|
اديمـــــــــــــــــــــــــوس وينك يااديموس ذا الموضوع كتبته قبل 14 يوم واتوقع كل من قراه قال وش يبي ذا والان بانت الحقيقه وانجلى كل شي ## يوم اديموس كنا نشوف لعب منظم واتحداكم تجيبون مباراة كان الهلال فيها سيى كان كل شى مدرووس ان كانكم بتقولون مهاجم واحد الهلال شفوا برشلونه شفوا مانشستر كل الفرق العالميه تلعب بمهاجم واحد ##الهلال ينهزم في ثلاث مباريات متتاليه في الدوري وبمستوى سيى جدا متى صارت هذي والان ياجماهير الهلال عرفتوا ليش عبدالله بن مساعد مصر على اديموس لكن اقولكم توكم ريضين ##بعض اعضاء الشرف الله يهديهم يحسب الكوره زي قبل25 سنه انا ابقولهم حاجه وللجماهير اللي تطبل وراهم وهي ماتدري وش الكوره ترى اسلوب الكره تغير فلذلك لا بد تسوون فورمات لمخوخكم |
والله مادري وش اقول الله يستر بس هذا الي اقدر اقوله لك |
ايام اديموس كل مواضيع المنتدى سب في الرجال مع ان النتائج كانت جيده في كل البطولات. حكموا عليه الي مسوين فيها فاهمين قبل ما ينتهي الموسم. رددو كلام الجحلط الي في الجزيره. سمعو كلام اعضاء الشرف الي شغلتهم انتقادات مالها سنع ولين جا وقت الاجتماعات ما شفناهم. سمعو كلام اخونا في الله الي بغى يبكي في التلفزيون واخرتها متحنط في الاحتياط لين الحين. واخرتها وش صار? الجزيره لين الحين تواصل سخافاتها. اعضاء الشرف الي شغلتهم انتقادات مالها سنع اختفوا بعد ما ازعجونا وحاسو الفريق. اخونا في الله كابتن الفريق الى يوم القيامه الي مايطيح مستواه ابد في الاحتياط لين الحين. خفافيش الليل الي في المنتدى سكتت. واهم شي الفريق تردى وخسرنا من جميع منافسيناالرئيسين <الاهلي..الاتحاد..الشباب> وبيجونك يحاولون يرقعون |
صادق اعضاء الشرف الله يهديهم يحسب الكوره زي قبل25 سنه تغيير المدرب زي تغيير الثوب اهم شي نعرف حدنا ها الموسم الثالث ويخب عشان محد يتحطم |
والله يا أخي بانت الحقيقة وانكشفت أديموس ماله ذنب , قلناها وما زلنا الهلال حالياً وبنوعية اللاعبين الحاليين اللي يمثلونه ما ينفع معه أي مدرب المعادلة تقول : لاعبين مهرة قادرين على تطبيق خطط المدرب + مدرب يعرف يوظف قدرات لاعبيه ويختار التشكيل الأنسب + إدارة تسهل أمور اللاعبين من الناحية النفسية = فريق بعون الله لا يهزم أو لنقل فريق يقدم كرة حلوة في الهلال كل عوامل المعادلة غير متيسرة حالياً عدى المدرب الذي لا يلام وأزيد لا يلام ولا يمكن إتهامه بحكم أن نسبة كبيرة من اللاعبين الحاليين ليس لديهم قدارات حتى يقوم المدرب بتوظيفها , ليست قسوة على اللاعبين ولكن هذا هو الواقع المر لذا فلا يمكننا أن نتهم أي مدرب بالتقصير + عقلية نسبة كبيرة من جمهور الهلال التي أخر طموحاتها تسحيبة سامي حتى أصبح لدينا فئة من المشجعين الذين يطلق عليهم مجازاً الساميون نسبة إلى سامي الذي أتمنى أن يعتزل ويريحنا منهم , ليبقى جمهور الهلال المحب لناديه فقط |
والله قلنا الكلام هذا قالوا ما تفهمون كوره وانتم مندسين على جماهير الهلال.. لكن ما عاد ينفع الكلام وقع الفأس في الرأس.. ودي أشوف تصريح أعضاء الشرف بعد الثلاث هزايم من فرق المربع ... أديموس مدرب عالمي وفعلا كان أكبر من مستوى الهلال.. الفريق كان ينقص لا عب وتحس إنه قادر على الهجوم والفوز... لعب الفريق معه حوالي 35 مباراة إذا ما اخطيت وما انهزم غير في أربع ..والفشلاني لعب حوالي سبع مباريات انهزم في ثلاث ياعيني ...فرق كبير الآن نتباكى على هلال أديموس..تحياتي لمن طالب برحيله وللقائد المحنك ...خربهها وقعد عليها في البدايه قال بنحصل على المركز الثاني ..وبعد هزيمة الشباب قال بناخذ الثالث وماله.. والآن بعد هزيمة الاهلي أهم شيء ندخل المربع ..فعلا مدرب طموح.. لولا فضل الله والنقاط اللي حصلها الفريق مع أديموس والاهداف كان أقول برا المربع يا هلال... وين المنظرين يوم شتموا أديموس يوم لعب المفرج محور أيسر ..ودي أسمع رأيهم في العجلاني يوم لعب ذياب مجرشي (قلب الدفاع) وسط أيسر ..والحوطي (وسط أيسر )محور أيمن..وسيسه( جناح أيمن) الى أيسر وهو ما يلعب باليسار...وكذلك حينما لعب بطقم الارشيف في إحدى المباريات |
كل يغني على ليلاااااه شرايكم نخلي الخلافات على جنب الان 00 ونحاول مساندة الفريق وتشجيع اللاعبين ولم الشمل بينهم وننقذ مايمكن انقاذه 00000 الفريق لايزال يصارع على ثلاث جهات وشي احسن من لاشــــــي 0 تحياتي ،،،، |
ادموس انتهى مع الفريق الهلالي و الأن المدرب هو العجلاني و علينا تقبل الأمر و الوقوف مع الفريق بكل قوه . يا أخوان المدرب ما قصر و نظرته بعيده و لمباريات أهم لان موقعنا بالمربع مضمون و الأهم هي مباريات المربع و دوري أبطال العرب و أبطال أسيا. و واضح أن المدرب العجلاني تفكيره يصب بهذه المباريات . لذا علينا الوقوف مع الفريق و الحضور و التشجيع بالملعب بدل من النقد الزائف الي لا يسمن ولا يغني من جوع و كلمن مسوي فيها مدرب و هو ما عنده ما عند جدتي بالتدريب . |
في الليلة الظلماء يفتقد أدي موس .. أوه عفوا .. البدر |
إقتباس:
|
ونرجع ورى كاتب الموضوع يتمنى عودة اديموس وهو كان من الي يطالبون باقالته تناقض غريب يا اصحاب العقول الكبيره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
مع احترامي لك بن سمـــــــــــاره شكلك يمين والكوره يســـــار هذي اول ملاحظه ثاني شى لا تقول شى بدون ادله لو ترجع لاكثر مواضيعي بتشوف وش اقول عن اديموس واقولك خلك مع( تسحيبه سامي ) |
اديموس درب الهلال ماي يقارب السنه خسر 5 لقاءات العجلاني درب الهلال شهر ونصف 3 هزايم ما اقدر اقول اكثر من كذا تحيااتي لك يالغالي |
إقتباس:
|
ياجماعة الخيرلا يكثر الهرج عن ادموس او العجلاني الفاهم في الكورة يحسبها صح من خلال المباريات التي لعبها الهلال مع كل واحد منهم والمستوى ادموس قدم الهلال معه مستوى متوسط والعجلاني مستوي متذبذب ولم يفز الهلال الا في مباريات مع فرق ضعيفه (صغيره) لماذا اقيل ادموس بسبب سيفو وخالد عزيز وتراوري وسامي الجابر ومباراة الاهلي في مسابقة ولي العهد الكل شاهد الهلال وهدف الاهلي كيف جاء وكيف اضاع تراوري هدف محقق والمرمى خالي وكذلك سامي الجابر اضاع هدف محقق في مبارة جدة كل هذا وادموس ليس له ذنب فيه سيفو ماذا استفاد الهلال منه لماذالم يحضروا لاعب وسط بدل منه يصنع الهجمات للمهاجمين |
| الوقت المعتمد في المنتدى بتوقيت جرينتش +3.
الوقت الان » 07:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd