|
عاجل ... الى ادارة استاد الملك فهد .... للأهمية.. حركات النص كم اللي يسويها المسئولين عن الملعب في مباريات الهلال يجب ان تختفي في مباراة الزمالك... لاننا بصراحة في مباريات النصر نعاني كثيرا من حكاية تقسيم الملعب ذي يعني تلقى خمسة الاف مشجع نصراوي جالسين من نصف الملعب الشمالي مرتاحين وكل واحد جالس على كرسيين ... بينما عشرات الالوف من الجماهير الهلالية ... مزنوقة ومتحاشرين في النصف الجنوبي من الملعب وكل ذا إرضاء لأبوحنيك وشعبية فريقه المزعومة المصارية يجب إكرامهم لانهم ضيوف وأخوة أعزاء ... ولكن .. حكاية جعل مدرجات الملعب مناصفة بين الجمهورين السعودي والمصري فهذه يجب ايقافها الملعب على ارض سعودية ... والقانون الدولي لمباريات الذهاب والاياب ... يحدد الجهة التي خلف احتياط الفريق الزائر وتخصص لجمهوره او الجهة الشمالية خلف المرمى الشمالي في حالة استاد الملك فهد.. والله مانبي نحضر المباراة ... ونلقى ثلة من المصارية جالسين في النص وكأنهم في ملعب القاهرة |
فعلا اخوي مو انقاص منهم بس ملينا صراحه كل يوم جالسين في زواايا الملعب وناس واقفه وناس علي الدرج جالسه ولما تناظر لمدرجات الخصم فيها فراغات اكثيره |
مع احترامي للمصاريه .. حنا في ارضنا ومن حقنا ( نوديكم المكان الي نبيه ) .. ومكانكم ورا احطياتكم .. وسلام عليكم وياجمهور الزعيم لاوصيكم الحضور والمساندة .... |
فعلا كلام سليم اخوي وان شاء الله يسمعونك |
8 8 8 تبطي عظم يسمعونك .. والله لو لو نصف من العصر طوابير الين برى الرياض علي الاستاد الظاهر بيقسمونها نصين ولا بيعطونص وربع << متعوب علي الوصف :D والله يعين |
والله صراحه حركه بايخه !!!! أنا أذكر مباراة الأياب مع الأهلي كأس ولي العهد .. تحاشرنا والواحد ماعرف يقعد بسبة هالحركه !! أنا ما أدري على أي أساس حاطينها ؟؟ أو على الأقل تكون بالدوري بس !!! يعني وش استفاد الهلال الان من كون مباراته مع الزمالك بأرضه !! سلموني على الاحتراف الي نعرفه |
هم صدق بيقسمون المدرجات بالنص عشان جمهور الزمالك المصري؟؟ ياناس هذي المباراة بأرضنا...؟ مااعتقد انها تصير...........!! والله ان صارت هالحركه فإدارة الملعب مع كل إحترامي هي تعمل للإطاحه بالهلال في أرضه وأمام جمهوره....؟!!؟! الله يعين وإدارتنا ساكته ماتحتج ........ماتقول إلا سمعاً وطاعه...؟ |
بذكرك يوم الاحد جمهووووووور الزمالـــك راح يكووووون اكثـــــــر من جمهوووووور الهلال ...!! |
يا شيخ والله انك صادق يا هلالي هوووووو 1/ فصل الملعب من النص 2/ اول ماتحط علم فيه كتابة (( اي كتابة )) ينشال 3/ مايفتح الدور اللي فوق في الاستاد الا اذا تراصو العالم وتطاقوا تحت 4/هذا غير التعقيد في سالفة توزيع الاعلام ودخول الرابطة @@ ياخي شكلك من عيال بوابــــــ22ـــــــة فاهمني ياشيـــــخ |
ياحليلكم ياجماهير الزعيم في الرياض تبون يعطونكم نص الملعب لكم وانتم بليه صفكوني اذامليتوا بس ربع الملعب بعدين الجاليه المصريه كثار في الرياض وسمعت انهم طالبين الجلوس في نصف الملعب لانهم راح يجون اكثر من جماهير الهلال في الرياض |
معاك حق وهذا كله عشان اللي بيلعب الهلال |
المشكله في اداره الاستاد لا تفقه في كيفيه اداره ستاد دولي |
هلا وغلا اخوي اي والله من جد ورى البيبان افضل مكان لهم |
المفروض جماهير الزمالك لها المقاعد اللي على يمين المنصه يسااار المنصه . يوم مبارة الهلال والاهلي في القاهره هنا مدرجات الهلال كانت على يمين المنصه يعني الدرجه الثانيه كلها للاهلي المصري وبعد المباره ما طلعونا من الملعب الا بعد خرووووووج جميع جماهير الاهلي (غريبه شوي صح ) على العموم ان شاء الله جمهور الزعيم بيثبت انه الافضل عربيا تحيااتي لك |
يرفع للأهميه وهذا دور ادارة النادي لازم يتحركون من الآن ويفضحون المسؤول وعدم وطنيته لأنه جرت العاده تخصيص جزء صغير في طرف الملعب لجمهور الفريق الضيف أو المعامله بالمثل |
| الوقت المعتمد في المنتدى بتوقيت جرينتش +3.
الوقت الان » 05:36 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd