|
من ذاكرة اخـتبارات الـثانوي . مرحبا بالجمـيع :) .. اتـذكر وانا في اللحظات هذي لحظات الاخـتــبارات النــــهائيـه .. قـبل كـم سنه .. كـنا يـدور بـيـننا اتصالات انا والداوفير اللي مثي :D .. على هااااه ؟ تهربت اسئله ؟ جاك شيء ؟ واذا جاك شيء تكفى علمني ؟ المـهم .. الساعه 2 الليل جاني اتصل من ولد عـمـي يقـولي ترا اسئلة الرياضيات تهربت ترا بمرك:bigeek: .. قلت .. ترا فيني النوم تتكلم جد ولا تستهبل . قال يلا انا تحت عند الباب ... انزل .. نـزلت الا وهذي هي الاسئله قدامي :eek::eek: .. مدري وش اسوي ؟ المهم شفت وشاف الاسئله .. الزبده ماعرفنا نحل ولا سؤال :D !! دقـينا على طالب دفور مثلي :rolleyes: .. وصحيناه من النوم وقلنله الاسئله تهربت بنجيك نعطيك اياها ------> الله من الخبث :shy: الا تبون يحلها لكم :D ! المهم على مابال مارد علي وكذا الين الساعه 3 والاختبار باقي عليه 3 ساعات ونصف ! المهم بدأ يحل فيها ويعدل الين خلص من كل الاسئله .. وبدأ يشرح .. للوحين اللي يطالعونه :D .. المهم من الساعه 3.30 الين قبل الاختبار واحنا جالسين نحفظ الاسئله .. جـيـنا واحنا مبسوطين ان الاسئله معنا ومحلوله :) .. نـجي نجلس على الطاولات ، تـتــوزع الأوراق .. نشوف الاسـئله .. ثم نشوفها مره ثانيه .. ويطلع اول سؤال اختيارات :eek: .. نشوف السؤال الثاني والثالث واللي بعدده .. ومايطلع ولا سؤال من الي حفظناها جاء في الاختبار :( . الـتــفــت لولد عـمي .. واشوفه يحك رأسه ويبي المدرس يغششه :D !! الزبده : - لا تـعـتـمدون على اي اسئله تـتـهرب من أي جهه كـانت . - لا تحاول تـرد على ولد عمك وقت الاختبارات لانه بـينكبك :bluesky: . - الله الله بالـبراشيـم :D |
[ALIGN=CENTER] هلا بالداج كايدهم:D ... تصدق ولا ماتصدق .. انا مره جتني اسئله الحاسب الساعه 12 الليل .. المهم مااهتميت فيها وجلست العب سوني <<< الله من الدجه:D بعد السوني صرت مااشوف الا واخبطها نومه :embarrass قمت للاختبار واتذكر ان الاسئله جتني :eek: واجلس اذاكرها في ابونص ساعه :D .. وادخل الاختبار واخذ 29 من 30 :cool: <<< اخاف اخذ الدرجه الكامله وينظلوني:dead: إقتباس:
حتى لو اخوك :razz: إقتباس:
الله يرجك شكلك تبي توهقهم :D تحياتي ياشايب ;)[/ALIGN] |
[ALIGN=CENTER]http://www.ta7meel.com/up/27/1085633524.gif http://www.ta7meel.com/up/27/1085633992.gif كايدهمhttp://www.ta7meel.com/up/27/1085633992.gif صباح الخيراااااااات خيوووو إقتباس:
مثل حالتي العام إقتباس:
ينقلك الآسئله وخلاص :D إقتباس:
تذكرني ببنات قسم الآدبي العام يوم جتهم اسئلة الجغرافيا بس هم غير جتهم الاسئله المتسربه توهم بيبدون يحلون إلا وجوا الإداريات هجوووووم عليهم أخذوا الاسئله وجلسوا حوالي ربع ساعه وجابوا لهم اسئله جديدة صديقتي متحسفه تقول ليش النذاله عطيتونا لا تسحبون :D إقتباس:
أنا العام بنت خالي دقت علي وقالت خذي اسئله الرياضات قلت لها يابنت الحلال اتعب نفسي واكتب ==>> عجااااازه :D يوم رحت للاختبار ودجيت وفحطت .. دقت علي وقالت لي تدرين ان الاسئله اللي جتكم كانت معي بس انتي غبيه ورفضتي :D اليوم اللي بعده علينا إنجليزي قسما بالله انها اول مادقت الساعه 10 على طول اخذتها وكتبت وسبحان الله جت نفسها نسخه كربونيه وكتبت نفس الإجابات الي نقلتني ياها بس مع ذلك ماخذت درجه كامله ==>> التعبير منقصه منه :D ==>> تحب الإختصارات ماتحب تكتب اكثر من 5 سطور:D واللي قهرني أكثر يوم اختبار الكيمياء دقت علي وعطتني نموذج قلت لها يابنت الحلال مستحيييييييل تجي لانها صعبه :D ==>> واثقه البنت المهم دقت علي الساعه 6 وانا من زود الدفاره طلعت ==>> حظها نحس قالت لشغالتنا خذي هالاسئله وعطيها الفيروسه وهالخبله شغالتنا يوم رجعت عطتني ياها :upset: المصيبه كانت نفسها بالتمام والكمال :cry: إقتباس:
إقتباس:
بالتوفيق للجميع الطلاب والطالبات ،، ==>> بكره عندك اختبار روحي نامي :cry: اول من يبدء واخر من ينتهى :cry: الله يقلع اللي حط هالجدول الزفت :upset::mad: http://www.ta7meel.com/up/27/1085633524.gif[/ALIGN] |
[ALIGN=CENTER]ذكرتنا بالذي مضى :D وتحديداً سالفة بنت خالتي ,, يوم كانت في ثالث ثانوي كان أغلب إلي معها في ثالث من العايلة عيال هذا إن ما كان كلهم المهم تسربت اسئلة مادة مدري وشي بالضبط ووصلت للعيال بس صارت الأسئلة حقت بنات ,, راح عمها وكان في ثالث ثانوي لبيتهم الليل متأخر تقريباً 3 ونص,, وبنت خالتي ذا الداجه في ثالث ثانوي ما درست عند اهلها :D راحت تدرس في بيت جدي الله يرحمه لأن كان جنبهم مدرسة كويسة وشرحهم زين ,, طبعاً طق الباب وعرف إنها في بيت جدها ويصير عمه ,, المهم دق عليها هناك وردت عليه وقالها بتجيك الأسئلة من فلان وهذا فلان يصير ولد عمه الثاني وفي ثالث ثانوي بعد لكن بيتهم اقرب لبيت جدي الله يرحمه ,, وفعلاً جاء فلان لبيت جدي الله يرحمه وعطاها الأسئلة من تحت الباب الساعه 4 فجراً :D ومن ذكرياتي الخاصة :o ما اذكر إلا الصياح .. والطرحه إلي اربطها على راسي والحبوب إلي ابلع فيها :D والكبتشينوا إلي اشربه .. والشاهي إلي طول و قتي بس اشرب فيه .. وإذا رجعت من الإمتحان وابي انوم كلٍ يدق علي من خالاتي يسألوني عن امتحاني وانواع الإزعاج ,, لأني بصراحه دجيت في اسبوع المراجعه وصرت يومياً اشوف ليدي في الفيديو ونفس الأجزاء اكررها كل يوم :D وعشان ما تدري الوالده إني شابكه الفيديو كنت اخلي الفيديو يشتغل من غير ما اشبكه بالتلفزيون بطرق غريبة وعجيبه :D لكن من ناحية التسريب ما كانت تجيني اسئلة ولا كنت احاول ادورها :)[/ALIGN] |
صراحه .. افااااااااااااااا وافااااااااااااااااااا يعني عندنا اعضاء ..لهم سوابق غش وسرق اسئله و الى اخره .. محاكيكم اللى هو انا ..........والله العظيم ثم والله العظيم ..حتى لو بغيتوني اطلق مستعد .. ماعمري غشيت بحياتي ...ولا اعرف البراشيم .. ولا اهتم او اسئل هل الاسئله سرقت ام لالالا؟؟؟ دابه سليمه ....اهم شيء ادرس واجاوب ... ..لانه اذا قربت الاختبارت ...عندي طريقه معينه ...اولا : 1- احلق شعر راسي ....صفر ...لانه مشكلتي اذا قعدت ادرس واذاكر بس العب بخصلات شعري ..من قدي شعري حلو ونويعم ..هههههه اناملي تستانس اذا قعدت تمسح على شعيرات راسي .. 2- يخصص الاهل لي ترمس شاهي وتسمي ترمس ( دمى_ازرق) ...اللى تضغط من فوق ومن الكبار اللى قيمتها 110 ريال ..واللى يقرب حولها لايلوم الا نفسه .... 3- احافظ على الصلوات ...وا وديها ..في وقتها .. 4- قبل المغرب اخذ لي لفه على افلام الكرتون اللى تعرض على القناه الاولي ...واضحك وخاصه ..من مشيه ابو ذنيبه ..و اللى يقول ..ياااابببببببببببببببببببباه ههههههه واسكوبي كوبي دو ههه .. وبعد الضحك ترجع الحيويه لي ...وادرس واذاكر ..افلام الكرتون مثل المنشطات عندي ههه 5- دائما اتذكر مقوله الوالد ...لانه يقول اذا نجحت وخلصت الجامعه بزوجك ...ههههه صرت اكرف من جد ..عاد زواج واغراء ما يتفوت ههههههه .. 6- وبس :) |
[ALIGN=CENTER] إقتباس:
http://www.smileytown.com/content/emot/exct0006.gif إقتباس:
المفروض الواحد يعتمد على دميجته دميجه = مخه http://www.smileytown.com/content/emot/emba0001.gif[/ALIGN] |
[ALIGN=CENTER]الحمد لله اني ما اعرف ولد عمك يا كايدهم ... ذكرتني بموقف ...!!! خويك مطلع الاسئله وموزعها على الشباب واخرتها يسقط ...!!!؟؟؟ مع العلم ان الاسئله ما تغير شي فيها ... ابـــد مـــهـــوب انـــا ...:bluesky:[/ALIGN] |
لسه مادخل في سوق الاسئله المسربه :D:D:D اذا دخلت ابحتكرها :D:D واحطها هنا بعد خخخخخخخخخخخخخخخخخخ :D الله يوفقنا :) تحياتي |
انا مافيه الا شيء واحد بس قاهرني البنات السنة الماضيه جتهم الانجليزي والرياضيات والكيمياء حتى الخط الظاهر جتهم الاسئلة وحنا المساكين بس نزلت اسئلة مشابهه غيروها باسئلة والله ان فيه مدرسين ماعرفوا يحلونها اقول داااااااااااااااااااائما الشباب مظلومين__+>>< بس ان شاء الله ياخذون الدوري :D ;) |
[ALIGN=CENTER]هلا والله بالغالي كايدهم :) الله يا قدمكم إختبارات وهم وغم ومذاكره وصك على نفسك .. وكل من سلمت عليه قال هاه وشلون الأختبارات .. ليش ما تذاكر:upset: .. تعال اراجع لك :D كلام كثير من هالنمونه :D لكن انا عن نفسي إفتكيت عن هل إمور كلها وعقبال الطلاب ;) لما نتكلم عن الأختبارات وما يدور فيها ،، من أحداث واشياء غريبه .. انا من طبيعتي إني ما احب اسبق شي على شي .. يعني . إذا جت الأسأله ومثلاً حليت السؤال الأول .. والثاني كان صعب وناسي حله . ما انزل للسؤال الثالث والرابع إلين احل الثاني . ما ادري ليش :D ينتهي الوقت وانا افكر بالسؤال هذا .. لا والمشكل إني شوي واصيح من القهر لئن هذا السؤال كنت حافظه قبل ادخل القاعة بثواني اخر شي انساه .. من الربكه :D إذا مر علي سؤال صعب ما اطلع إلا اخر واحد والمدرس كل شوي يقول ياخي إخلص علينا خلص الوقت ,, وانا اقول دقايق يا استاد فيه سؤال اعرف حله بس ناسيه .. واغث المدرس والطعه وكل شوي يناظر في ساعته يا ولد إخلص واقوله إصبر .. اخر شي يجي لمي ويقول وشو السؤال الي ما قدرت تحله اقوله هذا .. يقول : هذا الي مجلسك ويعلمني إياه :D اما عن الأسئله المهربه .. فقد جتني اسئله الأنجليزي .. بس اشوى ما اعتمدت عليها .. طلعت نص الأسئله موجودة والباقي يختلف .. والأتكال بعض الأحيان يوهق :rolleyes: لكن الحمد لله الحين إفتكينا من المراجعات والغثى والحمد لله انا موضف الآن :) لكن اذكر من المواقف الطريفه .. إننا دخلنا قاعة الأختبار .. وكان الجو هادي مره كل الطلاب مركزين .. شوي يوم قال المدرس الي يراقب : يا ولد يلي تغش هناك .. قال احد الطلاب من غير شعور (( هلاااا )) !! والمدرس اصلاً ما كان يقصدة .. المسكين فضح نفسه إنه يغش :D:D:D والله مت من الضحك عليه :D بالتوفيق إن شاء الله للطلاب والطالبات :)[/ALIGN] |
رد: من ذاكرة اخـتبارات الـثانوي . إقتباس:
ياقديم يا كايدهم الحين الناس متطورين بالجوال وبالجامعة عندنا BLUETOOTH |
هلا:) بالنسبه لي الحمدلله ثالث مرة على خير واسئلة الوزاره كانت معقوله اصعب يوم كان اول يوم طبعا مو من الاسئله من الرهبه والخوف والارتباك بس كانت ضغط نفسي ودراسي واذكر اني كنت من النوع اللي مااذاكر كل شي <<< يحب ياخذ الاشياء باقل مجهود:rolleyes: كنت امسك الاختبارات القديمه واذاكر بنفس الطريقه يعني في مواد يتعمقون في الاسئله كنت اتعمق في المذاكره ومواد رؤوس اقلام كنت اذاكر رؤوس اقلام والحمدلله ماانكبت:) واذكر مره موقف بس في 2 ثانوي اذكر في الرياضيات كانز معطينا 3 اوراق وجه وقفا المهم طلعت من الاختبار وخشتي تتشقق من الفرحه واشوف طلاب معي يراجعون وراجعوا اسئله مامرت علي ولا شفتها في الاختبار:dead: واسالهم متاكدين انها كانت في الاختبار قالوا ايه وانقلبت الابتسامه الى حزن قلت يمكن اني ماشفتها او ناسيها ورحت لمدرس امون عليه وقلت له السالفه و قلت متاكد انها مو موجوده ويروح للمراقب ويراجع ورقتي ويلقاها ناقصه وجه ماصوروه:eek: ويخليني اكمل الاختبار وكان فيه ماده بعدها اذكر اني خذت من وقتها واختبرت فيها بس اخر نص ساعه ومن بعدها كل اختبار صاروا يقولون تاكدوا من عدد الورق خلصت:D |
لاتغشوا فالغش لايجوز |
[ALIGN=JUSTIFY]الأختبارات ... و ما أدراك ما هي ... استسمح العزيز كايدهم ، و هو على كل حال "خالي شغل" ;) بعد الموسم الهزيل للهلال ، أن أخْرُجَ بالموضوعِ لمنحىً قريبٌ منه ، متعلّقٌ به . لي قريبةٌ ، من القلب و النسب ، كانت مضرب المثل في الدرجات العالية في جميع مراحل دراستها. لا أظنها عرفت معنى B فضلاً عن المشاكسين C و D .. أو مدمي القلوب F !!! أعلم ، يقيناً ، أن الفتيات لا يختلفن عن إخوانهن من الشباب . خاصةً في هذا الوقت ;) . لكنني دوماً أرى أن الفتيات افضل و أجود تحصيلاً منا نحن معشر رجال . يا لثارات الرجال ...:D:D أعلم .. أعلم .. لا بأس .. لا بأس .. لكن اليست هي الحقيقة .. إذهب و فتش في نتائج أختك ، بعد أن تنام هي و إلا ستذلك ما حييت ، ستجد انها افضل منك .. أما إذا عملت المرأة ، فيما تبدع فيه ، فتجدها تعطي عملها روحها و إخلاصها .. نحن لدينا ما يشْغَلُنا ... هذا ما نردده دوماً حتى نسلي أنفسنا و نحن نرى النساء يتخطين حواجز التفوق بتؤدة .. لا أدري ما الذي استدعى كل هذا من ذاكرتي .. أو أنني أدري لكنني لا أريد أن أبوح بها .. بل إنني بعد كتابتي لهذا الرد ، لا أدري هل يناسب الموضوع .. دمتم بألف خير .. [/ALIGN] |
هلا فيصل .. إقتباس:
الفيروسه الزرقاء .. صباح النور خيتو :) .. إقتباس:
الماسه الزرقاء .. مواقف حلوه .. وشكرا على مشاركتك . دمي_ازرق .. إقتباس:
خالدهلالي سدير .. اكيد الدميجه مايستغني عنها الواحد :) .. عــــ الهلالي ــارف .. إقتباس:
واحد زاحف ... ننتظرك :) .. مخاوي الشوق .. صحيح ملاحظ هالشيء .. وهذي الدنيا :( .. 100% هلالي .. إقتباس:
وشكرا على اضافتك الرائعه :). . عاشق الفيلسوف 15 .. إقتباس:
البلوتوث للأسف صار يستخدم حتى في اشياء ثانيه سيئه :( .. عزوز10 .. إقتباس:
عاشق المو10هوب .. جزاك الله خير الغش يختلف عن المساعده :D القاضي .. إقتباس:
عكس الفتاة التي غالبية وقتها في المنزل وهذا يجعلها تدرس اكثر وبالتالي تتحصل على معدلات افضل من الشباب . إقتباس:
تحياتي للجميع .:) |
| الوقت المعتمد في المنتدى بتوقيت جرينتش +3.
الوقت الان » 06:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd