|
أخبار متفرقة من القصر الهلالي وتوضيحات !!,, [ALIGN=CENTER]السلام عليكم ورحمة الله وبركاته,, ولله الحمد , ومن بعض الأخوه المقربين من الهلال علمت بعض الأمور ,, سـ أظهر تلميحات للاخبار وسـ أظهر البعض كاملة :) ,, 1/ بالنسبة للدوخي فـ باقي عليه 10 شهور انتهاء عقده , وكذلك ان انتهى عقده لم يكمل 28 سنة, والأدارة الجديدة وعدت الدوخي بـ أن تجتمع معه(( قبل)) انتهاء عقده بفترة لتناقش معه بعض الأمور , وقالت ان من أولوياتنا تجديد عقود اللاعبين وفي مقدمتهم الدوخي ! هذا ولله الحمد ماطار للبلوى,, 2/ البلوي تعاقد مع مشعل السعيد ( ظهير أيمن ) على كلام الجرايد ! يعني اضعاف احتمالية اخذ الدوخي وبعيده عن شواربه , 3/المفاوضات الهلالية لـ محمد نور صحيحة , ومحمد نور قال بنفسه , توجد مشاكل بيني وبين منصور البلوي , ولا يمكن ان تحل الا برحيل أحد منا ويبدو أنني على مشارف الانتقال لـ أحد فرق الوسطى , بعيدة جداً عن النصر , أن يدفع 4 او 5 ملايين ريال ! ان لم تكن أكثر , والشباب لايحتاجه نظراً لوجود الشاب الاخر عبداللطيف الغنام ,, ولا يملك المبلغ , لذلك فـ الهلال قريب وبـ نسبة 70% بالتوقيع , وننتظر أن تصل المفاوضات الى رضا الطرفين باذن الله , 4/ لازال موضوع المدرب يشغل الجماهير , ويبدو ان كندينو واوسكار ويوردانيسكو الأقرب , أسف هذا الموضوع نشروه الجرائد قبل ماسأله :sad: 5/عنوان جريدة : عقد 5 سنين مقابل الانظباط , مقدم للجمعان , وهذا سهل جداً ,, نظراً لوجود الأستاذ منصور الأحمد :) ,, 6/ بـ النسبة للمسعري فـ لن يتم الاستغناء عنه , سوف يُعار الى نادي الرياض او النجمة , والباقي الله اعلم وش بيصير :rolleyes: 7/ تمنياتنا للادارة بالتوفيق في جلب مدافعين + محمد نور + اجانب ممتازين + النجاح + البطولات, سائلاً الله وإياكم التوفيق والسداد ,, اخوكم أحمد ![/ALIGN] |
والله الله يسمع منك ... والله محمد نور نجم .. وحسوفه عليه الاتحاد ... بس اذا جا الهلال يبيله ينضبط .. وبيضبطه منصور الاحمد هو والجمعان على قولتك .. نواف ومحمد نور والشلهوب في النص يا سااااااااااااتر... الله يسمع منك :) |
الله لا يقولها ,,,, محمد نور يجي للهلال .... ؟؟؟!!!!!!!!!!!!!! و مشكوووور ... |
هلا بالغالي bestuser او سميي احمد اخبار مفرحه جدا خصوصا بالنسبه لمحمد نور والدوخي .. بس هل تعتقد ان البلوي يعطيه الهلال يوديه للنصر مجانا ولا يروح للهلال .. على العمموم الله يكتب اللي به الخير لهلالنا يا رب .. اخووي احمد للتصحيح مشعل السعيد ظهير ايسر ... مشكوور يالغالي.. |
اخبار صيف لااقل تحياتي |
hilalemooot : قلت بعدها على كلام الجرائد:),, بس برضو تعاقدوا مع ظهير أيمن مدري منين ولا اذكر اسمه:),, بخصوص الشاخط , ستبدي لك الأيام :) |
شكرا اخوي احمد بس الي انا مستغرب له المسعري ويش الفايده الي يرجونها منه لو كان صغير في السن قلنا يمكن يجي منه بعدين بس المستوى صفر والعمر كبير ولا السالفه واسطه وبس |
العفو (طامي) , وانا مثلك وش ننتظر من المسعري ؟ عالة على الفريق وكبير بالسن وماله اي داعي بالنادي مثله مثل قائمة الـ 10 المطلوب تنسيقهم, بإذن الله ينسقوهم او يعرضونهم على قائمة الانتقال بـ 100 ريال وعسى يشترونهم ,, تحياتي لك ياغالي :),, |
إقتباس:
|
[ALIGN=CENTER]ظهير أوسط إقتباس:
تحياتي لك والله يسمع منا كلنا في مصلحة الزعيم ياغالي ,, زعـــ( اسيا )ـــيم إقتباس:
محمد نور والشلهوب ونواف يعتبرون افضل لاعب الوسط ,, فلماذا هذه المكابرة ؟؟ صدقني أي شي في مصلحة الزعيم انا راضي فيه وهذا في مصلحة الزعيم وراضي به :),, hilalemooot إقتباس:
لا تتسرع وانا اخوك , يقلك القانون , اللجنة تقارن بين العرضين وتأخذ الأكثر مادياً ( اعتقد) فـ هل سيفضلون 100 ريال على 5 او 6 مليون ؟ طبعا هذا للي أقل من 28 ,,:), بخصوص مشعل السعيد, خلهم يشبعون بطونهم فيه , مانبيه ان كان محمد نور بيجي ,, الجري افضل من السعيد , بس الفرصة والله الفرصة ,, شاكرا لكم على ردودكم[/ALIGN] |
[ALIGN=CENTER]ياهلال حبك حبنا[/ALIGN] ستبدي لك الأيام ماكنت جاهلاً [ALIGN=LEFT] ,, ويأتيك بـ الأخبار مالم تزودُ [/ALIGN] |
الله لا يقولها ,,,, محمد نور يجي للهلال |
[ALIGN=CENTER]مشكور أخوي أحمد:) وياليت أجي نور راح تكون ضربت أمعلم من الرئيس:)[/ALIGN] |
اي والله ياليت :sad: لكن فطين , يقول ماحولك احد ؟ والاسطورة وخويي يقولون مفاوضات سرية ,, بالله شتتوا تفكيرنا :sad: |
مساء الخير يعطيك الله العافيه افضل مشترك ( قال انه يترجم يوزرك:D) إقتباس:
اثناء تصفيات اسيا اللتي اقيمت في العين وكان وقتها اديموس توه متولي القياده والامير عبدالله بن مساعد جديد على النادي , كان هناك تدريب مسائي وتاخر الجمعان بسبب النوم ..يعني ما قام وبحكم ان منصور الاحمد هو الاداري سئله اديموس عن الجمعان فقال انه نائم ولا قدر يصحيه . طلبو من الاحمد انه يقوم بدوره كاداره ويفرض على الجمعان الحضور ولكن الاحمد اعتذر خوفا من الجمعان ..تعرفون الجمعان ما يحترم احد عند النوم والاحمد عارف هالشي . والله على ما اقول شهيد الشاهد من هالسالفه ان الاحمد يخشى الجمعان وهذا يعكس ما ذكرته اخوي في تعليقك . |
سلااااااااااااااااااااااااااام ,,,,, اخبار جيده ومن شخص رائع ((bestuser)) اما بالنسبه اخوي للاعب مشعل السعيد فمركزه ظهير ايسر ويلعب احيانا كقلب دفاع ,, يعني مركزه غير مركز الدوخي وبوجود الشاب الرائع احمد الجري فلن نندم انشاءالله بعدم التعاقد مع السعيد شكرا لك ,,,, |
الله يكتب اللي فيه الخير للهلالنا |
مشكور أخوي والله يعطيك العافيه الله يسمع منك بالمصري من بوأك لباب السما |
هلا وغلا فعلا احمد نتمنى نور للهلال والجمعان للاتهاد بأسلوب المقايضه ويزدوننا لان الجمعان مهاجم وهم بحاجة مهاجم وبسرعه لذا لماذا لانستفيد ونأخذ نور ونكسر شوكتهم ... تحيتي لك ... وللجميع تحيتي . |
القيصر ,, ماتقصر يالغالي , وكلامك في مكانه ,:),, منذر ,, ياهلا بك في منتدى الزعيم , واضح عليك جديد :),, شاكرا مرورك , The Singer 52,, شاكرا مرورك وبالتوفيق للزعيم وبالتوفيق لك ,, المعترض , :D> مايعرفك ابدا !! نحن بحاجة لـ محور ممتاز من طينة نور او الغنام , وحبذا لو نور علشان ابو كرشه يعصب :D تحياتي لك ونتمنى من الادارة الاهتمام بـ الاولمبي وتجديد دماء الفريق ,, الشريدة اعطى ماعليه واناشده الاعتزال , قبل ان نقول له ارحل ! المفرج وعزيز والمسعري والعنزي ومجرشي ذياب والمطيري , التنسيق , رحيل الاجانب , استبدالهم بـ العنبر والمطرف والجري والبرقان , وشراء لاعبين محليين مدافعين بجوار المرشدي , تحياتي لكم ,,:) |
مشكوووووووووور اخوي احمد والله يسمع منك ومحمد نور يصير في صفوف الهلال والله انه نجم وبالتوفيق له وللزعيم |
انا اتمنى انضمام محمد نور شباب بالنسبه للمستوى اعتقد المحللين الكبار صوفو محمد نور من الشتالي الى غبريس الى ويكفى اختياره على مستوى العرب افضل لاعب وبلاش مكابره شباب اما نالنسبه اذا قصدكم على الاخلاق الله يخلى عمر الغامدى يتضار مع جمهور الشرقيه وعبدالله تايسون مع الحكام محمد نور جسم وهداف وقتاليه وفكر عالي |
نور لاعب كبير بس بالمنشطات ولا بدون حقيقة لا أعلم منذ أن بدأ التدقيق على المنشطات ومحمد نور مستواه بالنازل بصفة عامة لاعب كبير دبابه متحركة , ماشاء الله عليه أشك ان الإتحاد يفرط فيه |
يا لله انك تسمع منه يا لله... أما مسألة انتقال / محمد نور للهلال.....اعتقد هذي فيها ان.... أولا : مستحيل الأتحاد يفرط في نور بعد ما خسر عليه هالمخاسير كلها؟؟ ثانيا : محمد نور ما يطيق الهلال ...يعني ما يحبه....لا تقول لي هذا زمن احتراف مهوب زمن ولاء... لكن اذا اجتمع الحب والولاء بالاضافه الى الاحتراف فأعتقد هذا أحسن؟؟ وراح يكون في صالح الطرفين. تحياتي وأشواقي الحاره لكم. |
اخبار مفرحه جدا خصوصا بالنسبه لمحمد نور والدوخي |
امل الهلاليه , العفو وحياك الله :), مجنون لبانه , بخصوص الأخلاق , فـ ملا يلام , ماحد ماسكه او مهجده , الا وين الجمعان لما كان الاحمد والمصيبيح موجودين :)؟ مخلص للهلال , نور روح الاتحاد ولاحظنا لما انخفض مستواه وش صار بالاتحاد في النهائي , ولكن قدم لمسات سحرية أشهرها اللي بالكعب اللي لولا التوفيق من الله وسوء حظ حمزة الا كان افضل هدف في الموسم بعد هدف تراوري ,, بخيت , لك جلسة خاصة ;):) بالله , من كان يتوقع خروج فيجو الى الريال , أو خروج انريكيه الى برشلونه , او خروج بيكهام الى الريال ؟ الأول خيانة , الثاني خيانه , الثالث مشاكل ادارية وفنية بالرغم انه ابن النادي , عموماً الله يكتب اللي فيه الخير لزعيمنا :) بالتوفيق لكم,, |
هلا والله بسميي :) :) ,, لا تتسرع وانا اخوك , يقلك القانون , اللجنة تقارن بين العرضين وتأخذ الأكثر مادياً ( اعتقد) فـ هل سيفضلون 100 ريال على 5 او 6 مليون ؟ طبعا هذا للي أقل من 28 ,,:), لا حبيبي انت فاهم غلط .. اذا كان اللاعب اقل من 28 يفصلون بين العروض مثلا الهلال عرض 3 ملايين والاهلي مليونين يسالون الاتحاد تقدر تدفع 30% من الثلاث ملايين ولا لا؟ اذا دفع ال30% اصبح اتحادي واذا رفضو وماظنتى يرفض البلوي يروح للي دفع اكثر .. اتمنى ان تكوون وضحت الفكرة.. تحياتي.. |
[ALIGN=CENTER]hilalemooot, أشكرك من كل قلبي على هذا التوضيح :) ,, والله لـ شبكة الزعيم فضل بعد الله مانساه في ثقافتي المتواضعه الرياضية:),, الله يخليها لنا ,, طيب , بخصوص التوضيح , انا بشرح لك :),, إقتباس:
عرض الهلال 4 ملايين والنصر افرض مليونين مع اني أشك ,, محمد نور بينه وبين الاداريين مشاكل طيب ؟ الحين أمام البلوي خيارين أما يدفع أو يقبل عرض الهلال بخصوص انه الأكبر :),, والبلوي مايبي يدفع لان محمد نور مسوي مشاكل معهم , يعني محمد نور هلالي :) ,, عرفت كيف , انت وضحت لي وانا وضحت لك , واحنا مديونين لبعض بخدمة :) :) ,, بارك الله فيك [/ALIGN] |
اخبار مفرحه جدا خصوصا بالنسبه لمحمد نور والدوخي |
| الوقت المعتمد في المنتدى بتوقيت جرينتش +3.
الوقت الان » 09:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd