سلام عليكم شباب ... كيفكم عساكم بخير كل أبوكم
انا بس حبيت أطرح عليكم رأي خاص فيني في موضوع معين ..
وطالما إننا في عصر المقاطعة هالأيام .. شرايكم نسوي حملة في المنتدى ونقاطع فيها التعصب
ونسميها : البارسا والملوك يداً بيد ضد التعصب
<-------- ترا امزح في الاسم
يعني بالله عليكم عاجبكم المهاترات اللي تصير بين عشاق فريقكم وعشاق فريقنا !! <----- أخوكم مدريدي
احيانا الواحد يعصب وياخذه الحماس ويهاوش بس في الاخير يندم ويتمنى اللي صار ماصار ولاحد فيكم ينكر هالشي
وأنا ماراح اقول عن نفسي ملاك بالعكس انا غلطت على ناس كثير وأتمنى منهم يسامحوني ولايشيلون في خاطرهم
لاني والله ماأضمر إلا كل خير ومعزة لكل عشاق هذا المنتدى وخصوصاً إنهم هلاليين
انا ماقول ماندخل في مواضيع نقاش أو غيره بس ياريت يكون طرحنا للآراء بعيد عن السخرية والتقليل من الطرف الآخر
لان هالشي راح يسبب ردة فعل عكسة من عشاق جمهور الفريق الآخر وماراح نقدر نسوي كنترول على الشغلة
ونبغى نوقع اتفاقية لحفظ السلام والأمن
هدنة طويلة المدى .. <----- شدعوة حماس واسرائيل !!!
مضمون الحملة : مقاطعة جميع المواضيع التي تهدف إلى الإثارة فقط ولاتحتوي على فائدة للأعضاء والزوار ..
وأنا متأكد أكثر واحد يوافقني في هالموضوع سنفور هلالي الله يرده بالسلامة .. هالشخص أنا أكن له كل احترام ومن أفضل من عرفت في الانترنت
صح ياعزوز !!! أهم شي يوم يرسل لي مايك ونتناقش عن الريال وبرشلونة تشوفون أنواع الأدب في النقاش
ياريت اللي يوافقني على كلامي يسوي اقتباس ويكتب موافق عشان اسجل اسمه في قائمة الحلفاء
وشكراً للجميع وآسف لو طولت عليكم .. أو إني أزعجتكم في رابطتكم <------ نعنبوا دارك يالأخلاق
الوضع المتطور
