خذلتونا وفشلتونا ياناااااااااس
 

فشيله والله فشيله وكبيره والله كبيره

ماني مصدق ان هذا هو الهلال الي لعب اليوم شي موب طبيعي
اللاعبيين موب داخلين جو المباره ابدا الفكر متشتت وغير كذا داجيين وضايعيين

الحارس مفهي الله يصلحه بس والمفرج ماغير يقلب كشرته ويتسدح بالملعب

وسيفووماغير عضن براطمه مسوي في امها انا الجسم الزين

والغريبه الشريده ( خذلتنا والله خذلتنا )

ماتجي منك هذي يالشريده والله غريبه

ولاتسالوني عن الوسط انتم اتشوفون بعيونكم شلوون حال الوسط اليوم

وصدقوني ياناس اني والعياذ بالله اتشأئم اذا شفت خالد عزيز يلعب

يجيني احساس انها بتصير كارثه ونصيحه لوجه الله لخالد عزيز

النادي المجاور لنا يبحث عن لاعبيين بمستواك اخي الكريم

واذا جينا لتراوري هذا مانعرفله مرره يلعب زين ومره ماتسنه شاف كوره بحياته

قالو العلم الي مكتوب باللغه الفرنسيه اعطى اللعب دفعه معنويه في مباره الزمالك

ودينا العلم اليوم للامارات واعطانا احنا لطمه على وجيهنا

المشكله اين تقع 000

ليس بان الهلال خسر بالخمسه بل من اين جاءت الهزيمه

من فريق اماراتي لم يعرف الكوره الامن عشر سنوات فقط

والادهى من ذلك انه يقبع بالمركز قبل الاخير في الدوري هذه السنه

وافشيلتاه وافشيلتاه وافشيلتاه

وحتى المحرومين من البطولات ومن منصات التتويج لااكثر من (15 ) عاما

صارو يتريقون ويتمسخرون فينا 000

لهذه الدرجه ياهلال تحرجوننا

لابد من محاسبه المقاصرين بالنادي ولابد من تغير فني واداري بالنادي

ولابد من تنسيق بعض من يدعون بانهم لاعبين كوره بالنادي

ياناس ورنا الدوري ورنا البطوله العربيه انتبهو ومانبي احرجات زايده

لانه بصريح العباره ماتعودنا نحن كجماهير هلاليه الا ان نخرج كل سنه ببطوله

وهالسنه طار الطيور بارزاقها وماشفنا شي 00

حذاري حذاري من غضب الجمهور الهلالي0000