الله يفشلكم جماهير ما ينشد بها الظهر... بعذر عبدالله بن مساعد لو قال بنقلها الشرقيه وش هالجماهير !!!! كنها مباراه بين الشباب والرياض ووديه بعد !! حتى جمهور الشباب احسن فيه رابطه تساند.. معقوله الرياض فيها 4 مليون نسمه او اكثر ما فيها 100 الف هلالي صميم!!! نبي منهم 10 الاف على الاقل يحضرون... والله ما الومهم حتى اذا انغلبو اليوم قبلها كانو مقدمين احسن المستويات واخرها في مصر وهذا اللي يلقونه منكم.. يعني ماني فاهم هذا جهل منكم للمرحله القادمه؟ نبي المركز الثاني نرتاح اسبوع في الرياض و ان ما حصل نبي الثالث نلعب مع الاهلي برا ارضه ولاني قايل الرياض لان اللي شفته اليوم ما يشجع ابد... ليتها في الشرقيه ولا حتى عندنا في جده والله ماتستاهل الجماهير اللي ماتحضر ليتها حتى تتشفر على اي قناه ابي افهم وش فرقنا عن الجماهير الثانيه هم عندهم فلوس وحنا ما عندنا عندهم سيارات وحنا ما عندنا؟ ما لكم حجه ولا اي عذر فيه 200 الف طريقه وطريقه للي يبي.. الله يفشلكم وحسبي الله على العدو |
والله كلامك صحيح 100% جمهور الهلال المتواجد في الملعب 20 مع سامي 21 |
هلابك اخوي كلام الحقيقه شي يرفع الضغط |
الجمهووووووووووووور قليل جدا جدا جدا جدا |
بس بصراح كلمة شكر للجماهير اللي حضرت تصدقون ما سمعت صوت المعلق من صجتهم وحماسهم جابو كل الاهازيج اللي يعرفونها واللي ما يعرفونها شوي اهازيج الاتهاد وشوي اهازيج اوروبية وشوي قديمين وشوي يهاوشون والله بيض الله وجيهكم |
كان من الأفضل اقامة المباراة بملعب نادي الهلال كان أفضل على عدد الحضور ز الي ما يتجاول ال100 على ما اظن حتى على ملعب الصايغ الحضور يعتبر قليل . فما بالك باستاد الملك فهد الدولي |
[ALIGN=CENTER] صحيح إن الجماهير قليله .. ومالهم حق مايجون .. بس بصراحه إستمتعنا بالأهازيج .. ;) تحياتي .. [/ALIGN] |
تحية للجمهور اللي حضر للملعب والصراحه رغم قلتهم اللي انهم كانو بحماسهم ومساندتهم للفريق احسن بعشرات المرات من الحضور المتوسط:blueroll: |
والله انا كنت ناوي احضر ويوم دريت انها بالاستاد هونت مشوااااااااااااااااااااار والعيال يحترونا بالاستراحه يعني مايمديك تروح للاستراحة الا والساعة صايرة وحده بس ونعم باللي حضرو ازين مني ماهمهم استراحات وبلوت وكلام فاضي بالتوفيق للجميع |
ياابن الحلال وسع صدرك بس :) مب مهم الحظور اليوم المباارة عاديه لكن المهم حظور الجماهير بالدوري بالمباريات الجايه ضد الاهلي والشباب والاتحاد عـ النهائي والتتويج باللقب انشاء الله :) وبرضو نحتاج الحظور انشاء الله في حال تأهلنا انشاء الله في البطوله الآسيويه :) لكن مباريات لاتقدم ولاتأخر ماينلامون الشباب خصوصاً ان اليوم خميس والشباب يبون يدجوووون :D |
انا غاسل يدي من جماهير الهلال في الرياض من أيام أديموس والله ودي الهلال يلعب دايماً خارج أرضه لانه يلقى جمهور يشجعه أكثر من الي في أرضه .. لعن أبو بليسكم أجل مباراة الزمالك والهلال في الرياض وجماهير الزمالك تردد (حسام يلعب فينجادا يروح) ولا نسمع صوت المعلق من صجتهم .. والله شيء مخجل مباراة خارجية على أرضك وجماهير الفريق الزائر بعدد إن لم تكن أكثر من جماهيرك . (عبدالله بن مساعد إذا خذلتكم جماهيركم في الرياض ترى مناطق المملكة واجد وثق تمام الثقة إنها متعطشة لكم وللهلال الذي تضعه في أعينها من وصوله حتى ذهابه من منطقتها توجه حيث تريد فستجد جمهوراً يساندك ويشد من أزرك، أما الرياض فقد تيقنا أو يأسنا منها) . نحن بانتضارك خارج الرياض نعم يوجد جماهير في الرياض مثل فواز الدوخي لكنهم قلة .. والخير يخص والشر يعم . |
الحضووور مشكوووووووورين و ما قصرتوو ,, اما الباقييييييييين وينننننهم .. ؟؟؟!!!!!! |
اقووووووووووووووووووووووول عطني واحد من الجمهور اللي حظر بمبارة البارح وقط باقي الجمهو الهلالي بالبحر..... بصراحة جمهور حماسي وامتعنا باهازيجه.....وهو ابرك من 30000 او 40000 ياكلون فصفص لين مايطلعون من الملعب... وتحياتي.... |
جمهور الزعيم في الرياض مايشرف الا في المباريات الحاسمة فقط |
انا من سكان الرياض ومافوت الا ثلاث مباريات طول الموسم وانا صراحه انقهر لا دخلت المنتدى واشوف كم واحد طايحين تهزئ بجمهور الزعيم بالرياض جمهور الهلال بالرياض لا صار وقت الجد جاك او بالاصح جمهور مناسبات يعني هالموسم شفنا حضور مباريات الاهلي والزمالك والنصر بس ياليت ماتقللون بحض هالجمهور المخلص والله العظيم كل مارحت الملعب نفس الاشخاص ونفس الوجيه هم هم الي يحضرون في المباريات الدوريه العاديه وجمهور الهلال معروف انه جمهور مناسبات :) |
الوقت المعتمد في المنتدى بتوقيت جرينتش +3.
الوقت الان » 02:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd