السلام عليكم

هارد لك شباب

وبصراحة الخسارة اليوم يتحملها المدرب "ريكارد"

تشكيلته من البداية غلط

قلت أنا في ردي السابق بوميل مو في الفورمة يعني تواجده غلط×غلط

المفترض يكون جيولي أساسي

وتغييراته غلط

ميسي يطلع؟ وراه؟!

أفضل لاعب من وجهة نظري الشوط الأول ليه طلعه؟! الا كانه مصاب عاد كملت!!!

ازكويرو؟؟؟؟؟؟؟؟؟؟؟؟؟!!!!!!!!!!!!!!!!!!!!!!! ما أدري وش لاقي فيه؟!! ماهضمته هاللاعب من أول ماجا للبارسا وأنا ماقتنعت فيه ولا أدري وش أسباب التعاقد معه؟!!!!!!!!!!!!!!!!!!!!!!!!!!!

يعني يقالك بيقلب النتيجة منزله من بداية الشوط؟!!!!!!!!!!

جيو هو التبديل الحلو بصراحة

لأن ماركيز في أي لقطة ممكن ياخذ كرت أصفر ثاني وينطرد

جيو نزل وأدى المطلوب منه بصراحة.

وتمنيت أنه كان متواجد في البداية في المحور

بصراحة أبدع الطفل توريس اللي مايبدع الا قدام برشلونة

ينام طول الموسم وإذا جت مباراة برشلونة مارس هوايته

أفضل حل معه شراءه عشان نفتك من شره

أهدافهم غلطات للأسف كلها

هارد لك وهذي مو نهاية المطاف خسارتين في الدوري مافيها أي مشكلة

والخسارة بحد ذاتها ليست ذات أهمية بقدر أهمية مابعد الخسارة؟!

يعني التصحيح

نريد أن نرى برشلونة الحقيقي أمام فالنسيا

اليوم نقول معذورين غياب 6 نجوم وفوق هذا كله تأليف من ريكارد

المباراة الجاية إن شاء الله ايتو يكون موجود ويحل الأزمة شوي.

المباراة الجاية في الكامب نو

اتليتيكو لعبوا بطريقتهم أمام برشلونة

لكن الفارق مستوى برشلونة لم يكن المعهود عنه

يعني بصراحة الخسارة مستحقة

وازكويرو هذا ماينفع صدقووووووووووووووووووووووني

السلام عليكم

إقتباس الرسالة الأصلية كتبت بواسطة sulyaman السلام عليكم هارد لك شباب على الهزيمة القاسية والمتسبب فيها ( في اعتقادي ) هو ريكارد . . نعم المدرب يعني تشكيلة من الأصل ما أدري وش تبي ؟ ؟ قابري المبتعد عن أجواء المنافسة والمباريات كثيرا يشركة في مباراة حساسة ! ! لاأحد يقولي غيابات وما أدري وش . . يقدر يطلع توليفة من أول تعطيك مهب يسوي تغييرات ما أدري وش تبي بالظبط ! يعني حتى يوسف سيف انتقد ( بطريقة غير مباشرة ) تغيير المدرب لميسي ؟ ؟ يعني الكل من اعلام وجماهير وما أدري وش يتكلم عن خليفة روني يروح يطلعه من اول الشوط الأول ؟ أوكي اذا الاعب ماعطاك الشوط الأول من حقك انك تغيره . . لكن لاعب طول الشوط يلعب ويسدد على المرمى تروح تطلعه هذا الشي الغريب صراحة ! ! ! حتى تغيير ماركيز عليه أكثر من ألف استفهام ؟؟؟ أنت منهزم تروح تحط تغيير دفاعي ليييييه لكن شباب فيه واحد من الشباب كان ومازال يقولي ان ريكارد مهب في مستوى البارسا . . . لكن أنا كنت أكابر وأقول كيف مهب بمستوى البارسا وهو يعطيك كل هالنتايج وتوجها ببطولة الدوري ؟ يجاوب علي يقول ان جهود الاعبين هي السبب الأول والأخير . . ومباراة اليوم خير شاهد ؟ ؟ فعلا غياب روني وايتو مؤثر لكن ياخي عندك احتياطك ياخي أقوى من بعض فرق اللاليقا تقدر تعوض هالغياب ؟ ؟ فعلا شباب ريكارد مهب بمستوى البارسا يعني في المباريات الحساسة يضيعك . . لكن في مباريات الدوري كونها غير حساسة . . يعطيك ؟ ؟ أرجوا ياشباب انكم تعطوني رأيكم في الكلام الي قلته ورأيكم في ريكارد أرجوكم شباب ما أبي أحد يدخل ويقول هارد لك الهزيمة ويطلع نبغى نناقش هالهزيمة شباب أرجوا التفاعل

وعليكم السلام

أخوي سليمان

صدقني ريكارد أكثر الفرق تتمنى مدرب مثله

يكفيك أنه هو من كون الفريق الحالي بالتعاقدات المثالية ولو تحفظت على بعضها.

وليس من المعقول أن نقول بأنه ليس في مستوى برشلونة من أجل مباراة واحدة.

أنا معك المدرب غلط في تشكيلته من الأساس وأيضاً غلط في تغييراته ولكن هو قادر على أن يواصل مع برشلونة وتحقيق البطولات.

وأختلف معك في تغيير ماركيز

أنت لاحظت من الأساس هو كان ناوي يطلع جابري على ما أظن لكن الكرت اللي أخذه ماركيز خلاه يغيره وأنا معه في هالنقطة.

لأن ماركيز في أي وقت ممكن ياخذ كرت آخر

حتى جيو كان مقنع بصراحة وتمنيت تواجده من البداية

مشكلة ريكارد

التأليف

ما أدري على أي أساس وضع التشكيلة الأساسية من البداية؟!

يعني لاحظنا أنه غير التكتيك ولعب بمهاجمين فقط اللي هم ميسي ولارسون

يعني تكتيك لم يتعود عليه اللاعبين

حتى ديكو شاهدناه ضايع شوي

المفروض لعب جيولي بدل بوميل من البداية ولعب بالتكتيك المعتاد لكن التأليف هذا مانبغاه

زين أنها جت في هالمباراة يا رجال

عشان يستفيد من هالأخطاء

يعني الحمد لله الوضع في الدوري مطمئن إلى حد كبير

السلام عليكم

إقتباس الرسالة الأصلية كتبت بواسطة sulyaman الي أبي أوصله أن ريكارد يضيع بالمباريات الحساسة صح ولا لأ ؟ على العموم المباراة انتهت ولانحكم على ريكارد من كم مباراة على قولتك . . نصبر ونشوف الأيام الجاية

يمكن يكون كلامك صحيح سليمان

بس أتوقع أنت تقصد المباريات الحساسة

تقصد تشيلسي أظن ماكان فيها أخطاء من ريكارد

بس لخبطة في الدفاع واستغلها تشيلسي

ومباراة سرقسطة قلنا في الكأس عادي يريح لاعبين، يعني أخرجهم عشان الراحة مو تأليف منه

لكن مباراة اليوم من جد تأليف في تأليف

ننتظر ونشوف على قولتك

مع أني متأكد بقدرات ريكارد

بحكم أنه ثالث موسم مع برشلونة الآن.

بس ماقلت لي رايك في ازكويرو بصراحة

السلام عليكم

إقتباس الرسالة الأصلية كتبت بواسطة sulyaman هلا ماجد من ناحية التصحيح هذا ريكارد قال نبي نصحح الأخطاء ( قبل هالمباراة ) ولا شفنا شي ؟ ومن ناحية ثانية ترى المباراة الجاية على المستايا;)

كلامك صحيح على المستايا أنا غلطان

موب صعب الفوز

بس برشلونة يلعب كما عهدناه