17/05/2004, 10:54 AM
|
| زعيــم مميــز | | تاريخ التسجيل: 02/12/2001 المكان: نادى الهلال
مشاركات: 2,420
| |
|
بنت كويتيه .. مصاصة دماء !! ( صور )
[ALIGN=CENTER][TABLE=width:100%;background-color:transparent;background-image:url(backgrounds/8.gif);border:1 solid darkblue;][CELL=filter:;] [ALIGN=center]
إيميل غريب !!
غريب في عنوانه !!
غريب في قصته !!
غريب في عمر صاحبة القصة !!
غريب في أصلها الخليجي العربي !!
غريب في إنحدارها وضياعها الديني !!
نعم هذا الإيميل الذي وصلني واستغربت كثيراً لعنوانه وقصته !!
اترككم مع القصة
منقوله من الإيميل
فامبايرا ... أو بالعربي مصاصه الدماء .. بنت كويتية توها بزره .. أختربت من كثر ما أهلها دلعوها .. تدرون بعد عيال الجخ .. المهم هالبنت تأثرت بأغاني الروك الميتال والهيفي ميتال و الهاردكور والبلاك أند دث ميتال
(نوع من موسيقى الروك اللي تبط الأذن وكل اللي يأدون هالأغاني فرق عبدة الشيطان)
يعني ماخلت فرقه من فرق عبده الشيطان الا وحبتهم
والله هالبنت أستخفت .. لي درجه أنها تعترف أنها كافره !
أكيد هالبنت ايمانها حد أم الضعيف .. لأنها تربت في المدارس الانجليزيه الخاصه .. حتى لما كلمناها كله تتحجى أنجليزي تقول أكره العربي
يعني ولا تدري عن دينها .. الله يهديها
أحنا قابلناها بطريقة غير مباشرة عن طريق المسنجر
وقدرنا نطلعلكم بالمعلومات اللي راح تشوفونها
أول شي سألناها عن بطاقتها الشخصية
نبدأ بصورتها
النك نيم : فامبايرا .. بالعربي يعني مصاصه الدماء
تاريخ الميلاد : 19 أكتوبر 1989
الوزن :42 كيلو
الطول : 154 سانتي متر
الجنسية : كويتية .... سود الله ويهها فشلتناااا يا ناااااس
هواياتها : تسمع أغاني عبدة الشيطان اللي تبط الراس
تعزف قيتار
النوم
تجرح نفسها تقول أحب أشوف نفسي مجروحه
التعارف
.. تطالع تلفزيون
.. القراءة
.. تحب تذبح الحيوانات مثل الجلابه والقطاوه وتتسبح بدمهم !!! وتحب تتصرف تصرفات عبدة الشيطان
هذي كانت بطاقتها الشخصية
والحين بحطلكم بعض الأسئلة اللي سألناها غير اللي حطيتهم لكم ببطاقته الشخصية
ليش مسميه روحك فامبايرا؟
فامبايرا : لأني أحب الفامبايرز
شاللي محببك فيهم؟
فامبايرا : لأني وحده منهم صج مو مثل اللي يطلعون بالأفلام
تقصين على روحك
فامبايرا : كل واحد وإعتقاده
أنزين شفيك مجلبه عالانجليزي ليش ماتتحكين عربي؟
فامبايرا : أعرف أتحكى عربي .. بس أكره العربي .. وبعدين أنا أتحكى أنجليزي أكثر من العربي
بس لازم ماتكرهين أنك تتحكين عربي أو تنسين أنك عربية .. أول شي هذا حكينا .. وثاني شي اللغة العربية لغه القرآن .. ولا شرايك ؟
فامبايرا : .... بليز غيروا الموضوع
اوكي .. انزين بس انتي اللي بروحجك جذي من أهلك ؟
فامبايرا : اي بس انا
انتي ماتحسين انك غلط بينهم ؟
فامبايرا : أصلاً انا أكره أهلي وأكره كل الناس وأكره نفسي .. كله تلقاني أقعد بداري بروحي وأسمع هالاغاني .. ومرات أقعد أبكي ومحد يوقف معاي غير أخوي الصغير..انزين أنت عبدة شيطان ؟
من صجج أنتي ؟ أكيد مسلم ششايفتني .. وأنتي شنو بالله ؟
فامبايرا : امممم .. كنت مسلمه بس الحين لأ
ماتستحين على ويهج لما تقولين انج مو مسلمه ؟!؟
فامبايرا : شفيك قلتلك أنا كنت مسلمه .. بس أكتشفت أن الاسلام كله خرافات
شلون تتجرأين وتقولين أن الاسلام كله خرافات ؟ .. حد أم الضياااع ... أنزين يبيلي دليل يثبت اللي تقولينه .. والله العظيم أدري ماتقدرين تردين على هالسؤال
فامبايرا : غير الموضوع بليز لا يصير طق
أنزين ماقلتي أهلك يدرون عنك ؟
فامبايرا : اي يدرون
ونعم الأهل .. اللي يشوفون بنتهم جذي وساكتين عنها ... والله الدنيا اختربت
فامبايرا : عن الغلط
عن الغلط ؟ أنتي الغلط بكبره .. الله يهديك بس .. ترى انتي بعدك ياهل .. مو تقولين تحبين القراءة ؟ روحي أقري القرآن يمكن الله يستر عليك .. بس لازم اول شي تتوضين مو بنجاستك
فامبايرا : انت بلوك ودليت خلاص
تفووووووو على هالاشكال يلا حطيني بلوك ودليت من قال أبي أكلمك أصلاً .. يلا ذلفي وانشالله رواسي بجهنم
------بلوووك ياباشا بلوووك-----
كلمة أخيرة :-
ماقول الا عسى الله يهدي الناس الضايعه .. ويهدي هالأهل اللي ماعرفوا يربون عيالهم
صج الديرة أختربت .. عيال الديرة أختربوا خلاص .. تلقاهم تفرفر بالمجمعات وتحرش ببنات خلق الله .. والبنات هم نفس الشي .. وعبدة الشيطان .. ماقول الا عسى الله يهديهم
[/ALIGN][/CELL][/TABLE][/ALIGN] |
[/ALIGN]
الوضع العادي
