|
الى اللقاء يا اعزائي .. الى اللقاء يوزري العزيز .. اعتزال أبدي مابقى للحكي كلمة ** ومابقى للآه مخرج ياعين هاتيها دموعك ** على هلال صار اعرج انتظرت متى اشوفك ** وكل يوم اقول تفرج ياهلال ابكيت عيني ** وقدامهم اصبحت محرج الى اللقااء .. في زمن قد يكون القادم فيه احلى الى اللقااء .. في زمن قد يكون الجو فيه انقى الى اللقااء .. يعز علي ان ارى هلالي في حال خسوف مخزي فآثرت الرحيلا .. وسامح الله من كان السبب .. ايها الهلال اظاعوك .. واي فريق اظاعوا .. قتلوك ولم يقبروك ؟. فسامح الله كل من اشترك في جريمة ذبحك من الوريد الى الوريد .. شكرأ اقولها بابتسامة صفراء .. الى الادارة الاستثماريه مرورا بالاعبين المستهترين وانتهاءا بالجهاز التخريبي الذي يدعى جزافاً فني .. عندما يكون اللاعبين رجالاً وعندما تكون لادارة ادارة نادي وليست ادارة مؤسسه استثماريه وعندما يكون الممرن مدرباً عالمياً وعندما يكون اشباه الاجانب اجانباً وعندما يكون اعظاء الترف اعظاء شرف وقتها سينتهي الخسوف وارجوا ان لا يطول .. سمعتوا آخر نكته: سامي اللي لعب آخر 25 دقيقه يتحمل الهزيمه ومن يدعي انه مدافع(سيفو) بريء.. والمفرج الظهير المظلوم والدعيع الحارس المهتز حالياً بريئون .. سلامي للاعلام المهتريء.. وآآآه ياسامي .. لله درك اقولها رغم الخذلان .. سلام.. وداعاً من القلب .. |
:(:(:( لاتقول وداعا :) وانا اخوك هدي بالك كلنا حزنانين من الخساره يابو ساره كيف لا وانا حزين وانا شاهدت الخمسه اهداف حتى النهايه في الملعب ايضاً لاحول ولاقوه الا بالله طلبتك اقعد تكفى ترا تكفى تهز الرجاجيل عهدتك هلالي من قلبك :) مشكور اخوي للموضوع لو ارى انه متأخر لكن اعرف الظروف هي اللي خلتنا بهالحال :( خل حبك لهلالك يزيد كل يوم موب على هاللاعبين :( تحياتي لك يابو ساره اخوك \ ثامر |
يابعدي انت لا تصيحني ترى شبعت صياح:cry: والله من جد الحال مايل والكلام ماجاب نتيجه .. دق الحنك والمواظيع والردود اللي على 16 صفحه ماتجيب بطولات .. اللي يجيب بطولات الفعل .. وحنا مابيدينا لا حل ولا ربط .. ادارة ماراح اقول زي الادارة الامريكيه __ تكرم ادارتنا __ لكنها تعمل بالراي الواحد .. من اول الموسم وثغرتنا وهزايمنا من الجهة اليسرى.. كتبنا وحكينا ورحنا النادي وعمك اصمخ .. وسع صدرك مافيه شي يستاهل .. وترحم معي على ابن سعد وموتى المسلمين .. تحياتي لك ياصديقي:D بعدين رساله للمشرفين .. قبل توقف الموقع للصيانه كانت مشاركاتي فوق الميتين .. رجعت شبكتنا بالسلامه وطارت نص مشاركاتي:mad: وش السالفه لا يكون يبوني اعتزل بعد انا:D .. ابشروا .. سلاااااام |
صح لسانك اولا ولا للذهاب لاتدع الهلال لمشجعي ترتوري لا طالب بالاصلاح وابعاد الافاشلين انساحبك مشكله لا لا تذهب ابقى ارجوك , وثق ان الهلال سيعود يوما عندما تنقشع عنه الغيوم السود |
ابوسوير او ابو ساره لاتزعل كلامك هو الصواب ولكن ياعزيزى مع رحيل الاداره الاستثماريه الشاميه راح انشالله يتعدل الوضع . اليوم طلعت الحقايق مع هذه الاداره الفاشله على حساب الزعيم وجمهوره المظلوم . يعنى الجماهير والصحافه على مختلف ميولها تشوف الكارثه اللى تعصف كل يوم بالزعيم والاداره تضحك وتستخف بعقول الجماهير المظلومه. مااقول الا حسبى الله ونعم الوكيل على من كان السبب وراء هذه الكارثه والتلاعب بجماهير الزعيم. ابو ساره صل ركعتين استخاره وتراجع والفرج انشالله قريب قريب جدا تحياتى لك |
اشكر اللي ردوا بس برظه مانيب راجع (ياسفابك)... :D انشالله تداوي العربيه جروحنا ... حتى ذالك الحين استودعكم الله.. والله يوفقكم باختبارتكم .. وتاخذون خمسه من خمسه انشالله (تعودوا على الخمسات) سلااااام .. |
رح محدن مسك الهلال بغنى عنك يبي رجالن وقت الرخا والشده معه |
ابو نعمان ياقلبي هد اعصابك تراني اشجع الهلال اكثر منك.. اشكرك على (حسن) الرد المهذب:confused: |
الله يهديك بس يا ابو ساره:upset::upset: الحين بدل ما توقف مع الهلال تتخلى عنه.....؟ ليييه طيب لانه في وضع سئ هالايام..... يعني انت مع هلالي اذا خذ الهلال بطوله واذا تركها تنقلب.....؟ ما اتوقع............. |
[ALIGN=CENTER]والله اخر شي كنت اتوقعه ان فيه هلالي يترك الهلال وهو محتاج له اجل صرنا اصدقا رخا واذا جت الشده تخلينا لا يابو ساره يابعد قلبي لا تسوي هالسواه الهلال مر عليه اسنين ماجاب بطولات ولا حتى كان ينافس عليها خليناه ولا تركناه لا وربي الا شجعناه اكثر يابو ساره هذا الهــــــــــــــــــــــــــــــــــــــــــــــــــــــــــــــــــــــــــلال والله اعرف انك هلالي موت واتحداك اي هلالي يقدر يتخلى عن الهلال واولهم انت اجل وشهوله الزعـــــــــــــــــــــــــــــــــــــــــــــــــــيم لاتروح يابو ساره لاتروح وهذا عقالي عندك انك ماتروح :D [/ALIGN] |
| الوقت المعتمد في المنتدى بتوقيت جرينتش +3.
الوقت الان » 05:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd