|
في مفاجئة التلفزيون الكويتي يعرض اثباتات لما حصل بمباراة السد والقادسية... في مفاجئة قامت الرياضية الكويتية ببث شريط خاص تم رفعه مسبقاً للاتحاد الاسيوي لم يتم الاخذ به يوضح ان القطريين بدأوا المشاكل وكيف ان الاتحاد الاسيوي لم يهتم بالشريط وكذلك لم يهتم لسوء السلوك للاعبي الفريق القطري وخصوصاً لكيتا اللذي خرج كلياً عن الاخلاق مع لاعب قطري اخر.. انتظروا فسأقوم بوضع بعض الصور حال تمكني ما ايجادها او اعادة بث الحلقة... |
مشكووور و ما قصرررت ,, بانتظار الصوور ... |
بصراحه بات هذا الموضوع عندما أقراه تصيبني هفواتٌ حاره .. آسفاً فيها على ما حدث في تلك الليله !! وبإنتظار الصور عزيزي بو وليد .. :) تحياتي لك ,’,’, |
الف شكر اخوي بوليد اعذرني مليت وانا انطر :cry: وابيك تعذرني اذا وضعت كم دليل ( صور ) من نفس المؤتمر ماكان ودي والله اعرضها لأن اقل مايقال عنها انها ( قذرة وحقيره ) ولكن للأسف ظهرت اصوات تتعالى وتتهم القادسيه ظلماً وعدوانا وزاد الهرج والمرج حتى ظهر بالأفق من يتعدى على الكويت ويتحامل ويفرغ كــــــــــــــــــــــــل مافي قلبه من احقاد والعياذ بالله . http://www.qatarland.com/q8/3eeb.JPG http://www.qatarland.com/q8/3eeb2.JPG http://www.qatarland.com/q8/3eeb3.JPG http://www.qatarland.com/q8/3eeeb.JPG http://www.qatarland.com/q8/3eeeb2.JPG http://www.qatarland.com/q8/www1.JPG http://www.qatarland.com/q8/www2.JPG http://www.qatarland.com/q8/www3.JPG للأسف هؤلاء هم فريق الملائكه الذين ضربوا من كل مكان وهم المساكين الفقراء |
مشكوووووور اخوي الهاوي واسمحوا لي على التأخير لاني الى الان استنى رد القناة الكويتية على ايملي بالصور وعرض الحفل... |
يا أمة ضحكت على جهلها امم !!! القادسية يستاهل الشطب .. و السد يستاهل العقاب .. و لاحظ الفرق !! قسم بالله الاشكال هذي تخجل كل عربي و مسلم !! لا و من زين الطبايع يبثونها على العالم كله عشان يشوف فضايحنا !! لا تدافع عن القادسية .. لانهم غلطووا و يستهالون عقاب اكثر من كذا .. بدل ما تطالبون اصلاح الغلط .. تدافعون عنه .. اكبروا .. انضجوا !! لكن عذرك الوحيد .. هو المطالبة بعقاب السد .. و نقطة اخرى .. حتى لو فعلوا هذه الاغلاط .. من اعطاكم الحق بمعاقبة الناس في اجسادهم ؟؟؟ غابة هي !! اللي يغلط عليك تطقه ؟؟؟؟؟ بل صورك نفسها اللي جبتها تدافع عنك .. توريك صورة الادراي القطري طايح على الارض ما يقوى يقوم ..و غترته و عقاله على الارض !! لا يكون طاح من نفسه و انا مدري ؟؟؟!!!! و بعدين كيتا يوم يشيل الراية ؟؟ العسكري شايل عليه عصا " غليظة " .. مثل ما تثبت تدين نفسك !! ارجع و اقول انا لا ادافع عن السد .. و لا عن ابن همام !! السد غلط و يستاهل العقاب .. و ابن همام غلط في التفريق في العقاب !! لكن لا تجي تقول لي .. القرارات مجحفة بحق القادسية و قاسية !! يا اخي عقلا .. لو اوحد في الشارع يسوي زي لعيبة القادسية .. مسكوه و سجنوه و غرموه .. وانت مستكثر الشطب !!! ارجع و اقول يا امة ضحكت على جهلها امم !! |
ليعضر الكويتيون ما يعرضوه فهم بالأخير يستحقون ما أصدر من حقهم من قرار تأديبي |
|
هدي اعصابك اخوي totti^^roma ماهكذا تؤخذ الأمور إقتباس:
إقتباس:
من يستحق العقوبه وهم جميع الذين اشتركوا بغض النظر عن القادسية ام السد إقتباس:
وعلى فكره نحن لا نكابر و لانرضى ان يضرب اهلنا القطريين ابداً اطلاقاً ولكننا لانرضى على نفس المنوال ان يزج المذنب والبريء معاً هل يعقل كل فريق والأدارين والقوات الخاصه والجماهير شاركوا بذلك ؟؟ والله لصارت مجزره محد سلم منها ولأكلت الأخضر واليابس !! إقتباس:
إقتباس:
هل هناك اي لاعب من القادسيه بالجوار ؟؟ إقتباس:
كان المفروض والمفترض فيهم انه .. يركعون يبوسون ريله ويتحملون كل ضرباته الين مايهدى الأفريقي وترتاح قريرته ... إقتباس:
وهم بعد تفتي بالعقاب المناسب بدون حتى ماطلعت على اللوائح !!! |
عفواً في نقطه نسيت اضيفها إقتباس:
فاطرح عليك السؤال الأتي : هل يعاقب كل اهل الحي او المدينه لأنه يسكن معهم ؟ وشكراً على سعه الصدر . |
الاخلاق الكريمة .. عندما يغلط عليك الرجل في بيتك .. فانت لا ترد عليه .. ببساطة لانه في بيتك .. تحترمه حتى لو كان غلطان .. حتى لو كان غلطان 100% هذا في الأخلاق .. مو تطقه و تدخله المستشفى ;).. و بعدين تطلع في التلفزيون تطلب العفو و الصفح ! و تقول في الجرايد .. كلها كم رجفة و طقة عقال ما تستاهل .. في المنطق .. لو غلط عليك شخص ما بكلمة نابية او حتى حركة قذرة.. و قمت بضربة .. القانون من يعاقب ؟؟ و من سيكون عقابه اشد ؟؟ القانون يعاقب الاثنين .. ولكن عقاب الضارب اكثر .. لماذا ؟؟ لانه اعتدى على حقك المعنوي .. و حقك الجسدي .. بينما الذي تلفظ عليك .. لم يعتدي الا على حقك المعنوي فقط .. بالعربي .. و بالمنطق !! ## قلة ادب لاعبي السد .. لا تعطي الحق لاعبي القادسية لضربهم ## كل الفريقين غلطانين .. لكن غلط القادسية اكبر و بمراحل من السد .. ## استنادكم في الدفاع عن القادسية على ان السد هو البادي .. استناد باطل .. لانه حتى لو كان هو الباديء .. في الدنيا مو سايبه .. في قوانين و فيه هيئات مختصة للعقاب .. و لو كل واحد خذ حقه بيده كان ما الدنيا راحت وطي .. ## قولك ان هناك بلاوي و مرت بدون عقاب .. يعني نستمر على الغلط و ما نعاقب احد ؟؟ هذا منطقك !!! إقتباس:
قانون الغاب رجع للحياة بين البشرية مرة اخرى !! إقتباس:
من جدك انت ؟؟؟ انا اقول لك .. والله الصور هذي لو اشتكى بها لاعبي السد مدنيا في محكمة عادلة و امام قاضي منصف .. كان بيكون فيه >>> سجن <<< و غرامات مالية !! و انت جالس هنا تقولي الشطب مو عادل !! و انا افتي .. و لازم ارجع للوائح !! اصلا اللوائح و ضعت لناس رياضيين يقدرون الاخلاق .. و اتحداك يكون فيها قانون .. اذا ضرب اللاعب و تصفق .. و ترجف .. و طق بالعقال وش العقاب !! الحمدلله اني مو لاعب دولي .. اخاف تصير لي مباراة في الكويت .. و اتصفق من كل ما هب و دب .. حتى بواب النادي يطقني بعقاله .. و اخرتها ما فيه عقاب !! لا بالعكس .. بيطلعون لي ناس يدافعون عن اللي ضربني !!! يا جماعة والله اللي صاير مهزلة !!! |
انا العفو ( اخوي ) وانا اقرى كلامك مره ابتسم مره اضحك مره ازعل والله انك غريب وعجيب 1- مارديت علي اي جواب من اللي قلتهم وهذا يعتبر تهرب بكل الأحوال واهو اسلوب فاقد الحجه 2- مناظرتك كلها مبنيه علي انه البدايه كانت مجرد الفاظ نابيه وحركات غير اخلاقيه يعني بالمختصر مو شايف الشريط و لاتدري عن السالفه 3- بعد كل اللي قريته تبيين ان حضرتك ماتدري انه البدايه بدءت بضرب يعني تحرش جسدي وهذا اللي انت مو قادر تستوعبه إقتباس:
5- انت شكلك ماتبعت الكلام اللي قلته لهدرجه تسرع يارجال اركد واقرى علي مهلك ;) هاك ردي السابق إقتباس:
|
القادسية يستاهل الشطب .. و السد يستاهل العقاب .. و لاحظ الفرق !! |
هههههههه تصدق حتى انا اضحك .. لانك تختار اللي تقدر ترد عليه و تخلي الباقي ;).. باقتبس كلام انا كتبته قبل .. و اذا كان بترد .. ارجو انك ترد عليه فقط .. مالي دخل في الباقي .. غير كذا لا تكثر كلام و ترد لاجل الرد فقط .. ولو سمحت .. زوجتي مالك دخل فيها ;) .. اوكي خلنا حلوين .. و محترمين !! ماله داعي نعيد اللي صار في الملعب و نطبقه عليك ;) ارجع و اقول ما ابغى اشوف رد منك الا على هالكلام اللي تحت .. اوكي يا حلو ابغا اشوف جد من اللي اسلوبه اسلوب فاقد الحجه ;) إقتباس:
إقتباس:
إقتباس:
إقتباس:
إقتباس:
|
اللي صار مهزلة لكن الغلط انهم يتغاضون عن السد |
حلو ياتوتي بما انك مبسوط عالأخر وقاعد تضحك يعني صدرك وسيع وتحملنا شوي ماشي :) ؟ 1- لازلت مارديت ولا راح ترد علي كل تسائلات يا اخي في تسلسل منطقي مو جايبلي سؤال واحد ومقسمه 5 مادري 6 اقسام وتقولي جاوب عليه 2-انا اقولك في الأول عشان تقدر تفهمني وتتوضح الصورة عندك شوف الشريط عاد انا اكثر ما اكره اللي يكتب لمجرد الكتابه يوووووووووووه عاد هذا شيفكك منه :D 3- نبي نوصل لنتيجه بدون تحييز اعمى وانا بصير معاك بكل شي عقلي ومنطقي بتقوله 4- رجاءاً لاترد علي مره ثانيه الا لما تكون مجاوب بكل عقل على اسئلتي الأولى لأنها مهمه جداً ولا ماراح نوصل الحل بيصير مجرد حروف وكلمات خاويه بدون معنى ماشي :) ؟ يلا نبدي ناخذ ( سؤالك ) المقسم مع انه انت المفروض اللي ترد على اسئلتي يابطل ;) يلا مو مشكله حاضرين لفخامتك :D إقتباس:
شوي شوي لين ضربتك وطحت فيك ضرب بدون مو اوقف !!! ماذا يكون موقفك 1- تفقد اعصابك وتبدي بالضرب المضاد 2- تنبطح وتقولي تفضل ياشيخ البيت بيتك وجسدي ملكك اضرب مثل ماتبي :laugh: 3- تدفعني نحو الباب وتقفل الباب وتنخش ( تختبيء ) :eek: صارت طاش ماطاش السالفه !! الصراحه رد اكثر من جذي ماعندي وانت مشكلتك ماشفت الشريط ياخي وبعدين معاك !!؟ روح شوف الشريط وبعدين تعال يمكن الله يفرجها الا شلون كانت درجات المدرسة ;) إقتباس:
القادسيه والسد جزاهم الله خير انزلوا الملعب يفضون الأشتباك وعلى فكره الأحداث مجرد ثلاث دقايق او اربع اعتقد كل هالهذره والكلام الزايد وقوانين ما قوانين ياخي تعوذ من ابليس وبعدين تعال اهني انا عمري ماشفت بحياتي مشاجره فريق يوقفون ينطقون ويبتسبون ولكن اكيد بيفلت لاعبين ثلاث منك ويردون على كيتا واللي يدافعون عنه وكيتا عاد هالأخلاق والزين يعجبك ( مستمر بمسلسل الأدغال والضرب والصراخ مو راضي يوقف ) يعتقد للحين بفريقيا وجزاهم الله خير اهلنا ( بعض ) لاعبين السد ماقصروا وقفوا مع الغريب ( كيتا ) وبدوا يدافعون عنه ويرفسون بلاعب قدساوي ماثبت منو بس كان بحاله كسيفه الله يعينه وهذه تفاصيل تنشاف ماتنقال ( على فكرة انت للحين ماشفت الشريط ترى اللنك موجود بالموضوع يمعود روح شوفه يزاك الله خير ) إقتباس:
موجود وانتكلم بالقوانين واللوائح !!! اعتقد كلام فاضي ولا يجوز ابشرك طال عمرك من هني ورايح اي شغله تصير ولو دبت النمله نسمعها لندزلك فيها ايميل ونعرض المشكله عليك وانت عاد تقرر اللي تشوفه اللله يطولي بعمرك باجر ندور بطولات يقولون مافي كل نوادي العالم ومنتخباتها موقوفين 3 - 4 سنوات عالقليل :laugh: إقتباس:
وبعدين تعال اقعد جدامي ليش واقف , انا اول مرة اسمع انه قاضي ياخذ بأدله طرف ويترك الطرف الثاني ؟ اما عاد اذا كانت من قوانينك الخاصه فهذا شي ثاني طال عمرك واحنا مانتدخل فيه منو احنا ومنو اللي من حقه يتدخل بقوانينك يطولي بعمرك لا هالكلام مايجوز شرعاً إقتباس:
نبدي بالجد : انا معاك قلباً وقالبا هذا انسان مايستحي على ويه ولا يمثل النادي وهذا ( بوعزيز ) اخونا في الله الصراحه ماحب اتهجم عليه مايجوز , انطرد من عمله ونادي القادسيه والأتحاد رفعوا ضدة قضيه مدنيه والصراحه اللي سواه يفشل الله يوسع عليك ويفرجها ويوفقك دنيا وأخره يارب من فتره ماضحكت كل هالضحك تسلم وماتقصر طال عمرك وسامحنا عالقصور :D |
تبون الصراحه !! كلهم اخطوا الكويتيين باعتدائهم على لعيبة السد خصوصاً الاداريين حقينهم !! والسد اخطاْ بحركات لعيبته الغريبة والااخلاقيه بتاتاً !! اعتقد ان القادسيه يستحق الايقاف .. بس مهوب لهاالدرجه ( اربع سنوات وشطب لعيبة دوليين .. وشطب نقاط !! ) اعتقد انه سنتين تعتبر مستحقة ان لم تكن كثيرة !! لكن الغريب ان لعيبة السد لم يصدر بحقهم اي قرار رادع !! حتى لو كان الكويتيين مخطين ... لازم الطرف الثاني ياْخذ جزاه.. لمشاركته في الخطاْ !! |
يا جماعة الخير كلهم أخطأوا ولكن الإتحاد الخايس ( الآسيوي ) مدري كيف يعاقب .. << مثل الإتحاد العربي في مباراة الاتحاد والأهلي << عاقب ثلاثة و ترك حوالي سبعة لاعبين تدخلوا في الأحداث العنيفة .. عموما المفروض يعاقب جميع المتسببين في هذه الأحداث المؤسفة .. بدلا من أن يحاول تأهيل السد للمرحلة التالية وإبعاد الوحدة الإماراتي الأحق بالتأهل ,,, تحياتي |
اخواني وجهة نظر بسيطة اتمنى تتقبلوها ويفض الخلاف فيها : القادسيه : بين رئيسه ما حدث وما دار في الملعب وصراحه اسلوبه كان مقنع وقال ان اللي شاركو بالشجار عيلهم عقوبات وحقوق الايقاف لكن ناس مالهم ذنب ليش يتوقفون بعدين ترا قرار الاتحاد الاسيوي كان قاسي وغير منطقي بما انه استكمل اللعب مفروض يتوقف عدد من اللاعبين لا ان تمسح النتائج ويصل العقاب الى سنتين . السد: بصراحه السد معروف بمشاكله الكرويه وانا هنا لا ادافع عن القادسيه بل اذكركم بمباراة السد والهلال بقطر تذكرو ماذا فعل شبه الانسان (( كوني )) مدافعهم بسامي الجابر وبعد المباراة قرار عاجل سامي الجابر يوقف السد صار يتوسد على دفتر العقوبات والقلم هو ابن همام الذي صار مثله في العقوبات (( انا واخوي على ابن عمي وانا وابن عمي على الغريب )) انا رايت المؤتمر الصحافي واضحكني كثيرا قول رئيس القادسيه على كيتا بانه البريء هذا اللاعب من احد غابات اكلي لحوم البشر ارايتم كيف يتهجم اسلوب غير بشري بصراحه ولا اتمنى ان يقع لاحد اخواننا المسلمين مثل ما حدث في المباراة المشئومه للقادسيه الكويتي وانا معك اخي في ان القرار كان ظالما ×××× ملاحظه ×××× قمت العقلانيه قرار الاتحاد العربي يا اخي العزيز هل تريد قرارات مثل هذه تدمر فريق باكمله وتحطم مستوياته واختيار 3 لاعبين افضل من اختيار فريق مع الاداريين (( مهزلة العقوبات )) |
للاسف الاخوان اغلبهم الي تكلموا ما شافوا الفيديو شوفوا الفيديو الي مدته 12 دقيقه و بعدين حكموا على الموضوع الفيديو من هنا للمشاهده اظغط هنا ... للحفظ رايت كلك و من ثم حفظ باسم تحياتي لكم |
إقتباس:
|
عفواً يا اخوان في ملاحظة : الكثير من الأعضاء يقول ( الكويتين ولاعبين السد ) وهذا خطاء لماذا خطاء ؟ لأنه الأحداث دارت بين القادسية والسد فقط ! بمعنى اخر الدوله والشعب لايتحمل اي مسؤليه عما حدث والقوات الخاصة ايضا لاتمثل النادي ولاتربطه به اي صله لأنه تابع للشرطة !! وعلى فكرة ترى الشرطة لها كاميرات خاصه بالملعب لكي تعاقب كل رجل امن مذنب ولم تعاقب احد ولله الحمد وهذا غير مهم ولكن لكي اصل للنقطة التاليه وهي انها لم ترسل هذه الأشرطه لنادي القادسيه لأنه ليس من اختصاصاتها ولو انه كان بوضح كثير من اللبس وبعدين المسئله ماهي بين الدول هي بين نادي و شخص ( بن همام ) الفاشل . |
| الوقت المعتمد في المنتدى بتوقيت جرينتش +3.
الوقت الان » 01:53 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd