|
ازعجتونا ...بالاولمبي كل شوي طالع لي واحد الاولمبي الاولمبي وانا شفت الاولمبي اكثرهم مقالب ومافيهم احد تقدر تعتمد عليه حارسهم الغامدي موب افضل من الدعيع والعتيبي ظهيرهم الايمن النزهان وتعرفون منهو النزهان ظهيرهم الايسر الجري اللي صارت عليه صجه ولجه ويمكن اديموس على كلامكم مايفهم بس موب معقوله العجلاني يجي ويلعبه شوط ويسحبه ويروح عليه تغيير (يعني كلهم مايفهمون وانتم تفهمون) الدفاع محمد الوهيب اللي مدري وشلون صارمدافع وجسمه كذا فرانك اتسو المحور البرقان اللي اتوقع انه هو اللي فيه رجاء بس عيبه ثقيل وسط يسار الحوطي لاعب مجتهد وشفتوه مع الاول مايضيف اي شي للفريق وسط يمين فهد مبارك اكثر لاعب في العالم يطيح ويقعد يتفلسف واخرتها بدون فايده صانع العاب المطرف لاعب ذكي وهو الوحيد اللي يقدر يغير نتيجة مباراه هجوم الخراشي لاعب يعرف يتمركز ومتحرك الصويلح معدوم المهارات بطي ماعنده الا راسه وانتم مسويين قلق ليش ما يلعب اقولك ترى المدربين الجايين سواء اوسكار او غيرة بيسوس زي اديموس واردى العنبر اللي كثير من الجماهير متفائلين وانا اقولهم لاعب مايعرف يسلم ويستلم ولا عنده كنترول مايمشي شفتوا هذولي لاعبين الاولمبي عطوني واحد يستاهل يلعب مع الاول وانا اشوف اللي قادرين ومهوب لذيك الدرجه البرقان والمطرف والخراشي |
اقول انقلع بس الاولمبي هم الهلال الحين وبس |
حلوة منك انقلع وهي تعكس مدى تربيتك اما بالنسبه للاولمبي ستثبت لك الايام ما كنت جاهلا |
أقول( قم بس قم) راح تثبت لك الأيام من هو الأولمبي |
اول شي اخوي الحوطي مايلعب وسط ايسر لكن العجلاني اخترع له مكان في الوسط الايسر هو لاعب محور او ظهير ايمن لكن تحطه في مكان غير مكانه اكيد مو لاعب صح زي المفرج في الظهير الايسر وبعدين اخوي احنا مانطالب بكل لاعبين الاولمبي احنا نطالب بالاعبين الي ينقصنا في الفريق الاول مثال الحين ينقصنا صانع العاب طيب ليش مايلعبون المطرف الظهير الايسر ماعندنا طيب يلعبون الجري احسن من المفرج المحور عندنا لك عليه طيب يجربون البرقان او الحوطي وبعدين الاعب الصغير متى يبرز اذا كان الفريق الاول عنده لاعبين مصابين فيبرز الاعب الصغير ويحاول اثبات وجوده لكن مع الاسف الهلال اذا نقصه مركز من الفريق الاول مايجيبون لاعب صغير لا لدرجة انهم يالفون مراكز ولايجيبون لاعب صغير والدليل المفرج ظهير ايسر اما كلامك عن العنبر فهو لاعب قناص يستغل الفرص ماعند مهارات لاكن قناص مو اي مهاجم يكون لازم عنده مهارات اهم شي يخلص المبارات لك والدليل مبارات الهلال والوحد في دوري الشباب العنبر خلص لك المبارات وجبنا البطولة اسف على الاطالة |
مشكور اخوي الشلهوب الهلال بانسبه ان الحوطي يلعب محور هذي اول مره اسمعها انا شفته في بطوله الامير فيصل وسط يسار وبانسه للعنبر مااقول انه مهوب لاعب بس قصدي انه عادي جدا |
والله القهر المطرف ما يلعب في هذا الوقت هذا وقته:upset: :upset: :upset: والعنبر بإذن الله سيثبت أنه نجم المستقبل والصويلح لاعب ممتاز سريع ولكن تنقصة الخبرة (خليفة سامي بإذن الله) تحــــــــياتي |
لي تعليق بسيط على احمد الجري في مباراة الشرطة العراقي الفريق لاعب ثلاثة خمسة اثنين ومو الجري اللاعب الشاب الي ارتبك الدوخي الي مثل المنتخب في كأسي عالم ما كان عارف يلعب وارجع للمباراة وشوف شلون الفريق كله مرتبك بسبب تخبط هالعجلاني ثانيا باي منطق تحكم على لاعب من مباراة الجري شايفينه من ايام بلاتشي على ما اعتقد ضد الاهلي السعودي وشفناه في الصداقة وشفناه في كأس الاتحاد يعني خليت كل هالمباريات وجيت تطامر على مباراة اما الصويلح فنفس الشي والعنبر كمان هداف درجة الشباب ويسجل بالهاتريك وصاحب قدم قوية وضارب رأس ممتاز ان شاء الله الهلال بعد تطعيمه بالنجوم وثلاثي محترف على مستوى عال ودمج الجري والبرقان والصويلح والعنبر مع تشكيلة الفريق الاول راح نشوف هلال ممتاز يرد عليك وعلى عجلانيك الا تقدر تقول لي ابداع الاولمبي كان على اي اساس وصلوا للنهائي وقدموا مستوى كبييير في الصداقة هذا وهم ما يعرفون يلعبون ومدربهم فاشل مثل ما يقول عجلانيك اجل لو يعرفون يلعبون ومدربهم ناجح وش يسوون عجبي |
اخوى اكيد لاعبين الفريق الاولمبى مو ماردونا .. وزيكو .. اللى بيغيرون حال الهلال ... ولكن يوجد فيه ناس افضل من الموجودين بالاساسين ... مثل فهد مبارك ... واعتقد انه افضل من سيسيه ...( وجه نظر ) يكفى انه لاعب مستقبل .... وصغير بالسن ... المطرف ... احتاجه الهلال في الموسم هذا بشكل غير طبيعى وخاصه بعد اصابه الحربى ... ونواف .. وعدم وجود لاعب صانع لعب .. اما العنبر .... الحمدالله انه ما تم استدعائه في الوقت هذا ... لانه بينتهى .. وراح يتحطم ويضع مركزة مثل الصويلح ... اللى ضاع وسط المحترفين او سورى اشباه المحترفين ... مع ان ترورى يجى منه ... وهذى وجهه نظر تحياتى لك روى كوستا |
العيون الاسبانيه انا ماقصدي انهم فاشلين وما قصروا في بطولة فيصل بن فهد وفي الصداقه لكن اقول انهم اخذوا اكبر من حجمهم بكثير وما فيه لاعب تحس انه ياثر بالفريق اكثر مايقال عنهم عاديين واما بالنسبه للعجلاني من اللي قالك انه عاجبني بالنسبه للجري ماحكمت عليه من مباراه انا شفته مع الهلال شباب وكان لاعب عادي جدا وبالنسبه للعنبر هذا الجمعان شوييييت ويضر راس ومهارات وكنترول لكن اللاعبين الثقال ماينفعون شف كلايفرت شف فييري وفي الجانب الاخر شف رونالدو ورنالدينو وهنري فالكوره الان تعتمد على السرعه والكنترول |
كلامك يدل على انك متابع الاولمبي000تبي الصراحه اناماني مقتنع بشي اسمه اولمبي00ياليتهم يسمونه فريق الواسطه او التجارب ولا اقصد الهلال بل جميع الاندية0000حنا في عصر احتراف الحين00والاعب اللي في الاولمبي اذا برز بيروح يدور مصدر رزق واللي يدفع اكثر بياخذه0000 الحقيقه انا لي عتب على الزميل العضو الملقب ابو نعمان والمشكله زعيم متواصل مدري من وين يجيب هالالفاض السوقيه وصابرين عليه بالمنتدى تراك مهوب اول واحد يتلقى الفاظ بذيئه منه انا ماسلمت منه |
روى كوستــا شكرا على ردك بالنسه للمطرف انا معك اما فهد مبارك فما يتقارن مع سيسيه وهذي وجهة نظرك واحترمها المصلحة العامة الفاهمين في المنتدى ينعدون على الاصابع وبالنسبه لابو النعمان فالله يعافيه ولا يبلانا هو وبعض الناس |
( والله الخراشي وبس) |
صبحك الله بالخير... انا من رايي نكون واقعيين شوي الأعضاء ماعاد يدعمون مثل أول... لو يحطون جهدهم في نجومنا الصغار اللي هم فعلاً اثبتوا وجودهم بس مااحد عطاهم وجه * الجريء على الأقل تعطيه فرصه ارحم من المفرج؟ * البرقان ( ونستريح من الخثران وتمريراته الخياليه لا وتبطيحه للاعبين) ولا ؟؟ * الخراشي والصويلح والعنبر ( الأول شارك فتره بسيطه وكان قمه في الروعه - والثاني مسوي قلق للفرق - والثالث هداف الشباب ) أحسن من الجمعان اللي مسوي قوي وهو يخرب على نفسه وارحم من سيسي. * الصالح - الحوطي ( قمه في التفاني والإخلاص ) أرحم من اللي يلعب بدون نفس ولا مايحس بالفنيله اللي هو لابسها * عبد الله المطرف ( وآآه ياعبدالله ) * العمودي ..... وش بيون بعد ماادري الظاهر لازم يروحون فريق ثاني عشان نشتريهم ولانقول ايه نجوم بعدين دام المدربين اعطوا للاعبين اللي عششوا في النادي فرص كثيره جاء دور الأولومبي ياخذ فرصته... عشان يختارون اللي يستاهل الباقين يستفيدون منهم ببيعهم او إعارتهم لكن سلم لي على فريق الشباب اللي اعطى لاعبينه فرصه لحد مابرزوا ولا حطموهم... تحياتي |
[ALIGN=CENTER] أخوي FhOoOoO صبحك الله بالخير ومشكور على موضوعك بس كلامك مع أحترامي لك غلط في غلط أول شئ أتوقع أنك تتكلم عن فريق ثاني ما هو الهلال وإلا كيف تقول الحوطي لاعب وسط أيسر ؟؟؟ (الحوطي محور) العنبر ما يعرف يسلم ويستلم ؟؟؟؟؟؟؟؟؟؟؟ تكلم بعقلانيه لكي نتناقش معك في موضوعك تحياتي لك[/ALIGN] |
| الوقت المعتمد في المنتدى بتوقيت جرينتش +3.
الوقت الان » 02:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd