27/05/2004, 02:33 AM
|
| زعيــم مميــز | | تاريخ التسجيل: 01/08/2002 المكان: قلبي تولع بالرياض ....
مشاركات: 2,013
| |
|
( نفر سعودي سيم سيم خروف ) !!!!!!!!!!!
يقــول راوي القصه (( ماهو انا )) :
جمعتني احدى الجلسات مع بعض اخواننا الهنود
وكان سائقا ، وقد حضر لأخذ ( ولد المعزب من المدرسة )
ودائما اقول له لماذا تأتي مبكرا لأخذ الولد
فيرد علي أن هذه اوامر المعزبة
ولكن في هذا اليوم ما أن سألته حتى انفجر عندي
وقال عبارته المعتادة وزاد
( كُلُ نفر سعودي مافي رجال )
وتلقائيا قلت ( أفا ياذلعلم ، ليه ياصديق )
ثم زاد وقال( كُلُ حرمة سعودي فوق ظهر رجال )
واشار بأصبعية على يده الاخرى
فقلت ( محمد غلام انت مافيه مزبوط اليوم وكلام كله مافيه مزبوط )
لماذا هذا الكلام وما سببه من هذا السائق الخاص الهاديء او كنت احسبه كذلك
استرسل في الحديث فقال ( كُلُ نفر سعودي رجال حرمة رجال مافيه رجال )
قلت في نفسي اليوم محمد اغلام سيله احدور ماهو جايبه لبر
وبعد وش عندك
قال ( حرمة يطلع من بيت نفر رجال يفتح باب ، حرمة يبغى سوق فيه روح بسرعة ، حرمة يبغى مطعم مافيه تأخر رجال واحد دقيقة ، وحرمة وحرمة وحرمة .....
وقام يذكر من الامثله والشواهد من سيطرة المرأة على الرجل داخل البيت وخارجه وعبر التلفون الجوال
ولا لو ماوقفته ولا ذكر بلاوي بس قلت ياولد ذكر اسرار البيوت ماهو طيب
لا وقال كلمة قوية بعد قال ( رجال سعودي سيم سيم خروف )
الله يغربله قط الميانة بيني وبينه مرة وحدة
فقلت له ( يمكن هذا بيت كفيل انتا بس )
قال ( لا كل نفر سعودي انا في يشتغل رياز وجدة ومكة وظهران ودمام ، كُلُ نفر سيم سميم ، اذا حرمة يبغى رجال يكلم يكلم سيم سيم صغير ياحمد ياحمد)
وكأنه ينكر على المرأة أن تنادي الرجل بإسمه حاف
انا ماعاد قدرت اصبر وخذتني الحمية بحكم اني شملني الخطاب وحطني الله فرد من أفراد العموم اللي هزئهم الهندي ولازم ادافع عن ابناء جنسي حتى لو مافيني هالصفة ولازم اسكت هالهندي
قلت اسمع يامحمد نفر سعودي يقدر ياخذ حرمة ثاني وثالث ورابع ونفر هندي مايقدر ياخذ الا حرمة وحدة
هاه مين فيه رجال وبعدين نفر سعودي يدفع مهر مافيه سيم سيم هندي حرمة يدفع مهر
ونفر سعودي كُلُ اغراض بيت وفرش يجيب رجال ، مافه سيم سيم نفر هندي كله يجيب حرمه
يوم قلت هالكلام الا ويضحك ويمغط رجله من الضحك
تدرون وش قال ( هذا واجد مشكلة ، انا هندي سيم سيم ملك حرمة يدفع فلوس ويشتري كل شي عشان فيه خوف طلاق
ونفر سعودي يدفع فلوس واجد ويشتري كل شي ، حرمة سيم سيم سيارة
نفر سعودي زواج حرمة سيم سيم يشتري سيارة ، نفر سعودي ليه خوف من حرمة اذا يشتري
ولسان حاله يقول هاذا اللي باط تسبدي انكم تدفعون للحرمة مبالغ هائلة ولماذا المرأة مسيطرة على الرجل
طق الجرس وقام مستعجل ياخذ الولد علشان ماتوبخة المعزبة
حتى ما قدر يكمل سالفته واشر بيده بعدين كلام سعودي قرقر قرقر واجد كلام بس
قلت في نفسي والله هزئنا اليوم محمد غلام
ننظر احيانا لبعض الهنود ان لم يكن جميعهم بشيء من الاحتقار والازدراء
ولا نعلم انهم ينظرون الينا باحتقار اكثر وازدراء اكثر
ولا نعلم من المصيب في هذه النظرة الازدرائية
حقيقة عقب حديثة أعدة شريط الذكريات قليلا وتذكرة كلام بنتي الصغيرة في أول ابتدائي
وهي تقول لي ( باب تعرف شريفة ، قلت اي شريفة وشسم ابوها ، قالت ماعرف اسم باوها
قلنا ماعلينا وشفيها
قالت تقول ان امها اتهاوش ابوها واذا هاوشته ، ابوها يخاف ولا يرد على امها !!!!!!!!!!!!!!!!
قلت في نفسي الظاهر ان ابو هناد صدق
واذا ماتشوف شي ظاهر فالعلوم داخلية والله الستعان
معقوله بعض الرجال في عمله او مع زملائه ذا شخصية مهيبة اذا تكلم انصتوا له واذا أمر أمرا نفذ دون تردد
تراه محترم في مجتمعه مع الكبير والصغير ذا وقار وهيبة
ولكن داخل البيت مع الاسف هو والاطفال مثل بعض
تامر عليه الحرمة مثل ماتامر على الاطفال وكأن الاسرة بجميع أفرادها من زوج ( رجل ) !!
واطفال وشغاله كله تحت تصرف المرأة طلباتها
ياجماعة الخير هل صحيح ان رجالنا بهذه الصورة؟؟؟؟؟؟؟؟؟؟؟؟؟؟؟؟؟
مصيبة اذا كان واقع المجتمع السعودي أو اكثره مثل واقع ذلك الرجل
ولا شك ان سلبياته عظيمة على الرجل والاسرة وتربية الاولاد....
والــســــــــلااام |
الوضع المتطور
