نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   أرشيف مواضيع منتدى الجمهور الهلالي (http://vb.alhilal.com/forumdisplay.php?f=38)
-   -   لا تزعلو من المنتدى أو النادي لو طبق هذا النظام (http://vb.alhilal.com/showthread.php?t=158459)

abogazal 09/06/2004 03:37 PM

لا تزعلو من المنتدى أو النادي لو طبق هذا النظام
 
السلام عليكم
شباب انا عارف في ناس مراح يعجبهم كلامي بس انا بقول اللي عندي ليش ما يخلون المنتدى هذا بإشتراك رمزي انشالله يكون ريال او خمسة ريال في الشهر واعتقد انه عدد الاعضاء في المنتدى حدود خمسين الف يعني لو جمع المنتدى الفلوس خلال سنة ولو كل عضو دفع ريال واحد المنتدى راح يجمع 600000 ريال أما لو كل عضو دفع 5 ريال في الشهر يعني خلال سنة راح نجمع ثلاثة ملايين ريال واعتقد انه هذي الفلوس ممكن نجيب بيها لاعبين وممكن تفيد النادي بشكل كبير وتحياتي لجميع الاعضاء

برق الجزيرة 09/06/2004 04:28 PM

واللي هم خارج السعوديه شوبتسوي معهم عسى الاشتراك مجاني

tariq 09/06/2004 04:41 PM

كان يصير موقع الهلال الحضرمي

الحين كل المواقع مجانا الا موقعنا الغالي بتخلية بفلوس حرام عليك ياخي البركه في اعضاء شرفنا اللي واجب عليهم يدعمون الفريق بفلوسهم لان النادي عطاهم الشهره اللي ماكانو يحلمون فيها اما حنا جماهير ليس مطلوب منا الدعم اللي علينا نحضر ونشجع الفريق وبس اما الدعم هذه قضية اعضاء الشرف اللي لهم كلمة في النادي

DHOOOM 09/06/2004 05:31 PM

أعتقد فيها صعوبة شوووووي فليس الكل لديه بطاقة كاش يو
أو البطاقة الائتمانية
لكن الأحرى وضع حساب خاص بالشبكة ويكون الاشراف عليه من مشرفي الشبكة ويكون هناك مثلا احصائية شهرية أو أكثر الهلاليين تبرعا ((إن أراد المتبرع ذلك))
لبث الحماس في نفوس البقية
ومع ذلك نقول ان شاء اللله ان اعضاء الشرف موجودين ومايقصرون
---------------------------------------------------------------------------
كان يصير موقع الهلال الحضرمي

الحين كل المواقع مجانا الا موقعنا الغالي بتخلية بفلوس حرام عليك ياخي البركه في اعضاء شرفنا اللي واجب عليهم يدعمون الفريق بفلوسهم لان النادي عطاهم الشهره اللي ماكانو يحلمون فيها اما حنا جماهير ليس مطلوب منا الدعم اللي علينا نحضر ونشجع الفريق وبس اما الدعم هذه قضية اعضاء الشرف اللي لهم كلمة في النادي
وإذا انهزم الهلال شبينا عليه وجحدناه لكن تبقى حرية شخصية ووجهة نظر أحترمها.

---- آسف على الاطالة


تحياتي

الجاحظ 09/06/2004 06:35 PM

إقتباس:

كان يصير موقع الهلال الحضرمي
احترم نفسك ..

كلّش الا الحضارم ..

دولا أقدع ناس ..

وما حرّك اقتصاد البلد وتجارته الاّ هم ..

=====================

بالنسبة للدعم ... اعتقد أفضل طريقة هي حضور المباريات والحصول على بطاقة عضوية الفريق ..

tariq 09/06/2004 07:27 PM

ونعم والله بالحضارم بس معروفين انهم جلده ..... لاتزعل مني


وبالنسبة اذا انهزم الهلال انشبلهم واحشهم من حقي لاني حاضر في الملعب ومضيع وقتي وجهدي ومالي وجاي لهم وفي الاخير اكلها خمسة وتبيني اسكت مو معقول

T . M . Z 09/06/2004 08:16 PM

[ALIGN=CENTER]الحين كل المواقع مجانا الا موقعنا الغالي بتخلية بفلوس حرام عليك ياخي البركه في اعضاء شرفنا اللي واجب عليهم يدعمون الفريق بفلوسهم

طيب خلونا نكون مثل اعضاء الشرف وندعم النادي بهالطريقه اللي انا من اشد المويدين لها 00
ياخي لو على الاقل الاخبار اللي ناخذها من مصادر موثوقه 0 تعالوا نحسبها شوي 00
لو نشتري الرياضيه وعالم الرياضه كل يوم كم هو المبلغ اليومي لها ؟؟
خمس ريال 00 ومع هذا اخبارهم اكثرها مغلوطه وتحاول تسي للهلال ولاعبيه
اعتقد ان النادي عن طريق المنتدى احق بهاللفلوس 0 على الاقل من ناحية الاخبار
غير طرح الاراء ووجهات النظر 00 الخ

لاحد يجي يقول لي تبي تدفع روح ادعم النادي بدون اجبار للبقيه 00 لان اذا ماكان فيها شي من الالزام الواحد يتكاسل او حتى ينحرج يروح يدفع عشر ريال او اكثر شوي او اقل لكن اذا كان دفع للاشتراك روح يكون شي ثاني 0

مجرد وجهة نظر
[/ALIGN]


الوقت المعتمد في المنتدى بتوقيت جرينتش +3.
الوقت الان » 09:23 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd