تكريم الاعبين الهلالين والنصراويين باكثر من 100 سيارة ومكافات وغيره وغيره انا اقول معليش يكرم الاعبين المسلمين السعودين سواءً كانو هلاليين او نصراوين او اي نادي لكن انه يعطي الاجانب سيارات وفلوس هذا اللي يقهر لاسباب كثيره 1- ان راتب الاعب الاجنبي حق شهر واحد يجيب 5 سيارات واكثر 2- مقدم العقد لكل واحد فيهم يجيب 30 سياره واكثر يعني فوق ما هو يستلم عشرات الالاف من الدولارات اكرمه واعطيه سيارات وفلوس(والله قهر) الاعب السعودي مسلم ومنا وفينا بعيد عن انتمائه لاي نادي . ولو جاه سياره او مبلغ من المال ما احسده واقول الله يباركه باللي جاه يستاهل وبعض الاعبين السعوديين رواتبهم شويه ونقول الله يرزقهم ويزيدهم من الهداياء والفلوس لكن لاعب اجنبي راتبه 50000 و40000 و30000 و20000 دولار شهريا وليس سنويا( انا اقول شهريا وعليكم الحساب بالريال) هذا غير مقدم العقد فهذا حدّث ولا حرج يعطى فلوس زياده وسيارات انا اقول هذا فوق المعقول وحرام وشي يضّق الصدر بصراحة وانا اكتب هذا الموضوع وانا والله فيني قهر مو طبيعي والمفروض الاعبين الاجانب اللي عندنا على مستوياتهم انهم ياكلون الزرع من الحماس ويحرثون الملعب حرث على الرواتب اللي تجيهم والله ان الاعبين السعودين مستوياتهم افضل من الاجانب ولا يجيهم ربع ما يجي الاجانب واقل من الربع بكثير يعني بصراحه المفروض اذا فيه تكريم فان التكريم يخص الاعبين السعودين بس فقط لاغير اما الاجنبي فالكل يعلم ان راتبه يساوي راتب عشرات الموظفين السعودين فمع كل هذا الراتب اكرمه واعطيه سيارات ومكافات (والله حرام) ارجوا انه ينظر في هذا الموضوع للاهميه القصوى وارجوا ان يصل كلامي هذا الي كل من يريد ان يهدي او يتبرع واللي في قلبي اكثر من كذا بكثير لكن من القهر ما لقيت كلام اقوله والسلام عليكم ورحمة الله وبركاته الي احبائي اداره الموقع الموضوع هذا والله ما فيه شي وعادي فارجوا منكم تركه لعلنا نجد حل في اين تذهب هذه الاموال |
يا خلوووودي وش ذنب الللاعب الجنبي انه ما يجيه مكافآة ش الدول الثانيه اجل |
والله قهر ... ... كلامك صحيح ياخلودي... مفروض أن الاعبين الاجانب أصحاب العقود الضخمه لا يستلمون شيء ماهو كفايه الي جاهم من مقدم العقد والرواتب الي تسلم لهم أووووووووووووووووووووووووووووووول بأول... أزيدك من الشعر بيت هناك خطه في الاتحاد السعودي لتخفيض رواتب الاعبين وجعله 15000 أقصى حد.. (صحيح)..؟؟؟؟؟؟؟؟؟؟؟؟؟؟؟؟!!!!:(:(:( |
قولوا لي بصراحه راحه فيه شيء اسمه عقود مبرمه ومن ضمن بنودها أنه له مكافأه خاصه عند تحقيق كل بطوله هو موجود فيها بالطبع وأنه ينال ماينال زملاءه الآخرين سواء أجنبي أو غير أجنبي ومن غير المكافأت الخاصه بالطبع وبسألكم بالله لو أنك لاعب محترف في دوله ثانيه وتشوف زملاءك يعطون مكافات وأنت جالس تتفرج عليهم وش أول قرار راح تتخذه؟؟؟؟؟؟؟؟؟؟لنكن واقعيين ونترك عنا نسأله هو مسلم أم لا هناك شيء أسمه إحتراف وعقود=بزنس آند بزنس:)ولقمة عيش تأمن تقبلوا تحياتي |
الاخ (khlloodi)### الادهى ولامر ان يكون الاعب الاجنبي اقل من مستوى الاعب السعودي بكثير @@ اذكرهنا لاعب النصر اللذي اهدر ركلة الجزاء فهو لاعب كان مبدع مع البرازيل لكنة لم يقدم اي شيء يشفع لة بان يستلم الرواتب الضخمة ,,, """"""""""""""""""""""""""""""" |
9smsm9 ذنب الاعب الاجنبي ان راتبه يساوي راتب 40 لاعب سعودي مع بعض علشان كذا المفروض ما يجيه مكا فائه هو نا قص فلوس ولا سيارات ياخي بعض الاعبين فلوسهم اكثر من اللي يتبرعون لهم الاخ شباب سدير اذا نقصوا رواتب الاعبين السعودين هذي والله الورطه والاعب الاجنبي يعطى راتبه اول باوال صراحه شي يقهر اخوي الفكر كلامك صح الاعبين السعوديين مستوياتهم افضل من 95% من الاجانب اللي عندنا |
عين الحسود فيه عود :) |
عين الحسود فيها عود :) |
الاخ ابو فهد السلام عليكم اولا احب اقولك ان العقود المبرمة تخص المكافات اللي تصدر من النادي بعد الفوز وبعد البطولات وليست اللي من اعضاء الشرف ثانيا لو انا محترف في دوله ثانيه وراتبي زي الرواتب اللي يستلمونها الاجانب يعني 50000 دولار وحولها شهريا بالاضافه الى مقدم العقد كان سكرت بوزي ولا تكلمت ولا اشارك زملائي فلوسهم الا اذا عطوني زي اللي يصير عندنا وهذا اللي يقهر ثالثا وهو الاهم كيف تقول نترك عنا مساله مسلم ولا لا يابو فهد اسلامنا هو حياتنا هو عزتنا فوالله مهما ابتغينا العزه بغيره اذلنا الله كما قال احد السلف نحن اهل السنه والجماعه عندنا عقيده مهمه في حياتنا وهي عقيده الولاء والبراء (هذا موضوع يطول شرحه) فيجب ان نحب لاخواننا المسلمين كل الخير ونحب ان ياتيهم ما ياتي الكفره من اموال وكما قلت الموضوع يطول شرحه ولكن اكتفي بالذي قلت والسلام |
مساك الله بالخير يا أخ خلودي . . . الحقيقة انهم يستاهلون كل اللي يحصلونه من فلوس وذهب وسيارات بعد . . يا أخي هم اللي جابولك البطولة وكل بطولة يعني باخل عليهم بسيارة هذا حقهم ولهم . . . . http://www.yhya.8m.com/wallpaper/34.jpg |
انـــــا اقووول انهم يستاهلون المكافاة ويستاهلون كل شي ومعليش لأن هذا الكلام اكيد بيزعلـك بس هذا رأيي |
هلا بك اخوي خلودي وشكرا لك علي هالموضوع اللي فيه باينه نزعتك الدينيه والوطنيه اللي اهنيك عليها ولاهي غريبه علي مجتمعنا ولكن هذا العمل هو كرم من الامير الوليد بن طلال |
الوقت المعتمد في المنتدى بتوقيت جرينتش +3.
الوقت الان » 06:29 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd