|
عبدالله بن مساعد مانـــــــــــــــبيك ..رح يابن مساعد ولي يرحم والديك صبرنا واكلنا من الاهداف الخماسيه والثلاثيه وصرنا متعودين عليها وضاعت حوالي 7 بطولات في عهد رئاسه ابن مساعد اكثر الاهداف دخلت مرمانا خماسيتان ولااحلى داخليه واسيويه ولاننسى الثلاثيه الاخيرة ضاع المجد الهلالي ضاع كل في الهلال فقد هيبته داخلياً واسيوياً وعربياً وش بقى من الهلال ياناس وش بقى ؟؟؟؟؟ قولو لي أأأأه كنت متفائل قبل بس ماضن بوجود ابن مساعد نعم ابن مساعد رجل مثالي ورجل محترم بس اعضاء الشرف ابتعدوا في وقت رئاسته وخذلوة ضننا ان الهلال سيحقق بطولات اثناء مسعكر هولندا وتفاجئنا بالخماسيات وضياع البطولات ..!! أه كم ضاع الهلال أه على الهلال والله ضاع الهلال اذا مالحقو اعضاء الشرف الهلالوضع الهلال ..ياناس تعلموا من الاتحاد فريق عريق وكبير تعلموا من الاهلي وشوفو كيف الروح الي يلعب فيها شوفو كيف يجلب لاعبين شوفو اجانبهم شوفو اعضاء الشرف الي عندهم دعم واستقبال في المطاروتشجيع معنوي .. بالله في مقارنه بين الاهلي او الاتحاد والهلال والله مافي ومستحيل مقارنه الهلال ياناس في خطر واذا ملحقتو وضعه والله بيصير ملطشه كل يوم ينهزم بخمسه .. انا حقيقه مباريات المربع او نهائيات اجي للهلال وانا كل مباراة للهلال احضرها في جدة ،،وفي الرياض اروح لاي مبارة مربع ونهائي اروح وقت الفن الهلالي وقت المجد اطلع فائر واذا كنت مهزوم اكون راضي عن اداء فريقي ..!! بس الحين لاروح في الفريق ولالعب زين ولاعبين كلهم عواجيز ولاعبين تعدوا سن 30 ولاعبين نصهم فاشلين اتركونا من المجاملات وخلونا نتكلم في الواقع وشوفو وش قال النعيمه تدرون بعد الخمسه والخمسه والعشره ثلاث ايام مايجيني نوم الا ساعه ساعتين ..!!! تدرون ان في مشجعين دخلو العنايه المركزة من اجل الهلال ..!!!!!!! وهذا طلب مني لعبدالله بن مساعد اترك الرئاسه وخل الرئاسه لاهل الفلوس وجيبو لنا يااعضاء الشرف لاعبين على مستوى عالي مثل الاهلي والاتحاد وحتى النصر صار يفعل سياسه الاهلي والاتحاد وشوفوا صفقات النصر من البلطان . رح يابن مساعـــــــد مانبيك.... وارجع يابندر بن محمد ولا اي شخص بأستطاعته جلب لاعبين على مستوى عالي وعنده الامكانات الماديه . تحياتي هلالي حزين |
اول شي السلام عليكم اخي العزيز لماذا تهذم للرجل حقة اللاعبين ويبونه واعضاء الشرف وهم اللي انتخبوه ويوم بغى يروح قامت الدنيا وقعدت ياخي ريال مدريد طلع من الموسم بدون بطولات ولا احد تكلم بربع كلامك ياخي تطوروا الرجال عمل اللي عليه واكثر الله يهديك وفي بعض الجماهير اللله يهديهم اذا انهزم الفريق بمباراه قاموا يفصلووون بذا العالم مدرب ,6لاعبين مانبيهم,نبي ريفالدو,,,,,,, |
بسم الله والصلاة والسلام على رسول الله بعد التحية أخي العزيزالهلالي الحزين الأمير عبدالله بن مساعد رجل بمعني الكلمه أحنى في رابطة مشجعي الهلال في المنطقة الشرقية حاسين ومقدرين لاكن المثل يقول يد وحده ماتصفق المشكله ماهي في الأمير عبدالله بن مساعد المشكله في أعضاء شرف الهلال الي شايفين الهلال في نزول وجالسين يتفرجون وش المرجو من أعضاء شرف بس في وسائل الإعلام يأخي إذا مافي دعم من أعضاء الشرف وتجديد الاعبين ولا ما يكفي صدقني حاس بالنار الي بداخلك وبداخل كل هلالي وفي غيور على ناديه لا كن صدقي العله ما هي في الأمير عبدالله بن مساعد العله في الاعبين نفسهم الهلال محتاج إلي دماء جديده لا حض الفرق بين الهلال ونادي الشباب على العموم مابي أطول عليك وأعيد وأقول يد وحده ماتصفق |
يـــالـلـهـ خذ من شاكله هالمشجعين ؟؟ والله أنتم دمار للهلال والله عوامل هدم مو بناء؟؟ ياناس إصحوا معقولة اثرتبكم الجرايد الكلام ذا ؟؟؟؟؟؟ اتمنى تلاحظ وتركز وتشوف وش اللي سواء أبن مساعد !!! |
مع احترامي الشديد لك ولرائك الشخصي ..., إلا ان ابن مساعد من افضل الروؤساء اللي مروا على الهلال ,,,,,,,ولكن الظروف واللاعبين خذلوا الامير واتمنى استمراره |
دامك تحب الهلال زي ماتقول خلك معي شوي الموسم انتهى باقي مباراتين وبالكثير ثلاث والرجال يقول بيستقيل بعد نهاية الموسم وخلنا نشوف من الي بيتقدم للرئلسه عبد الله بن مساعد رأس الهلال في وقت الكل هرب منه وجلس الهلال اكثر من نصف الموسم بدون مجلس اداره ولا واحد تقدم الا عبد الله ابن مساعد الرجال يعمل بجد واخلاص والي يعمل معرض للخطا لكن انشاء الله يستمر ابن مساعد الموسم القادم ويعدل كل الاخطاء الموجوده ويعود لنا هلالنا افضل مما كان |
أخى هلالى انا اعرف ان شعورك ناتج من استياءك لحال الهلال واقدر لك هلاليتك واخلاصك للنادى لكن فى نفس الوقت يجب ان تعطى كل حقه من اين نبدأ من كان أكبر المعارضين لرحيل اديموس الجماهير والادارة وكان هذا الرجل من الرافضين وبقوة لرحيله لكن بناء على رغبة واجماع الجميع رحل اديموس ومشكلة عبد الله بن مساعد انه جاء فى وقت حرج جدا جاء ايام نكسة الهلال انت تعرف وكلنا نعرف ان الفريق بحاجة الى تجديد انا متأكد ان عبد الله بن مساعد لو جاء ايام عصر الهلال الذهبى لحقق اكبر البطولات لكن انت ترى الحال لاعبين فيهم الخير لكن بصراحة الهلال دفاع متهالك عفى عليه الزمن وسط منتهى بالله كيف توصل الكورة لمرمى الخصم وان ارتدت الكرة خشت الباب من النص . يا عزيزى ابينا ام رضينا الهلال يجتاج غربلة وتجديد لا عبين الموجودين لا عبين كبار وخدموا الهلال ما قلنا شى بس خلاص ياخى والله ما اطلع منهم الا الشلهوب وعزيز والمطيرى والدوخى هذى البقايا اللى فيهم حيل لسه .فلا تظلم الرجال والله ما قصر بس من وين يجيب لا عبين وهو يدفع رواتب من جيبه كيف يغير مدرب وهو يجمع فى رواتب اللاعبين يا اخى الوضع صعب ..صعب انا اعرف شعورك لكن الوضع داخل النادى وهموم الادارة حنا ما نعرفها لكن تأكد لو كان بايده شى كان سواه الادرارت السابقة ما تركت الهلال لا بسبب صعوبة الوضع بس كانوا ايام عصر الهلال الذهبى فتذكر هذا جيدا . فى الختام تقبل تحياتى وأحييك على حبك للهلال والله يا عزيزى كلنا دمنا ازرق بس آآآه وش نسوى . |
وينك يا وجه الاخير بندر بن محمد |
إقتباس:
يعني سار عبدالله بن مساعد هو السبب !!!!!!!!!!!!!! |
إقتباس:
ياجماعة والله عيب عليكم مو حنا جماهير الهلال اللي يطلع منا زي هالكلام عبدالله بن مساعد والله انه من افضل العقليات الادارية في المملكة مو في الهلال وبس بل في المملكة والعالم العربي ولو كان في الاتحاد ولا الاهلي بوجود اعضاء شرف داعمين كان اتحسرتوا وقلتوا نبي واحد زي بن مساعد صدقني اللي خذل بو عبدالرحمن هو غياب اعضاء الشرف والسبات العميق اللي هم فيه في وقت النادي محتاجهم فيه |
الرجال قاعد يعمل كصح لا كن الحظ ويمكن الخبرة في المجال ولكن ما قصر بجد . |
إقتباس:
|
[ALIGN=CENTER],,,,,,,,,,,,,,,,,,,,,,, تحيه للجميع ,,,,,,,,,,,,,,,,,,,,,,,,,,, يعطيك العافيه عزيزي على الموضوع استغرب كلام البعض واندفاعه بالدفاع عن سمو رئيس الهلال أي نعم نتفق اذا تكلمنا عن شخص سمو الأمير عبد الله بن مساعد وايضاً لا نشك في بحثه ونواياه بان يكون الهلال متوهجاً ويحقق البطولات ... ولكن موسمين من العمل والنتائج مطروحه امامكم . الا تكفي للحكم على عمله بالادارة ؟؟ دعونا نناقش اللاعبين السعوديين والكل يرى ما يحتاجه الهلال من مراكز ( ظهير ايسر و محور و صانع لعب بعد اصابات النجوم) وعاند في صفقة الظهير الايسر سعود الخيبري وقال لن ادفع اكثر من اعتقد سبعمائة الف فذهب للأهلي وكذلك اللاعبين الأجانب رغم المستوى السيء لسيفو والذي بكل حال من الاحوال ليس افضل من احمد خليل وتراوري ويا ليت تم الاعتماد على الصويلح او حسين العلي او الشيحان ( الذي اضاع قيمة الصفقه بدون فائده) وكابر رغم المطالبة بفترة الاحتراف بتغييره ...... نعم اللاعبين سيئين ولكن من المسؤول عن احضار الافضل والجاهز ؟؟؟؟؟ اليست الادارة .... ثم اختيار العجلاني من المسؤول اليست الادارة ؟؟؟؟؟ ثم تظلمون أعضاء الشرف الذي اتعبهم بالمطالبه بالمال واخرتها العجلاني والشيحان الغير مستفاد منه....... وأعضاء الشرف معروفه مواقفهم وعشقهم للهلال وليس سمو الامير عبد الله بن مساعد الذي ابعدهم فهو يمثل شخصية رائعة ومحببه وليس دكتاتور .. الا ان عمله وانا هنا ليس ضده كشخص ولكن ضد نتاج ادارته التي اعطتنا خسارة بطولات الموسمين (ما عدى كأس ولي العهد الموسم الماضي ) اضافة الى اقسى نتائج يمر بها الزعيم حقيقة نتفق بشخص الامير الرائع .... لكن منصب الادارة بالهلال فتحتاج الى غيره او تنصيب مشرف على كرة القدم من الرائعين تاريخاً وذو فكر رياضي يعرف ما يحتاج الهلال فيوفره ,,,,,,,,,,,,,,,,,,,,,,,,,,,,, وعلى دروب الهلال نلتقي ,,,,,,,,,,,,,,,,,,,,,,,,,,,,[/ALIGN] |
إقتباس:
|
نعم ارحل يا مضيع الزعيم:upset::upset::upset: |
| الوقت المعتمد في المنتدى بتوقيت جرينتش +3.
الوقت الان » 02:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd