مواطن الضعف وما يحتاجه الفريق في الموسم القادم ( اذا كنت تعرف غيرها بلغنا بها)
 

الفريق ماينقصه الا محوري دفاع وتم التعاقد معهم .

وظهير ايسر وتم التعاقد معه .

وصانع العاب والله يرجع لنا نواف والحربي والصالح ..


يعني الفريق هالحين لاينقصه الا مدرب فقط ..

غلطان وانا اخوك اذا بنعطيعهم كلهم تأشيرة خروج ما راح يبقى عندنا مدافعين احتياط بعدين خالد عزيز ليه يعطى تأشيرة خروج اللاعب توه صغير في السن ونقدر نستفيد منه انا معك في عبدالله سليمان لأنه كبير في السن وتركي الشايع واخالفك في باقي اللاعبين فهد المفرج لازم يلعب قلب دفاع لأنه مركزه الاساسي قلب دفاع حتى بندر المطيري وعبدالعزيز الخثران من المبدعين في الهلال وذياب مجرشي صغير والنزهان ما اعطوه فرصته انا اقول لو عطوه فرصه يلعب في الظهير الايسر كان ابدع فيه وشفنا النزهان يوم لعب ظهير ايسر كان مبدع فيه مع ان مركزه الاساسي ظهير ايمن
هذي وجهة نظري

الفريق كمجموعة مايأدي مستوى جيد ولاكن لابد من الاستعانة بلاعبين محليين على مستوى عالي ولاننسى الاعبين الاجانب الذي يلزم ان يكونو افضل من الموجودين بمراحل

الأخ blue clubمع احترامي لرأيك
لكنك وصفك لاعبين كالنزهان والمطيري والمفرج انهم يحتاجون فرصة اعتقد انه خطأ بحق
هذا النادي لأنه الزعيم مو الحزم علشان تجلس فيه هالأشكال

انا موافقك بكل اللي قلته

مشكلة الهلال الازليه في الهجوم وبالتحديد رأس الحربه وتقول مايحتاج الهلال هجوم ؟؟؟

بإلاضافه إلى افترائك على عزيز والخثران والشايع

صحيح مانتمى وجودهم اساسيين لكن مالمانع من الاستفاده منه كبدلاء

الهلال معروف انه كان ((لاحظ كلمة كان يعني فعل ماضي ))
1- كان يجب ان يرمم دفاعه وهذا ماحصل بالمباراه الاخيره للهلال امام الزمالك
2-ظهير أيسر وتم التعاقد والحمدلله
3_لاعب محور (( الى الاان هذي الخانه غير متوفره بالهلال الهلال ياعزيزي كان أحسن لاعبين المحاور يخرجون من هذا الفريق لكن الحين للاسف بدال نقطة القوه صارت نقطة ضعف))
4-صانع العاب اتمنى يكون من امريكيا اللاتينيه نفس ماسوى فريق النصر الشقيق يوم جاب سيزار

وبس واعادة الروح للاعبين

يخوك نتوسم خير برئيس الهلال وبعودة سمو الامير هذلول بن عبد العزيز ومتابعة بندر بن محمد واهتمام عبد الرحمن بن سعيد وتواجدالامير نواف بن محمد الشرفي ومحبة الامير الوليد بن طلال للهلال كل هذي المؤشرات تدل اننا نشوف الهلال الزعيم وانكان ماذكره حسين الحبشي ببرنامج كل الرياضه بقوله يوجد بلهلال خمسة لاعبيين اشبه لاعبييين ولم يذكرهم هل الدوسري والخثران والغامدي والشريده والجابر والمفرج
لاعبيين تلعب بي اسماءها خلو عنكم ا الفريق الألومبي هذولاء خلوهم لصداقه الواحد منهم لو لعب مع الفريق الاول ولعب مباراة لها أهميتهامالك الا تدعيله ان الله يثبته
الهلال طوال تاريخه يلعب بلاسماء ومشجعين الهلال
يبيله وقت حتى يكون متابعه وحضوره للمباريات الهلال للهلال مهوب للاعبيين حتى لا يجي منهو يقول يبيلهم صبر لا تستعجلون عليه شوفوا الشباب هذولاء اعضاء شبكة الزعيم اكثر من جماهيرهم ومالهم صحافه مثل الهلال الا انكان يشارك الهلال بكأس الملك بفريقين المباريات الي تكون مالها اهميه او مع نادي من انديه ان مافاز يتعادل ويريح الفريق الاول فهذا يكون افضل للهلال
يطول عمرك
الله يعطيك العافيه
المشعلل

انا اختلف معك بابعاد الشايع والمطيري عن الهلال
لانهم امام سنين لكي يستفيد الهلال منهم
واتمنى جلب لاعب اجنبي في الوسط الايمن لمساندة الدوخي
لاني لاحظت في المباريات الخيره انخفظ مستواه وما عنده احد يفهمه زين
واتمنى يكون مثل الاعب الاوكراني السابق اندريه

انا اوافقك من جانب تنسيق اللاعبين اللي ذكرتهم ومن جانب نقاط الضعف
وصراحة استغرب دفاع بعض الأعضاء عن أشباه اللاعبين كالمفرج والمطيري والخثران ويقولون خلهم ولو احتياط
ياأخي هذا الزعيم وهاللعيبة ماراح تجيب له اي بطولة
اتمنى ان تكونوا واقعيين وتبعدوا عن العاطفة