رابطة عشاق برشلونة (للكاتلونيين) - صفحة رقم 236 - نادي الهلال السعودي - شبكة الزعيم

G E R R A R D · #1 24/12/2004, 02:12 PM

إقتباس


	رونالدينيو : عام 2004 الأفضل في حياتي .

بالفعل كان موسم استثنائي لرونالدنهو وان شالله هالسنه يكون استثنائي اكثر

إقتباس


	لكن يبدو أن لابورتا ناوي على ماكسي لوبيز...

الظاهر انه ناوي عليه

على العموم ماكسي ليس سيئا ولكن انيلكا افضل منه بمراحل :sad: :sad:

إقتباس


	مثل روابط الليفر والبلوز والمان احيانا تقفل على طوول

هلا احمد لاتذكرنا بالبلاوي برابطتنا والله متعذبين فيها

إقتباس


	لابورتا شكله ومتوقع انه بيفجر مفاجأه والعيد بعد

الله يسمع منك

وبالتوفيق للبرسا ويجيب لاعبين محترمين

بالنسبة لي اتمنى انيلكا وايدو

.الهلالي. · #2 24/12/2004, 02:51 PM

السلام عليكم جميعا

يا شباب وين المنتدى الرسمي لبرشلونه؟؟؟؟

Laporta · #3 24/12/2004, 07:06 PM

خبرين سريعين......

- برشلونة و ريال مدريد يتنافسان على لاعب خط الوسط الدفاعي بدريتي لاعب أولمبيك مارسيليا.

- برشلونة وبايرن وميلان يتنافسان لضم الأرجنتيني كريسبو في شهر يناير.

tribalfootball.com

............................

أعتقد لو يضم لابورتا كرسبو وبيدريتي راح يكون شي جيد,,, لكن المشكلة كرسبو و دوري الأبطال

الجامح ,,,, أبشر لكن إنشاء الله ما ننسى نشيل التوقيع.

تحياتي

فواز بن فهد · #4 24/12/2004, 08:43 PM

مرحبا شباب ابد الراابطه نايمه و شكلها بتنام بعد اسبوع كامل

على العموم احلا خبر سمعته منك يا طارق الا وهو التواقيع اتمنى من الاخوان انهم يخلون التواقيع برا الرابطه اولن المساحه و ثاني شي اريح

و شباب الي ينسى خلينا نذكره

hilalemooot · #5 25/12/2004, 12:26 AM

السلام عليكم

شباب وش هالنوم بس اللي عليه اختبارات معذور

الدراسه اهم يالغوالي والله يوفقكم

زعيم يالغالي وربي مليت مليت وكفايه

انا ماني متكلم لما اشوف اللاعب لابس لبس البلوغرانا

وان شاء الله لابورتا وريكارد قدها وقدود .. ومشكور يالغالي

=====================

شباب زي مانتم عارفين ..

يوم الاربعاء الجاي الموافق 29 ديسمبر .. ستقام مباراه بين منتخب كاتلونيا

ومنتخب التانغو ( الأرجنتين ) وقد اختار المدرب الونسو سته لاعبين من البارسا و هم :

فالديس .. أوليغر .. داميا .. بويول ..

زافي .. إنييستا .

أما باقي التشكيله فهي :

((إسبانيول )) .. سيرانو ـ ديفيد غارسيا ـ لوبو ـ كوروميناس .

((ليفانتي)).. سيرجيو غارسيا ـ خوفري

((ديبورتيفو)) .. لوكي - كابديفلا - سيرجيو

((إشبيليه)) .. يوردي لوبيز

(( ملقا )) .. ميخيل أنجل

(( فالنسيا )) .. كورو توريس

(( آرسنال )) .. فابريجاس

(( فياريال )) .. كيكي الفاريز

(( تيرسا )) .. موراليز

((مانشستر يونايتد )) .. جيرارد بيــكـ

===================

طبعا المباراه زي ما قلت يوم الإربعاء القادم وستقام في النيوكامب

وما تقرر نقلها بس اتوقع انها منقوله على الجزيره أكرر اتوقع ..

وآآآآآآآآآآآهـ على فابريجاس مادري كيف فرطنا فيه !!!

==============

يعطيكم العافيه مرتن ثانيه ويا شباب لا تنسون

التواقيع شيلوها .. تحياتي لكمـ جميعا

Laporta · #6 25/12/2004, 12:43 AM

هلالي مووووت ,,,,, مهسترنا الغالي

إقتباس


	والاسبوع الجاي اختباراتنا النهائيه

اوووه,,, الله يوفقك إن شاء الله...

بس لا تطول علينا تكفى........ لو تجي تطل وتمشي.

ترى ما اتحمل غيابك <<<<<<<<<<<< أقول اركد لا يفهم غلط

ويعطيك العافية على قائمة منتخب كاتلونيا اللي كلها ألوان

تحياتي,,, ولي رجعة إن شاء الله.

hilalemooot · #7 25/12/2004, 01:31 AM

إقتباس

الرسالة الأصلية كتبت بواسطة زعيم أوروبا


	هلالي مووووت ,,,,, مهسترنا الغالي اوووه,,, الله يوفقك إن شاء الله... بس لا تطول علينا تكفى........ لو تجي تطل وتمشي. ترى ما اتحمل غيابك <<<<<<<<<<<< أقول اركد لا يفهم غلط ويعطيك العافية على قائمة منتخب كاتلونيا اللي كلها ألوان تحياتي,,, ولي رجعة إن شاء الله.

هلا بالدجه كلها

كيفك حبيبي قصدي مسا الخير

<<<<<<<< يقلد بعض الروابط

النقطه الثانيه باقتبسها برد ثاني علشان نزيد الصفحات

هههههههههههههههههههههههههههههههههههههه

اقولك بطلع وراجع علشان يزيدون عدد الزوار

شف اختبارات ما اختبارات راح اكون معكم لا تخاف

<<<<<<<<<< الله من الدجه

امزح امزح .. اكيد بدخل بس بتكون دخلاتي قليلللللللله :sad:

بس احلى شي ان الدوريات توقفت ما عدا البريمر ليق الله ياخذهم

اقول شباب منتم ملاحظين ان الاوروبيين مقدرين ان علينا اختبارات ووقفوا

دورياتهم

الله يخلف على اللي عندنا بس

<<<<<<< ترى ما قال شي

اختبارات والاسبوع الجاي الهلال والاتحاد

والله كنت ناوي احضرها بس ماااااااااش ماهي على الكيف

بس سامي بيتوصى فيهم كالعاده ان شاء الله

اجل ما تتحمل غيابي هاه

توي احس اني مهم

الله يلوم اللي يلومك يا بلو بوي

توي احس صراحه

يالغالي تسلم على كلامك الحلو وان غبت فيكم الخير والله

ودوووووووم ما تقصرون اذا غاب منا سيد فكل منا سيد

ولا تدققون على المثل

خذوه مطب هاه

بالنسبه للالوان جبتها على حسب الوان الفريق

واذا تبيني اعدلها عدلتها

بس الله لا يجيرك فيه ناس عميان

اذا ما صار الخط حجمه 7 والوان ما يشوفون

الشوف شجر عندهم

بعدين سالفه الهستره هذي جميع حقوقها محفووظه

للغالي ديك الجن الله يرجعه بالسلامه ويوفقه باختباراته

ويرجع كل الغايبين بعد واللي تحت الاحتلال بعد

<<<<<<<< يحيا العدل يحيا العدل

الف شكر يا غالي ومعليش طولتها بس زهقان ومالنا الا انتم

نوسع صدورنا قبل الكرف اللي بيجينا الاسبوع الجاي

والله يعين ان شاء الله ..

تحياتي لك يالغاااااالي

Blue Boy · #8 25/12/2004, 10:53 AM

يعطيكم العافيه شباب

@ بخصوص التواقيع مافهمت وش السالفه ... ؟؟؟ ليه التواقيع تأثر بسرعة الرابطه .؟؟؟

تراني ماني فاهم شي اشفو الكل شال التواقيع ...

بعدين لما اشيل توقيع ( طبعا بعد مافهم وش السالفه ) هل راح يختفيس كليا من الموقع .. يعني ماقدر

استخدمه في رابطه ثانيه .

@ الله يستر من لابورتا ... هذا واحد من الادارة وينفي اهتمام البارسا بانيلكا مع انه افضل الاسماء

المطروحه ... مادري هل خي حركه منه عشان يبين لمانشستر سيتي انه مو مهتم عشان يخفضون

السعر خاصة انهم مايبون انيلكا ( ور رايكم افهم لحركات التجار )

يالله يا لابورتا للنتظر ما سوفه تخبيه لنا .....

@ هلالي موووووووووووت حبيبي لا تصدق انك مهم ...

.... لا يا بعد قلبي مهم وغالي وغيابك

يجرح القلب ويعل البدن ويتعب الحال ويسد النفس.... ;) يا زيني ساكت اخاف تفهمني غلط

..... تستاهل الغلا يا هلالي موووووووووت .....

@ على فكرة الكلام اللي ذكره زعيم اوربا( المبدع)غريب جدا اعني مفاوضة كريسبو

يعني مادري كذا احس ان المضوضوع بعيد عن التحقيق , خاصة ان الميلان يبي يشتري بطاقته من

تشلسي .... وغير كذا هو ماراح يفيد الفريق في الشامبو لينغ ...

hilalemooot · #9 25/12/2004, 11:29 AM

هلا بلو بوي

كيفك يالغالي ؟؟

والحمدلله على السلامه

وبشرنا كيف الاختبارات .. ممتازه مثلي ؟

إقتباس


	بخصوص التواقيع مافهمت وش السالفه ... ؟؟؟ ليه التواقيع تأثر بسرعة الرابطه .؟؟؟ تراني ماني فاهم شي اشفو الكل شال التواقيع ... بعدين لما اشيل توقيع ( طبعا بعد مافهم وش السالفه ) هل راح يختفيس كليا من الموقع .. يعني ماقدر استخدمه في رابطه ثانيه .

الله من الدلاخه

.. لا لا مو كذا .. بس لا جيت الرابطه

وكتبت موضوع وخلصت .. انزل تحت تلقى فيه شي اسمه ( خيارات متنوعه )

تلقى فيه عرض توقيعك اوكي .. اظغط على علامه الصح اللي موجوده بالمربع

اللي امام تحرير توقيعك وخلاص ينشال التوقيع بس بالرد اللي حطيته

اما باقي المواضيع والردود والروابط عادي ما يروح لا تخاف ... بس يروح بالمشاركه

اللي كتبتها .. يعني ارجع امشاركاتك قبل تلقى توقيعك موجود وان شاء الله فهمت

الحين مشاركتك هذي حاط التوقيع

فلذلك الله لايهينك

رح لــ تحرير واظغط على علامه الصح زي اللي قلتلك فوق

وشل توقيعك الله يصلحك

.. طبعا السبب ان التواقيع تسبب بطأ الصفحه

كذلك بعض الروابط واجهتها مشاكل بسبب التواقيع وان شاء الله انك فهمت

مع انه ما ظنتي

... واذا فيه اي سؤال انا والشباب بالخدمه يا غالي

إقتباس


	هلالي موووووووووووت حبيبي لا تصدق انك مهم ... .... لا يا بعد قلبي مهم وغالي وغيابك يجرح القلب ويعل البدن ويتعب الحال ويسد النفس.... يا زيني ساكت اخاف تفهمني غلط ..... تستاهل الغلا يا هلالي موووووووووت .....

استحيت صراحه .. امس زعيم واليوم انت

يا رجال والله ماستاهل كل هالحتسي اخاف تجيني صرعه

وتسلم يالغالي على كلامك الجميل يا قميل

ولا تخاف مني فاهم غلط

بالنسبه للاعبين انا تعبت صراحه ومني قايل شي لما يجي اللاعب

واشوفه لابس لباس البارسا ..

كريسبو بعد ان اثبت وجوده واصابه انزاغي ماتوقع التفريط فيه من قبل ميلان

بس احلى شي الشامبو لينغ

<<<<<< يا حبه للتدقيق

يالله فمان الله يالغالي ..

G E R R A R D · #10 25/12/2004, 12:25 PM

احمد----زعيم اوربا ---بلو بوي

اشوفكم قلبتوها شات

ماتنلامون شكلكه اعدتكم الرابطه المعروفه بالسواليف

على العموم امزح

يحق لكم الرابطه نايمه ومافيه اخبار

على العموم بالتوفيق لمنتخب كاتلونيا امام التتانجو وانشالله نشوف مباراة ممتعه

وفابريجاس اكثر واحد ندمت على بيعه لانه لاعب مميز جدا جدا جددا

تحياتي للجميع

m7ammad · #11 25/12/2004, 01:44 PM

والله أتمنى شراء الاعب تكناردي لما يتمتع به من فنيات رائعة ستفيد الفريق بالطبع 0

10Ronaldinho10 · #12 25/12/2004, 07:42 PM

طيييييييييييييييييييييييييييييييييييييييييييييييييييييييييييييييييييط

وخر ياولد انا جيت

اول شي يعطيكم الف عافيه على الاخبار والجهود الجميلة وياخوفي بعد كم يوم
تصير رابطة برشلونة معروفة بالقسم الثاني من شبكة الزعيم اللي يختص
بـ المحادثات الجانبية الزبدة يعني يعني يعني تصير شات

طبعا الاغلب او الكل عرف من هو اللي يحتل المركز الاول وبجدارة

على العموم نبي نصحي الرابطة ونخليها مثل اول واحسن ان شا الله

وعلى يديكم باذن الله
تحياتي

Laporta · #13 26/12/2004, 12:46 AM

كتبت خبر طويل وترجمته وفي الأخير علق الجهاز و طار الرد :sad:

لكن باختصر الخبر اللي يقول...

برشلونة بدأوا في مفاوضات اللاعب الفرنسي فريدي كانوتي لإستبداله بلارسون المصاب..

اللاعب فريدي كانوتي فرنسي من أصل مالي يلعب لفريق توتنهام الإنكليزي.....

sport.es

hilalemooot · #14 26/12/2004, 12:55 AM

قصاصه للموندو وفيها يظهر برشلونه

بأنه الفريق الأول وألأفضل أوروبيا

Laporta · #15 26/12/2004, 02:03 AM

كانوتيه يدخل اهتمامات البارسا !!!

المهاجم المحبوب لدى نادي توتنهام الإنجليزي كانويته الأن هو في قائمة

نادي برشلونة وهو الأن احد متطلبات برشلونة ويريدونه بديلاً عن لارسون

المصاب في فترة الإنتقالات الشتوية القادمة قريباَ كانويته الـ مالي الجنسية

يعتبر أحد أفضل الاعبين في توتنهام ولكن من الممكن الإستغناء عنه مقابل المال

لمدة قصيرة أقصاها نصف موسم

أحمد/ يعطيك ربي ألف عافية