ليه اللوم على الجماهير!! - نادي الهلال السعودي - شبكة الزعيم

bestuser · #1 26/04/2004, 12:19 PM

[ALIGN=CENTER]بعد هذه المباراة..الكل يقول هذه الجملة..
نعم وأنا أقولها لكم..
لماذا الحضور؟!
@سيفو يلعب ويكسر ويخرب ويتركه العجلاني يفعل مايشاء لماذا!؟ لأنه لاعب محترف..
لم يعي ان محترفي الهلال أي كلام وان اللاعبين المحليين أفضل منهم بكثير..
فكره يقول ان أي لاعب محترف الواجب ان يلعب..
@سيسيه رح الله يرحم أبوك العاب القوى تنتظرك المبارك فهد مسوي اللي عليه وأكثر..
@تراوري وصلتك كوره علشان نلومك!!
@المطرف ياحبيلك والله من أشوفك وانا أقول هذا التمياط الثاني.. لكن المدربين مثل انشلوتي وفان جال

@البرقان والجري أكبر مظلومين بالهلال يقدمون مستويات رائعه وكالعادة مهضومين من المدرب..
بالله اذا ماعطيتوهم فرصه بتخلوهم يحبطون وينزل مستواهم حسبي الله عليك يامدرب

@ سامي نزل ارتحت نفسيا وقلت بيسوي شيء ولله الحمد خفف على العجلاني الانتقادات بهدف تقليص الفارق!!
@ سعد الدوسري والشلهوب..الجهه اليسرى من دونكم مثل الشاي بدون سكر.. وينكم:sad:
@خليل والشريده.. مصدر إطمئنان هلالي عسى بس مايخترع العجلاني شيء ويخلي سامي بدلكم

@ابو دعيع..الحين انت مرتاح لما رجع العتيبي لمستواه وابعد عنك الماس يابعدي;)
@الشايع لا تعليق

@باختصار الدعيع..الجري..الدوخي..خليل..الشريده..الغامدي..البرقان..الدوسري(الشلهوب)
..فهد المبارك..سامي(المطرف)..تراوري تشكيله يحلم بها (معظم) مشجعي هذا الكيان الهلالي
@ ليتك تفهم يالعجلاني انه هذا الزعيم ولا يرضى بأي خسارة مب مثل القادسيه طموحه الرابع..
@متى ترجع يانواف وش الهلال من دونك ومتى ترجع يايوردانيسكو وتشوف المدعوين بالمدربين وش سوو بالزعيم :sad:

@ قسما بالله اني على أعصابي والدلخ سيفو كان بيتسبب في هدف ثالث بعد مامرر كوره يتفنن فيها.
مسوي رونالدينهو او زيدان

@ مارشّح الزعيم بأي بطوله هذا الموسم الا اذا ترك العجلاني الاختراعات ولعب كل واحد بمركزه
وهذا مستحيل

@ الكل يذكر مباراتنا مع القادسيه ووش سوا الحبشي فليه ماخليتم الحبشي يااداره ولا الغريب اولى
من القريب!!!
@ سؤال..تظن بهذه التخبطات والاختراعات ناخذ بطوله

الود ودي أقول كل البطولات لكن ماحب اكذب

[/ALIGN]

ظلال الصدى · #2 29/04/2004, 01:01 AM

قسيت على سيفو يا اخي

سيفو لاعب مميز جدا برايي الشخصي

*CLi* · #3 29/04/2004, 01:06 AM

إقتباس


	@ سؤال..تظن بهذه التخبطات والاختراعات ناخذ بطوله الود ودي أقول كل البطولات لكن ماحب اكذب

باذن الله

تحياتي لك

المعترض · #4 29/04/2004, 07:38 PM

هلا وغلا

الفرق ألأ خرى ومسئوليها يأتون بلاعبين فوق مستوى لا عبيهم او في مستواهم

ويشيلون الفريق كشيكو اما محترفينا بحاجه لمن يشيلهم ويصبر عليهم ويداريهم

اللهم عافنا ( وياكد مالك خلف ) ...

اتمنى ان ارى الهلال المباريات القادمه بدون اجانب مثل هالعينه ...

تحياتي لك ...

وللجميع تحيتي .

bestuser · #5 29/04/2004, 10:38 PM

ياشين رفع المواضيع<----- قفلت معه

بخصوص سيفو قسما بالله اني ايام صوماليا اقول ممتاز غصبا عني..
ابي اقتنع فيه لكن مافيه شيء يخليني اقتنع فيه..
سيفو ماقلت انه ممتاز لاني مقتنع من أول انه مافي راسه كوووووره

بخصوص :CLI:
أتمنى انه يتحسن فريق الزعيم ويرجع لنا مثل أول وان شاء الله البطولات جايه

..
المعترض..
أقول وراك ماتجيب كاميرا ونصورهم ونخوف الاطفال علشان ينامون<--- ترى الفائده منهم كذا

الفن كله سامي · #6 30/04/2004, 02:32 PM

مشكور على الموووووضووووع

بس سيسه لولا الله ثمن هو كان مافزنا على الطلبه العرااقي