قصيدة ** تعبر عن الحال ( ارجو من اللاعبين قراءتها )
 

:cry:الى جميع الاخوة : هارد لكم جميعاً
مع توالي السقطات وتراجع الهلال الحبيب لم يكن بودي والله ان اقدم هذه القصيدة لكن ( نعنبو هالحال كلما تفائلنا جتنا صدمة جديدة ) والله المستعان

اهدي لكم هالقصيدة من كلمات الشاعر : محمد العمرو واهديها على وجه الخصوص للاعبي الهلال جميعاً واتمنى منهم قراءتها ليعرفو كم نعاني وهم مبسوطين مره في جبل لبنان ومرة على النيل والهزائم تتوالى .........[poet font="Simplified Arabic,4,black,normal,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""]
ياهلال وش بك هالسنه صرت مهزاة ‍= حتى بدا الجمهور ينسى صفاتك
اول لك ابكل الميادين جولات ‍= واليوم كلش راح والكاس فاتك
حصد الكؤوس امنولن فيك عادات ‍= بقيادة ابطالك اسودن فواتك
اللي لهم في هامة المجد رايات ‍= في جدهم حققت ميزة ثباتك
اشوف كنك ما تريد البطولات ‍=والا الكؤوس ابشده امعادياتك
هزايمن جنك هوينه وسهلات ‍= ضيع عليك الفوز فيها التفاتك
تستهون الآخر وتبكي الا فات ‍= والصوت ما ينفع اذا الشي فاتك
هذا هو الواقع ولا منه افلات ‍= أخاف يا الازرق قريبه وفاتك
كاسين راحت بين لوعه وحسرات = واللي بقا كاسن على الصعب جاتك
عليك يا كثر الاسى والتـنهات ‍=يا ريس النادي الا وش سواتك
من جيت واحنا بين طلعه ونزلات =‍ومدربن جبته مسح ذكرياتك
المستوى نازل ولا فيه شرهات ‍=والناس تسأل وين ماضي حياتك
واللاعبين اللي غدوا مثل الالات ‍=ببرود لعبو معظم امبارياتك
وين انت ياجيلن عليه الحسوفات ‍=جيل النعيمه والثنيان فاتك
جيلن الا منه خسر يوم ما بات ‍=جيلن الا صادك صعيب انفلاتك
دور على اللي ينفعك وقت الازمات ‍= ويحقق اللي صعب من امنياتك
ما هوب مثل اللي لهم فيك غايات =ضدك وهم يتستروا في عباتك
ياخوفتي اهل الشماته والافات ‍=اللي مناهم لو يشوفو رفاتك
بكرا يقولون الهلال انتهى مات =واحنا بشعر الآه نصبح نعاتك
نبغاك مثل اول تعيد القديمات ‍= لا صرت ماتبغى تجدد نواتك
نبغى الكؤوس المبعده عنك اشتات ‍=تلمها وتعود لاصلك وذاتك
[/poet]
وسلامتكم ،، وآسف والله على حال الهلال

صح السانك

وان شالله هلالنا يرجع مثل زمان وكلنا تفاول

الاخ : منبع الفن
شكراً لردك
وان شاء الله كما تقول يرجع الفن لاصله ...............

الاخ عاشق الريم
شكراً لمرورك

صح لسانك يالغالي...

اخاف يالازرق قريبة وفاتك

معقولة هذا هلالنا

صح لسانك وخذ مني هاذي الابيات اللي سبق ونزلتها بس اقراها اذا حبيت:
***********************************************

بالله وش ذا الـشــي اللي تــســـوونـــــــــــه..؟؟
بالله هذا الاستــهتــــــار وش تســـــــــــمونه..؟؟
وين مجد الهـــــــــــلال اللي تخــبـرونـــــــــه.
أقول. هذا الهــــــــــــــــــــــلال يامن تجهلونه!!
الذهــــــــــب يشـــــــهد والتــــاريخ بفــــــنونه.
مجد. بطولات وعز لو في غير الهلال ما تـلاقونه.
يـــامـا غــيــــــــــركم تعــب لاجـل خاطر عيونـــه.
واليوم جيتم باستهتـــــــاركم . مجده تدنسونـــــه.
وترسمون العار على جبينه . وتاريخه تــهدمونـه.
والحيـن يقولها لساني بعالي الصوت ليتكم تسمعونه.
شعــــــار الهـــــــــــــــــــــلال ماهو أي شي تلبسونه.
لازمٍ تعرفون قيمــــــــــــته. وفي العيــــــن تحطونـــه.
الذهب يرجع لخزينة النادي يعني لازمٍ تجـــــــــيبونه.
وهـــــــذا مطلـبنــــــــــــــــــــا ولازمٍ تلـــــبونـــــــــه.
*********************************************
ولكم كل التحايا:
اكتمل الهلا بدرا..،

الاخ: رائع الزعيم
hilalemooot
شكرا لمروركما والله يوفق زعيمنا

----------------------------
الاخ اكتمل الهلال بدرا

شكراً لمرورك وتفاعلك وفعلاً قصيده تعبر عن حالنا وليت اللاعبين والادارة يعرفون قيمة هالشعار ويحبونه كما يجب .

واخيراً عسى اللله يوفقنا اليوم لكسب المباراة ونفرح بعد طول تكدر ووجوم

صح لسانك معالي

وفرحتك قربت