رابطة عشاق برشلونة (للكاتلونيين) - صفحة رقم 718 - نادي الهلال السعودي - شبكة الزعيم

S U L A I M A N · #1 22/02/2006, 07:15 PM

السلام عليكم

قوهم شباب الله يعطيكم العافية

إقتباس


	الله لا يقوله لا تتفاول بشر على ماركيز بس ان اخذ كرت أصفر ما أتوقع ريكارد غبي ويحط القويرا مدافع اكيد انه بيرجع أدميلسون دفاع وبيخلي موتا محور أقصد بالاياب << يعني ريح نفسك ياسليمان من اللحين

والله انك تسمع بعد...! تبي ريكارد مايلعب القوير ؟ أحس انه مستحيل مايلعب . .

إقتباس


	مرحبا سليمان انا قصدي اني اتمنى هنري يجي للبرشا وراك عصبت انت وياشباب الله الله بالدعاء اليوم علشان نكسر راس المدعو مورينيو((مااعرف اكتب اسمه صصصصصصصصصصعب)) وياشباب ياليت احد يرد على موضوعي بالعام 5و6 حقت ارتي ماتطلع عندي وش السالفه انا مشترك امس وشكررررررررررررا مقدما

هلا أخوي ماجد

لاعصبت ولا شي . . بالعكس ياخوي لكن كان قصدي انه مايصير فيه أي خبر أو كلام عن شيئ خارج برشلونه

بالنسبة للآرتي 5-6 صراحة ماعندي خبر عندي يشتغلن 100% . . على العموم مباراة البارسا على الآرتي 4

وحياك ربي مرة ثانية وآسف اذا أغلطت عليك يالغالي;)

أسيــ الزعيم ــر · #2 22/02/2006, 07:31 PM

السلام عليكم

الله يهديك ياسليمان أجل ماتبيهم يرشون العشب بالموية ....!!

أما في المقابل ومدري وش هذي .. هذا طال عمرك لاعبي تشيلسي منذ زمن مايتدربون على ملعبهم عشان مايزيدون
سوء الأرضية سوء .. وأكيد البارسا طلب انه يتدرب على الملعب وهذا من حقه والنادي خلاه يتدرب عليه .. يعني البارسا
مو مغصوب على التدريب في ملعب المباراة بل بإختياره

وعلى فكرة مورينهو مو غبي إلى هالدرجة .. يرش الملعب قدام عدسات الكاميرا .. يمديه يجي هو للنادي في آخر
الليل ويرشه بلي أخضر

:

تحياتي للجميع .. وهاردلك ياشباب من اللحين ؛ ؛ ؛

S U L A I M A N · #3 22/02/2006, 07:37 PM

إقتباس

الرسالة الأصلية كتبت بواسطة أسيــ الزعيم ــر


	السلام عليكم الله يهديك ياسليمان أجل ماتبيهم يرشون العشب بالموية ....!! أما في المقابل ومدري وش هذي .. هذا طال عمرك لاعبي تشيلسي منذ زمن مايتدربون على ملعبهم عشان مايزيدون سوء الأرضية سوء .. وأكيد البارسا طلب انه يتدرب على الملعب وهذا من حقه والنادي خلاه يتدرب عليه .. يعني البارسا مو مغصوب على التدريب في ملعب المباراة بل بإختياره وعلى فكرة مورينهو مو غبي إلى هالدرجة .. يرش الملعب قدام عدسات الكاميرا .. يمديه يجي هو للنادي في آخر الليل ويرشه بلي أخضر : تحياتي للجميع .. وهاردلك ياشباب من اللحين ؛ ؛ ؛

أجل لي أخضر

لكن والله خايف عليك عبد الله ....! لكن قو قلبك من الحين . . ترى كله مباراة ماتسوى

أهم شي لاتنسى اللمبة الخضرا بالله على قولة محمد

لكن حلوة منذ زمن هذي

أسيــ الزعيم ــر · #4 22/02/2006, 07:40 PM

^
^^
^^^

لا بس أبين لك الحقيقة

وترى ماشفت شي تراني خطير في اللغة العربية

زي خطورة تشيلسي اللي بترقعكم اليوم

بس من جد عندي أمنية أتمنى ان ريكارد يدافع اليوم أتمنى انه يعتمد على الدفاع .. ووقتها شوفوا وش بيصير

تحياتي للجميع ؛ ؛ ؛

beckham77722 · #5 22/02/2006, 08:02 PM

بالتوفيق
وتعوضون مدريد

RoMa4eVeR · #6 22/02/2006, 11:01 PM

لاوش دعوى سليمان ماصار شي انا امزح

الحين الدقيقه 20 لعب حلو والله عقبال القووووووول انشالله

اوليقر بدايه حلوة والله بدا يظبط

Raziel · #7 23/02/2006, 12:55 AM

بسم الله

يا شبــــاب:

ألف مبروك الفوز 2 _ 1

ومبروك التأهل سلف (ان شاء الله)

:-)

أسيــ الزعيم ــر · #8 23/02/2006, 01:07 AM

السلام عليكم

أولا ً ألف مبروك الفوز المستحق

المباراة سيطر على أغلب فتراتها برشلونة .. ولاشك في ذلك بسبب الطرد الذي تعرض له دل هورنو وكان طرد ظالم
بينما لاعب آخر يمنح بطاقة صفراء في كرة يستحق عليها الحمراء وفي كورة ثانية كانت تستوجب الأصفر الثاني
لكن الحكم يتغاضى عن ذلك بالرغم من إحتسابه للخطأ .. واكيد عرفتوه .. اللي هو بويول .. وتخيلوا حال برشلونة
بدونه .....!!

ميسي أحببت فنه وعشقته .. نعم تلاعب بالدفاع وبالتحديد دل هورنو وفي كورة أخرى في روبين وفي كرة أخيرة
لفيريرا الذي وقف له بالمرصاد كثيرا ً

الطرد بلاشك أثر ولكن لو نظرنا له من ناحية أخرى فهو أفاد تشيلسي قليلا ً .. والإفادة كانت في إنتقال فيريرا
للجهة اليسرى لتغطية الداهية ميسي وترك النائم روني

ميسي قد يعتقد الكثير أنه نجم المباراة بلامنازع .. لكن أنا أقول أن نجمها جون تيري ومن بعده ميسي وتشيك

روبين تلاعب بأوليغر وكاد أن يتسبب في طرده أو على الأقل في حصوله على بطاقة صفراء .. لكن الحكم لم يرد ذلك

الذي يجب أن يعلمه الجميع أن من خسر اليوم هو تشيلسي ومن إنتصر هو برشلونة وهذا معروف ولكن يجب أن يعلم
الجميع أن تشيلسي لن يخرج بهذه السهولة .. تشيلسي ستكون له الكلمة بإذن الله هناك في الكامب نو

سيناريو متكرر في ملعب آخر .. دروجبا يضيع هجمة هدف .. تشيلسي يطرد منه لاعب .. برشلونة يسيطر .. تشيلسي
يتقدم .. برشلونة يقلب النتيجة .. هدف تشيلسي أدخله لاعب برشلوني .. جميعها أحداث حدثت هناك في الكامب نو
وتكررت اليوم في الستامفورد بريدج

على العموم أنا دخلت وانا في عجلة من أمري وطولت .. ولي رجعة قريبا ً

تحياتي للجميع ؛ ؛ ؛

القطو الازرق · #9 23/02/2006, 01:01 AM

مبروك الفوز ..!!
ميسي أفضل لاعبي اللقاء ..!!

تحياتي .,,. مدريدي

أزرق هلالي أصـيـل · #10 23/02/2006, 01:02 AM

مــبروك الفـوز

و إن شاء الله نتأهــل

و يـا ولد شفــت ميسي قاهرهم يا شيــخ

و رونالدينيو قطعهـم

XAVI · #11 23/02/2006, 01:07 AM

والله سلم تشيلسي من هزيمه تاريخيه في معقل فريق النوم

ميسي .... الله عليك تسلم رجليك يابطل

روني ... ازززززعجتهم

ايتو ... الله يسلم هالصنادح اللي جابت الهدف مع انك اليوم مش ولابد

فالديس ... ماشفتك اليوم الا شوي

بويول .... لاتعليق

اولقيرا .... والله مامضيعنا الا هالخشه

ماركيز ... اتمنى اشوفك على طول بهالمستوى الرائع

ريكارد .... خلهم يتعلمون منك الفن والابداع

ياعيال عندي احساس قوي وان شاء الله مايخيب

دوري الابطال برشلوني باذن الله

والف مبروك الفوز الاكثر من رائع

Khaldo 7 · #12 23/02/2006, 01:15 AM

اهنئكم بالفوز والمستوى الرائعين

بصراحه احسدكم على النجم ميسي

هلالي كاتلوني · #13 23/02/2006, 01:17 AM

والله اني متوقعها تاريخيه

بس ياخساره الحظ وقف ضدنا

وربي كانت بتكوون فوووق الـ3

بس الحمدلله على كل حال

ولاحقين على التاريخيه بالاياب بالكامب نو ان شاء الله

وابارك بالفوز لكل اعضاء الرابطه

سلامو...

ايتو الخال · #14 23/02/2006, 01:22 AM

مبروووك الفوز والمباراه صراحه تقدر تقول عليها با هتصار

روعه

وبالنسبه للفريق اعتقد البارسا كله بدع اليوم
بس ايتو صراحه ما عجبني

و عندي طلب شوي صعب

ابي فديو المباراه كامله

للي يقدر يجيبلي اياها كامله تكفوون لا تبخلون علينا

ليفربولي · #15 23/02/2006, 01:27 AM

مبروك الفوز وعقبال الاياب