كركاتير الموندو...

غلاف الموندو

كاركتير الموندو

..................................

على ذمة موقع جول راح ينتقل في يناير..

لكن على ذمة الAS المدريدية راح ينتقل الصيف القادم عند إنتهاء عقده.

ترى سبب هالابتسامات هي ردودكم على اخر مشاركه لي لان من جد كنت سهران تعرفون المذاكره

وهمومها وانواع الكتابه بسرعه عموما خلونا ننسى المشاركه الاخيره بخيرها ومره

# اخوي رونالدينيو 10 جميل منك ان تقوم بتزويدنا بالاخبار لكن هذا مايمنع ان تبدي رايك لكي نتعرف

عليها ... وبعدين يا بعد قلبي احنا نتناقش ونطرح المواضيع ( اللي توجع الراس ) عشان ما

نخلي الرابطه نايمه ونشعللها ... عموما تشكر على جهودك العاليه .

# بالنسبه لمبارة البارسا في قطر انا اراها فرصه للكسب المادي ( طبعا مافي امل نقول عنها كسب

فني ) ... وبالمره فرصه لجماهير البارسا اللي في منطقة الخليج لرؤية الفريق عن قرب ...

فواز بن فهد وانا بعد تبعد عني قطر ساعتين خلاص ماعندي مانع مرني بسيارتك والبنزين علي (

تراني ذكي ابغى من هذه الحركه اني احرجك عشان تعبي البنزين من فلوسك )

# بالنسبه للمدافع دلاس بالعكس صحيح انه بطئ بس والله في كاس الامم الاوربيه كان ثقه كان يلعب

بثقل ...وكان صخره في أداءه ...... بس برضو مو هذا اللاعب اللي يحتاجه الفريق .

# اخوي زعيم اوربا وش مسوي النجم الكبير راوؤل برافو عشان جايبينه القسم

# خاتمه كل سنه وبطولة يا برشلونه ..

على فكره انا بعد ماخلص كتابة هالسطور راح اقوم بحذف التوقيع عشان ما يحد ينشب لي . ;)

^
^
^
^
هلا بأبو التواقيع <<<<<<< يبي يقهره

إقتباس اخوي زعيم اوربا وش مسوي النجم الكبير راوؤل برافو عشان جايبينه القسم

أبد ,, زارف سيارة هو وخويه ورايحين يتمشون في الثمامة

حركات التحلية ماغيرها

لا لا من جد ,,, مسكوه الشرطة وهو راكب في سيارة مسروقة ومبلغين عنها ... (دلخ طول عمره)

على العموم الرابطة من جد نايمة ... قسم بالله مبسط بلحالي في الرابطة اتحرى واحد أسولف معه

بلو بوي تعال خل نشتت مع بعض بلا إختبارات بلاهم <<<< ناوي يدمر مستقبله



يالله بالتوفيق لهم ,,, وإن شاء الله ترجع الرابطة أحسن من أول

مرحبا

ماشاء الله ماشاء الله

عيني عليك بارده يا زعيم اوروبا

الله يخليك لنا ان شاء الله

متألق كالعاده

اهههههب يا وجهه

وش وراك ما عندك تشريح وفسيولوجي

المهم انا ماني مطول تسمع يا بلو بوي

بس حبينا نسلم عليكم ونشوف آخر اخباركم واخبار البارسا

سولاري مكسب وياليته يجي .. هو وموريانتس ما قدروهم الرياليين

لو جاء بتكون صفقه مربحه ..

=======

ديلاس برضو ينفعنا .. راح يكون بديل مناسب لبويول وماركيز

بس المشكله ماراح يلعب بالشامبيونز ..

بس زي ما قلت يبقى من افضل الخيارات المطروحه

بس كن لابورتا وريكارد نسوا المحور .. اذا كان ديلاس بديل للاعب المحور

فما نبيه .. اهم المراكز التي نحتاجها وهي على التوالي :

مهاجم ... محور ... وسط ايسر أو ايمن زي سولاري .. قلب دفاع

طبعا المدافع في حال قدوم محور يكفون ماركيز وأليغر وبويول وفيه نافارو

والله يوفق ريكارد ولابورتا وان شاء الله انهم قدها ..

والله في مدافع طار مننا اللي هو بومسونغ لاعب رينجرز

اللي اليوم انتقل لنيوكاسل وبمبلغ محترم .. 8 ملايين جنيه استرليني بس

والله قهر .. المدافع من طينه بويول وماركيز .. صلب وقوي وهذي صورته بالزي الجديد :





يالله مانبي نتحسف على لاعبين .. وان شاء الله هاليومين نسمع الاخبار الطيبه

============

زعيم .. صوره لاعبي المفضل برافو رهيبه

اللي يشوف هالعضلات وهالوشم يقول وش هاللاعب

وخر عنه .. ما يدري ان مصطفى ادريس احسن منه

وربي تحفه هاللاعب اجل سارق سياره هاه

خخخخخخخخخخخخ مدريدي ما ينشره عليه

=============

بالنسبه للروحه لقطر والله قهر .. ورى ما يميلون الرياض

ويلعبون مع ابويعقوب يعلمهم اللعب السنع

من جد قطر عامله شغل جامد صراحه

وياليتنا نستفيد من تجاربهم .. المهم البارسا شكله بيلعب مع محترفي

الدوري القطري يعني بتكون مباراه ولا احلـــى وسمعت كلام انه بيلعب مع المنتخب

خخخخخخخخخ تخيل روني وديكو صافين جنب الاريتري محمد صقر

ولا الغاني عبدالله كوني <<< يا ناس هالاسم عجزت اهضمه

والله فشيله للاعبي البارسا .. واهم شي ياخذون المقسوم من هالمباراه

مليون مليون ونص مهيب شينه ولا ؟؟

===========

احب ارحب بعوده الغالي ديكوووه ونقوله ننتظرك الثلاثاء وموفق باختباراتك باذن الله

<<<<<<<< تحسونه ببرامج اطفال

المهم مالكم عذر بعد الاختبارات نبي الرابطه ترجع مثل أول واحسن

لان الرابطه نايمه صراحه هاليومين والعتب على اللي ما عليهم اختبارات

<<<<<<<< ما يقصد طارق ابداّ

طارق ترى انت احسن واحد ما عليك مني

يالله نشوفكم ان شاء الله باتسر ان قدرنا بعد الكويز مدري التيست

يالله سلاااااااااااااااااامولي

سلام شباب

وانشاء الله هالتوقف يفيد البرسا ليستعيد اللاعبون انفاسهم قليلا

صممت هالثيم لجوالي وحبيت احطه هنا لكل محبي البرسا ( BlueGrana )

هذي صورة الرئيسية للجوال


وهذي صورة المنيو


وهذا التقويم


والثيم ملحق
تحياتي

^
^

دائما مبدع ياغيالوروسي ماشاءالله عليك اعجبتني الخلفية الآولى ...

إقتباس لان الرابطه نايمه صراحه هاليومين والعتب على اللي ما عليهم اختبارات <<<<<<<< ما يقصد طارق ابداّ

هلا أحمد والله ياغالي ودي اقول ماعندي إختبارات ;) لكن للآسف عندي الحين واحد بعد نص ساعة

والزبدة الإسبوع الجاي اول ثلاث ايام والله يعين ان شاءالله ..







خبر سولاري ان صح فيااااااااسلام سولاري لاعب " مهاري " من الدرجة الآولى "


ولاعب مفيد جدا


وانظلم بالريال كثيرا بوضعه في الإحتياط وسيندم الريال كثيرا إن فرط فيه فما بالكم لو ذهب للبارشا فريق " السحره " ;)




لي عودة بإذن الله


تحياتي للجميع

ديــــكـو " وعام لاينسى " ;)



2004 كان عاما مميزا لديكو ..


فقد حقق فيه كأس دوري أبطال آوروبا مع بورتو


المهارة السحرية الرائعة ونوعية وقوة وإتزان آداء ديكو من أهم ميزاته في أداءه ..

وكل ماذكر يستند على حياة آسرية " مستقرة " ومجلة برشلونة قابلت ديكو لإكتشاف " طريقة حياة النجم ديكو " وهذا ماورد في اللقاء :


ديكو كسب إحترام الفريق ومديره بقدرتة التكتيكيه والفنيه وإلتزامه بذلك ..

أول ماقدم إلى برشلونة عاش " في فندق محلي " ، بعد ذلك إنتقل إلى منزله " الحالي " بعد جولة الفريق الصيفية في آسيا .

وهو مرتاح جدا في منزله الجديد في " إسبلوجويس " الذي يقطن فيه مع زوجته وأطفاله الثلاثه ..


جواو و بيدرو وياسمين التي تبلغ من العمر عاما ونصف فقط ...



برشلونة مكان رائع " للعيش "


يقول ديكو " انا أعيش وعائلتي في بيت مكون من 12 غرفة وهناك أحمل الأطفال حولي وألعب معهم وهذا شي حيوي بالنسبه لي ،، أحب العيش في كاتلونيا وأنا أحاول أن أزور أكثر معالم هذه البلاد الرائعه ،، خصوصا فيما يخص الهندسة المعمارية والغذاء والمناخ .. زرت برشلونة من قبل وأنا أجدها دائما ساحره "


" أحب الشارع عندما يأتو الناس ليحيوك بكل ود وإحترام ، أحب أن أنظر إلى التماثيل ووالمعالم السياحيه بهذا البلد بشكل عام ، وتمثال " ساجراد فامليا " لفنت إنتباهي اليوم بعد أن مررت من عنده بالصدفه وسأعود لزيارته في أحد الأيام "


"هناك العديد من الأماكن للخروج والآكل الجيد هنا ،، أتمتع بالغذاء البرتغالي والبرازيلي إضافة إلى اللحم المشوي وأحب السينما كثيرا "

أما بالنسبه للرياضه ديكو مشجع كبير للهوكي وعندما كان في بورتو شاهد العديد من المباريات في هذه اللعبة بين بورتو وبرشلونة ..



" أنا شخص خجول لكني مليئ بالفخر تجاه ماحققته حتى الآن ، في أول يوم وطآت قدمي ملعب " النوكامب الرهيب " كانت في مباراة برشلونة مع ميلان على كأس غامبر والتي كسبها البارشا بهدفين لهدف يقول ديكو أحسست بأني صغير جدا في هذا الملعب الهائل وهو ملعب رائع جدا آرضيته رائعه وأنصار النادي يشجعونك بشكل مستمر وهو شعور عظيم "



تكلم ديكو ايضا عن طفولته في البرازيل وأبحر في " الذكريات "


" كانت طفولتي رائعه وبسيطه في نفس الوقت كنت ألعب مع الأطفال هناك في الشارع ،، أتذكر التخيير الذي خيرته بين البرازيل والبرتغال وكان قرارا صعبا ، لكن البرتغال هيا البلد التي أعطتني الكثير واخترت اللعب لهم لأقول لهم شكرا على ماقدمتموه لي ودعمكم لي "




المصدر : fcbarcelona


ترجـمه الـجـامـح

.........