21/07/2004, 05:06 PM
|
| زعيــم متألــق | | تاريخ التسجيل: 25/11/2002 المكان: بريده
مشاركات: 1,140
| |
|
..::::محتـــــــــــــار::::...
[c]
محتار وش أحط لموضوعي عنوان ؟!
محتار من وين أبدا ؟!
محتار وش أقول ؟!
محتار ؟! مدري ؟! بس محتار ..
شوفوا بقص لكم القصة من أولها وأنا متأكد أنكم بتحتارون معي ؟! OK اتفقنا..
اليوم كنت أتمشى في المنتديات الهلالية منتدى منتدى , المهم لقيت واحد في واحد من المنتديات كاتب موضوع نرفزني شوي
وقلت لازم أرد عليه يومها اكتشفت أني ما بعد سجلت في هالمنتدى جيت بسجل وقالو لي الجماعة ما تقدر تسجل بيوزر ((نـــ11ــواف))
لأنه سبقك به عكاشة  قلت ما عليه ضريبة الشهرة  ألا على طاري الشهرة يا ولد ليش ما تسجل بيوزر يا قاهرهم يا سامي
قلت لا أخاف يحسبوني نفسها أو يزعل الرجال, طيب وش رايك باليوزر(((يا قاهرهم يالمفرج))) مسكتّ صح 
بس مع الأسف فيه مشكله! الحين عندنا أثنين عيال المفرج, أيهم اللي قاهرهم ولا كلهم يقهرون ؟! طبعاً هالمرة
غير, سامي كان يقهر جماهير الأندية الثانية وذولا يقهروننا حنا  طيب قاهريننا ليش مانشوتهم ؟!
هنا بدت الحكاية الحين كنا بواحد وقلنا جت إدارة جديدة وكل اللاعبين اللي تعاقدت معهم ألى الحين مدافعين وفيه مدافع أجنبي بالطريق وفرانك يتدرب
مع الأولمبي يعني ردد يالليل مطولك يالمفرج وخلاص جئ يومك, يوم جابو الجماعة أخوه وكنا بواحد صرنا باثنين ...
وقتها سويت مقابله مع نفسي هذا نصها :
س/ طيب ما فهمت لك وش تبي بالضبط الرجال وقع وانتهينا وغراباً باليد خير من كناري على الشجرة ؟!
- أبي مدافع زي الناس يعني 15000 كل شهر تروح والله حرام, لا ويقولون أحمد خليل يبي ينسقونه.
س/طيب عطنا مثال لمدافع زي الناس؟!
- صالح النعيمه ياخي
س/ مانبي من ((الرعيل الأول)) نبي من عيال الميلك شيك ؟!
- رضا تكر (بس مشكلته ما رضع ميلك شيك)
س/بس رضا وقع للاتحاد عقد أربع سنوات بقيمة 6 أو 5 ملايين ريال والنادي ما عنه هالإمكانيات؟!
- يعني المسألة ماده, طيب فيه غيره واجد ما فيه ألا المفرج رخيص؟
س/منهم الرخيصين؟!
- الهدّاف, مدافع جيد وطويل وحماسي ..
س/طيب هذا المفرج والصفقات الثانية وش رأيك فيها؟!
- آهـ حطيت يدك على الجرح!!
((الصفقات الثانية))
مضواح / أول مره أسمع فيه بحياتي, كان فيه مسلسل بدوي يعرضه التلفزيون قبل عشر سنين فيهم واحد أسمه مضواح بس لاعب أوّل مره؟!
الشمري/ منسّق نادي رأس تنوره! هذي تكفي
وعموماً حنا الهلاليين مساكين ؟!
س/أف مساكين ليش؟!
- كنا نحلم بمالك ديوب وبدره صفت على فرانك!
كنا نحلم بنور والغنام وصفت على المفرج والشمري !
كنا نحلم بيوردنيسكو وشكلها بتصفى على برازيلي ماله تاريخ !
كنا نحلم بالحبشي يدرب الأولمبي وأثره يتركنا ويعلن أنه نصراوي !!!
كنا نحلم بوبورسكي وأثر الرجال يرفض أغراءت الأندية الأوربية ويجدد لسبارتا براغ ((يعني الهلال بحّ)) !
وعندي أحساس قوي أن ولد خالة سيسيه هو صانع لعب الهلال القادم ؟!
ألا على طاري الأجانب والإحساس ..
عندي أحساس قوي برضوه أن أجانباً من خمس سنين هم نفسهم شخص واحد بس يغيرون أسمه وشكله ولونه ويجيبونه لنا
يعني وش فرق الكاتو عن تراروي عن حمود الفشقه غير الشكل واللون بس ؟!
والمسالة يا جماعه ترا ما هي مسألة ماده فيه لاعبين أجانب جيدين جداً و رخاص جداً
ولا نادي مثل الشباب والنصر أقل مادياً من الهلال ومع ذالك أجنبهم الموسم اللي فات أفضل من أجانبنا وأرخص خصوصاً منقا وأترام ...
..::تحياتي::..
[/c]
|
الوضع الشجري
