الصويلح صغير هو والعنبر ..

موافقك مليون بالميه..

قمر آسيا الهلال · #7 24/07/2004, 01:48 AM

يااخوي مايصير هذا اللي قعد تقوله شغل مخك شوي نعطي الفرصة للصويلح والعنبر والخراشي حيكون احسن من دفع الملايين

* دحومي* · #8 24/07/2004, 02:02 AM

ياسر في المنتخب والصويلح توه شفيكم انتو

bestuser · #9 24/07/2004, 02:02 AM

[ALIGN=CENTER]

إقتباس


	واذا كان الغنام بـ13 مليون فهو بـ7 ملايين والغنام يوجد مكانه البرقان تحياتيي,,,,,

طيب فيه مكانه الصويلح والعنبر والخراشي !!!

وتضمن البرقان لا سمح الله يصيب او يوقف !!

سؤال ..!

أنتم تقولون أعطوا الشباب فرصة طيب !!

ليه ماتبون الخراشي والعنبر يعطون فرصة وتعطونهاللقحطاني ؟

طبعا الشباب = شباب نادي الهلال .. مب يجي واحد ذكي ويقول هذا شباب

[/ALIGN]

فاقد الاحساس · #10 24/07/2004, 02:40 AM

ياسر الاعلام عطاه اكثر من حجمه

الهاوس · #11 24/07/2004, 03:25 AM

نعم ياسر والغنام هما افضل لاعبيين موجوديين في الاندية السعودية ولكن

ان الغنام ب13000000

وياسرب7000000

المبالغ كبير بل وكبيرة في لاعبيين سعوديين مع احترامي لهما

زعيم الأبداع · #12 24/07/2004, 03:38 AM

ودنا يجي ياسر للهلال بس ماراح يوافق عليه الشريطي الياقوت رئيس القادسيه

لان الياقوت رضى على نفسه ان يكون طرطور للبلوي خاصه بعدما سال لعابه لملايينه وهداياه

يعني بلاش نحلم كثير والموضوع كله بيد الصعلوك الياقوت

!! زعـيـم نـجـد !! · #13 24/07/2004, 03:49 AM

[ALIGN=CENTER]
كـلامك عين العقـل ....!!

بالفعل ياسـر أفضل من يمثل هجـوم الهلال ....!!

وبعدين وش فيها لو لعب ياسر بجانب الصويلح....!!

كأني بهم يمثلان قوة ضاربه في الهجوم الهلالي ...!!

تحيـاتى,,[/ALIGN]

yuyu · #14 24/07/2004, 03:54 AM

[ALIGN=JUSTIFY][ALIGN=CENTER]والله ياسر لاعب كبيييير .... الغنام ممتاز بس عندنا إللي يكفي..[/ALIGN][/ALIGN]

5Faya · #15 24/07/2004, 04:47 AM

صراحه انا الحين اقتنعت بمستوا القحطاني واتمنى انضمامه للهلال