|
لا لنقل مباريات الهلال للدمام ونعم لنقل جماهير الشرقية للرياض اطلق عبد الله بن مساعد تهديده للجماهير الهلالية في الرياض بنقل مباريات الهلال للشرقيه إذا واصلت عزوفها عن حضور المباريات .. وتعددت الآراء بين مؤيد ومعارض .. ومن حق كل من يشجع الأزرق أن يدلي برأيه فالهلال للجميع وبالجميع .. أقول ولماذا يتم نقل مباريات الهلال للشرقية إذا تركها الكثير (( الكثير )) من الجماهير لكن لاحظ أن هناك من يساند الهلال ووراء الهلال في جميع مبارياته ايكافؤون بنقل المباريات بعيداً عنهم ؟؟ الهلال ولد في الرياض وسيبقى في الرياض .. لا أختلف مع أي أحد أن جماهير الشرقية منظمة أكثر وذلك بجهود الرابطة وتحضر أكثر لكن ليش إذا كان في مباراة ما تسير ثلاث أو أربع نقلات قصدي باصات ( معليش متأثر بمعلقين القناة الرياضية ) تسير اربع باصات من الشرقيه للي يبي يحضر مباراة الهلال وتكون مجانية او بسعر رمزي .. هذا اقتراح وأظن أنه هو الحل في ظل هالاختلاف الواضح بين الجماهير |
أتمني من كل قلبي أن تقوم رابطة الهلال بالمنطقة الشرقية بنقل الجمهور الهلالي الى الرياض لاجل مساندة الزعيم فى مشوارة فى الدوري السعودي وأبطال العرب وابطال أسيا وخاصة مباراه الهلال أمام الزمالك المصري لكي يحقق الفوز أمام فريق عريق وقوي فى المجموعة وأشكرك على أقتراحك الجميل الذي أتمني أن يسمعة القائمون على الرابطة ويقومون مشكورين بنقل الجماهير وسلامتكم |
ايه هيييييين ..........وتكلفة النقل على حسابك أنت وياه.........:D:D تحياتي...... |
والله كلام وفكر حلو ولكن وين التمويل ؟؟؟؟؟؟؟؟ وترا يبيلها تنظيم كبير العــــــــــــــــــــــــــــــــــــاقل |
مشكوووور على الفكرررة ,,, و زي ما قال عاشق هالبلد ... يبيلها تكلفة كبيرة ,, هل تتكفل بها .. ؟؟؟ و بعدين اكثر مباريات الهلال بنص الاسبوووووع يعني صعبة .... |
ياشباب والله السالفة أخذت أكبر من حجمه والله ماينقلون المباريات للشرقية لو وشو بس كذا مجرد تهديد علشان الجماهير تحضر هذي طنزتنا بالرمذ بلانا الله بابوعبد الرحمن الله يهديه .. |
لالالالالا يا شباب ليش انتم خليتوها صعبه ؟؟؟؟؟؟ كم بين الرياض والشرقيه ؟؟؟ 350 تقريباً وكم بين جده والشرقيه ؟؟ 750برضو تقريبا ليش نادي الاتهاد مسير باصاتهم يوم مباراة النهائي من جده للرياض وحنا نعجز نمشي لنا كم باص من الشرقيه وانا اقول لكم كيف لو سألت عن التذكره من الشرقيه للرياض (( مدري كم بس اتوقع ) يمكن 75 ريال !! 50 ضرب 75 = 3750 للباص الواحد على اعتبار ان النقل الجماعي ما راح يخفض !! 3750 ضرب 4 = 15000ريال قيمة اربع باصات لاحظو أن احنا مآخذين نقل جماعي وما خفض لنا لكن لو خذنا باص من نقليات التيميمي بيكون ارخص يحرك الباص الساعة 3 والساعة 7 وهو عند الملعب واقف وبعد المباراة على طول حرك للشرقيه يعني قل 11 يعني 3 الصباح وهو في الشرقيه هذا على اعتبار ان الباص بياخذ اربع ساعات وهذا ما يصير بس قل بيوقفون هذي فكرتي ووضحتها لكم لكن وردا على اللي يقول على حسابي ( عاد اذبحنا عند الدراهم ) انا اتكلم عن نادي ما اتكلم عن رابطة المشجعين ولكم جزيل الشكر |
طيب دام الموضوع فيه مصلحه لفريق الهلال ليش مانجرب وننقل احد مباريات للدمام ونشوف وش يصير حتى نحكم ...اعتقد من حق جماهير الشرقيه انها تشوف الهلال يعلب مع فريق خارجيه مثل جماهير الرياض مع تحياتى وسلامي محبكم بريق الهلال |
انا معك أنه من حقها لكن دايما الفرق تلعب في ارضها مو تطلع برا ارضها انا اقول لو وافقت الشرطة نلعب مباراة الاياب معهم هنا في السعودية لا نلعبه في جده خلو نلعبه هناك في الشرقيه بعدين ماله داعي المشاكل بين الجماهير والنادي |
إقتباس:
تقصد ان الهلال لو لعب بالشرقية بيكون برى ارضه:(:(:( ما كنت اتوقع ان توصف الشرقية بهالشكل فانت بكلامك هذا كانك تقول الشرقية ليست جزأ من المملكة العربية السعودية(ارض نادي الهلال عندما يلعب مباراة خارجية) وتقول يحركون اربع باصات!!! هل عدد جماهير الهلال بالشرقية تكفيه اربع باصات؟؟؟ جمهور الهلال بالشرقية بالالوف ولو لعب الهلال امام الزمالك بالشرقية اقولها وانا متأكد الملعب بيكون مليان بالجماهير الهلالية وبمساندة من الرابطة الهلالية بالشرقية وروابط اندية الشرقية... جمهور الرياض دائماً ما يتعذر ببعد الملعب وهو لا يتواجد حتى لو لعبت المباراة بملعب الامير فيصل(بحي الملز)وهو تقريبا في منطقة كثيفة بالسكان بالرياض... واذا اعتذرتم ببعد درة الملاعب فهل ستكون اقرب لجماهير الشرقية من جماهير الرياض((المسافة بين الاستاد ووسط الرياض مدتها حوال نص ساعة بينما يبعد عن الدمام حوال 3 ساعات)) بهذا ستكون ظلمت جمهور الشرقية... كل اللي اتمناه انكم تمنحون الفرصة لجمهور الشرقية وتشوفون كيف بيمتلي الملعب... والله الموفق... |
إقتباس:
وراك الله يهديك فهمتني غلط انت عارف ان الهلال ارضه الرياض وشي مسلم به وانا معك ان جماهير الشرقيه اكثر من جماهير الرياض بس برضو لا يمكن تقول ان الشرقيه ارضه وانا بسألك لو لعب الهلال والاتفاق في الشرقيه بتكون في ارض مين ؟؟ طبعا الاتفاق ليش ما قلنا انها رضهم كلهم مع انهم يلعبون داخل السعوديه بس المقصود بأرض النادي هي المدينة اللي عليها مقره .... واما بالنسبة للاربع باصات اقول لك ماهي كافية لجماهير الشرقيه بس كل واحد وظروفه ولو جا مئتين شخص متحمسين اشعو لك الملعب تشجيع والا ما احد يشكك في مشجعي الشرقيه ويشهد الله انكم اطلق منا في الحضور والتشجيع والتنظيم |
لا لنقل المباريات خارج الرياض والحريصين من جمهور الرياض بيحضرون واللي يبي يحضر وحريص على الهلال يمسك خط الله لا يهينه ويحضر ويرجع في نفس اليوم انا وغيري الكثير من جمهور الهلال لما كنا مقيمين في المنطقة الشرقية كنا نسوي هالحركة في كل المباريات بدون استثناء ملاحظة: من الغباء التعذر ببعد الاستاد واتوقع انه شخصين او ثلاثه تعذروا بهذا العذر البليد ولكن الاخوان في الشرقية ما صدقوا على الله ومسكوها سالفة , اساسا كل المشاوير اللي في الرياض طويله وبعيده فما وقفت على الملعب |
إقتباس:
تراك قلت نهائي ,,,, و بعدين نهائي كاس ولي العهد الموسم الي فات تقريبا 5 الى 6 باصات مشو من الشرقية للرياض ... |
طيب مبارياتنا الجايه نهائيات خلاص ما عاد عندنا لعب لازم نفوز في كل المباريات نحتاج للفوز ما عدا المباريات الباقية في الدوري قبل المربع |
[ALIGN=CENTER]:)[/ALIGN] ُُمباراة الزمالك راح يكون فيها جمهور الرياض وراح نرد عليكم بالحضور باذن الله ونشجع الزعيم ومهما اختلفنا نتفق على حب الهلال :) |
| الوقت المعتمد في المنتدى بتوقيت جرينتش +3.
الوقت الان » 11:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd