نادي الهلال السعودي - شبكة الزعيم - الموقع الرسمي

[ALIGN=CENTER]

بغض النظر عن كل النجوم الموجودين في الهلال واللي مروا في تاريخه انت بالنسبه لي كنت المعهم اميزهم افضلهم
ما ابي اذكر ليش لأنك انت اكثر مني عارف

وش فيك .. وش صارلك .. قلي صارحني والله اغليك لا تلعب باعصابي اكثر من كذا تكفى

الى ما قبل كاس العالم الاخير كنت الملك كنت الزعيم بعيني
بعد كاس العالم والمعسكرالهولندي والاصابه المريره باللرقبه اللي والله العظيم بكتني وشفيت منها ولله الحمد وجهزت على حسب ترديدك وكلامك

انا معك صعب الواحد يرجع بيوم وليله بس عليك مو صعب موصعب
طولت اخذت وقت طويل

وينك
قلي وينك
وين حماسك .. قتالك .. مكرك يا ذيب
نسيته
يمكن ضيعته

كبرت في السن .... نهائي كأس اروبا للانديه الاربعاء الماضي معلق المباراه يقول لاعب ايطالي يلعب في فالنسيا الاسباني نسيت اسمه عمره 40 سنه ويلعب بالمباراة هذا واحد
والن شيرار اظنك تعرفه ثاني هداف في الدوري الانجليزي هذا الموسم اذا ما خانتني الذاكره عمره 33 سنه

وزيدان

وكثرين

لكذا ما اظنه سبب

مليت ... تصدق شكلك فعلا مليت والا هذا ماله أي مبرر ثاني
اذا فعلا مليت روح اعتزل ولا تتعبني اكثر

بس لحظه ... تعال
انا ما مليتك
ابي اشوف ابداعك .. فنك .. قبل ما اعتزل معك

على كثر مافي الهلال من نجوم يوقف لهم القاصي واللداني
الا انك انت اللي سطعت بسماي

بس هذا مايمنع .. اني اقولك ورغم كل اللي قيل من اسباب الا اني احملك انت وبس بوجهة نظري الشخصيه اللي صارسواء اللي كان في الامارات او الاستاد

تبي تعرف ليش .. ماني ذاكر

الا اذا سالتني ليش
مع اني مالي متوقع تسالني .. لاني ادري انك عارف

شباب لا تقسون على الزعيم .. الضرب في الميت حرام لا تنسون [/ALIGN]