Dsl
 

السلام عليكم ,,

ياليت تقولون لي طريقة الاشتراك وتركيب اشتراك الـ DSL?

وعليكم السلام.....
الاشتراك سهل تروح للشركة وتقل ابغى اشترك :D
في البداية بعطيك الاسعار :

1- رسم تأسيس للاتصالات يدفع مرة واحدة فقط وهو 300 ريال
2- بعدين عن كل شهر تدفع للاتصالات 120 ريال اي في كل فاتورة ( شهرين = 240 ريال ) هذا اذا فعلا طبقوا التخفيض الي نسمع به لكن اذا لم يطبق التخفيض فعليك أن تدفع شهريا 220 ريال اي في الفاتورة 440 ريال
3- لازم تشتري مودم أو يمكن تحصل على عرض في شركة معينة ويقدم لك مجاني مثل ما حصل لي مع شركة نسما
أحسن أنواع المودم يقال أنه الكاتيل بس غالي شوي ، يجي بعده على ما اعتقد ZOOM
والمودم ترى أنواع شيء يجيك بس يو اس بي وما يشبك الا جهاز واحد وهذا الي يجي من نسما مجاني
وفيه نوع يجي كامل مكمل والكامل وجه الله يجي فيه هوب وأكثر من بورت لتوفر النت لاكثر من جهاز
4- اذا شريت المودم يمكن تحتاج شيء اسمه سبليتر بحوالي 75 ريال هذا فايدته يا طويل العمر انه اذا ما كان عندك الا سلك واحد للتلفون فهو يوزع مخرج للهاتف ومخرج للمودم
5- بقى بس الاشتراك : اول شيء لازم تعرفه ان اقل مدة للاشتراك عند الشركات الي سالتها هي 3 شهوووور
تتراوح الاسعار من شركة الى شركة
الناس يمدحون اول نت وسعودي نت وفي المرتبة الثانية يجي نسما وجيل نت هذا على حسب تصويت شفته أنا في النت
حاليا في السوق 3 سرعات :
بعطيك اسعار نسما هي الي اعرفها :
64 كيلو بايت / ثانية -------- 160 ريال عن الشهر الواحد
128 كيلو بايت / ثانية ------ نسيت بس في حدود 250 ريال للشهر
256 كيلو بايت / ثانية ---- 380 ريال للشهر الواحد

فيه سرعات شفتها في معرض جيتيكس 384 و 512 بس ما بعد نزلت رسميا
والي سمعته انه ما يشملها التخفيض الجديد حق الاتصالات

وبعطيم في النهاية موقع ولا أحلى عن DSL
http://www.adslgate.com/adsl4/html/

قبل لا أنسى اذا حبيت تشترك لازم تتأكد هل القسام الي في بيتكم يصلح يركب عليه ولا لا

إذا لا الله يعينك تشد من بيتكم لبيت جديد علشان ترضي الاتصالات :D

والشيء الثاني انه اتفقت مع الشركة المزودة
لاتتفاجأ اذا قالوا بنركبه لك بعد أسبوعين أو ثلاثة والعذر أن الاتصلات لازم تسوي مدري برمجة للخط أو شيء من هذا القبيل :mad:

الله يعطيك العافيه أخوي somelove ,,

لاماراح اتفاجأ لأنهم يطولون ويمكن أقل شئ 10 أيام :D

أنا أقول لو تشترك من شركة زاجل لأنها أرخص :)

256 ك.ب بـ 250 ريال للشهر الواحد ;)

أنا مشترك من زاجل ولا أحلى منها :)