لاعب يريد الهلال وموهوب والخالد يرفض..............؟
 

بصراحة يالزعماء يا محبي الهلال أو هلابولي هذه الواقعة يرويها لي اللاعب نفسه والله العظيم شخصياً وأنا أعرفه وأعرف لعبه مضبوط مهاجم بس أفضل مهاجم شفته على الطبيعة ( ضرب بالرأس ، ارتقاء ، مهارات فرديه ، سريع بطل وزارة التربية والتعليم في ( 3000) م التي أقيمت في الزلفي العام الماضي والمركز الثاني في ( 1500) م وأهم منها الاخلاق العالية .
اسمــه ( محمد الدوســــري ) طولــه : 1,88سم ، مواليد : 1404 هـ
هداف الدورة الرمضانية التي أقيمت عندنا بالوادي بتسعة أهداف .
هداف منتخب مدارس الوادي أيام مبارياتهم مع مدارس جيزان والزلفي برصيد سته أهداف .
بصراحه والله لاعب موهوب .
هلالي موت ، النصراويون حاولوا فيه وهو رافض يا الهلال يأأكمل الدراسة بالوادي أحسن ، أخيراً قبل أسبوع اتصلوا عليه وقالوا عشره الآف وتعال ........ ورفض
المهم : يقول قريت الجريدة أن الهلال سوف يستقبل المستجدين يوم الاثنين الماضي ، يقول وأركب الطيارة وأنا والله مالي شغل الا التدريب مع الهلال .
ويوم جاء بعد المغرب الا أنا في ملعب أعداد القادة الا ذا المدرب ( عبدالعزيز الخالد) وتفاجأ من العدد الهائل للمستجدين ( 40) لاعب ، قال لنا بسوي لكم تقسيمة في نصف الملعب أربع فرق عشرة عشرة لمدة20دقيقة قلت: يا كابتن كيف تحكم علينا بسرعة هذه قال اللاعب لاعب مهما كان ، لعبت مع الفريق الاخضر مهاجم وجاتني كرتين على الرأس كلها ضربت العارضة ومسكها الحارس فقط وكان الملعب ضيق ولاعبين جدد لاتعرفهم ،وبعد احدى ضربات الرأس التي ضربت العارضه سألني حكم المناورة ( مساعد المدرب ) عن اسمي ، وبعد 20 دقيقة اجتمع بنا عبدالعزيز الخالد وقال لنا انه لا يستطيع ضم أحد منكم الآن :confused::confused::confused:
وكل شخص يترك رقم جواله وسوف نقوم بالاتصال عليه :razz:
الى هنا انتهى كلامه والاستغراب بادي عليه :sigh:
يا زعماء معقولة 40لاعب ما فيهم فاتح عين بعدين والله العظيم اللاعب هذا والله مكسب ويبغا يسجل في الهلال ولو كان بببلالالالاش




>>>>
المشرف ..
تم حذف رقم الجوال

الاخ سارى العبدالله اقدر لك جهودك بس ياليت تشيل رقم الجوال احسن من ناس ثانيه وانت افهم

اخوي ياليت تشيل رقم الجوال .. لان زي ماقال سعود الحماد .. عشان الناس الثانيه ..

وان شاء الله المهتمين في مثل هالمواضيع والقريبين من الاداره يرفعون الامر الى الاداره ..

وبصراحه احنا مانتمنى اننا نتحسف عليه مثل ماتحسفنا على تكر وعلى الغنام وغيره

شكرا لك على اهتمامك ...

أخوي ليش تظلم المدرب
لأني قرأت له تصريح يقول راح يتابع مستوى المستجدين
بعد بطولة الصداقة لأنه لا يستطيع تدريب الفريق
الأولمبي ومتابعة المستجدين..,,

تحياتي..,,

ياخي شل رقم الجوال


وارسله بالخاص لأحد المشرفين ....

وان شاء الله يقومون بالازم .

رقم الجوال امسحه و ارسله بالخاص لأحد المشرفين

طيب يمكن المصيبيح حاضر تقسيمة المستجدين ولا يطلع لنا واحد مثله

الواسطه ذبحتنا

طريقه سيئه يتبعها الهلال او المدرب للكشف عن مواهب المستجدين وغير مجديه

لكن يمكن ضيق الوقت السبب واقول له اصبر الى مابعد دورة الصداقه

وحاول رفع المخزون اللياقي لتكون جاهز للاختبار وفقك الله

الله يعينك وانا انشالله بشووف موضوعك يالغالي

انتظر مني مكالمكه قريبه انشالله

الهلال افضل من يتابع المستجدين

اذكر في سنه من السنوات حضر للهلال فوق الستين مستجد وبعد اسبوع من التمارين والاختبارات اختاروا 11 لاعب ليلعب ضد الفريق الرديف اللي يستعد لأول دورة صداقة يشارك فيها الهلال لكن المدرب هولمان رفض لأن عدد اللاعبين في الفريق الاول فوق الاربعين لاعب وماعنده استعداد يزيد عدد اللاعبين.

احيانا الظروف والحظ يعاند اللاعبين المستجدين ومو معنى هذا ان الهلال ما اقتنعوا باللاعب المستجد

ونصيحة مني اخوي ساري ياليت تحاولون الاتصال بمساعد المدرب واذا مافيه نصيب مع الهلال الفرصة مفتوحة مع الاندية الثانية وش يدريك يمكن يحصل له مثل ماحصل للغنام .