نريد تـعـريــف بـقـدرات لاعبـي المستـقبـل ((الزعيــم الشـاب)) ...
 

السلام عليكم:

تكفون يااخوان اللي كان يروح لمباريات شباب الهلال بالله يقول لي كيف مستوياتهم

لاعب لاعب يعني ايش مميزاته ومهاراته ..


ومشكورييين..

تبيهم واحد واحد شباب الهلال خذهم عندك :

عبدالله الغامدي حارس منتخب المملكة للناشيئن في كاس الخليج الاخيرة والتي حصل عليها المنتخب على البطولة وحصل هو على أفضل حارس ممتاز بس يعيبه شيء واحد الثقة الزايدة وفي بروود غريب .

عبدالعزيز المفرج ظهير أيمن هو شقيق اللاعب فهد المفرج لاعب حماسي وجيد .

ظهير أيسر تعاقب عليه اكثر من لاعب مره أحمد الجري وهو معروف لدى الجميع ومره سلطان الرباعي لاعب يعني مستواه جيد ولو اني ارى ان الجري افضل .

قلب الدفاع بدر النجار لاعب دولي في ناشيئن المنتخب سابقاً لاعب جيد طويل القامة هو وزميلة صالح الباشا .
قلب الدفاع الاخر وكابتن الفريق امبراطور الهلال الشاب القادم حسين الخثعمي لاعب بصراحة ممتاز بل اكثر من ممتاز .

بدر الدوسري محور الفريق لاعب مهارة تركيز سرعة انقضاض تغطيه اكثر من رائعة .

سعد الذياب هو بالأصل ظهير ايسر ولعب مع شباب الهلال وسط ايسر لاعب مهارة وصاحب مجهود حلو في الملعب .

عبدالعزيز العبد السلام بصراحة هذا اللاعب عجزت اعرف له مره يأتيك كانه لم يلعب كره من قبل ومره ياتيك بلعب خرافي ، وهو يلعب في مركز الوسط الايمن .

راكان البريهه لاعب صانع العاب ممتاز نواف التمياط صغير بس المدرب لم يكن يعطيه الفرصة الكاملة في الدوري ولكنه بصراحة المباراة التي ينزل فيها لنه كان حبيس الاحتياط يغير مجرا المباراة من حراكات حلوه ومهاراة وتقسيم حلو غنائي في الملعب .

فيصل الجمعان هذا مايحتاج شهادتي انا لاعب ماشاء الله عليه الله لايضر مهارة وشوت ولياقة بس الاصابات ذبحته هذه السنة وبصراحة اخرى اللاعب هذا لو مايتأثر بشقيقة عبدالله فخذوا مني فلته الكره السعودية القادمة .

بدر الدخيل مهاجم جيدجدا لاعب مجهود حلو يعشق شيء اسم فانيلة الهلال قتالي .

محمد العنبر اعتقد اني ما استطيع اني اتكلم عنه سوا كلمه واحدة هداف الدوري للشباب .

مشعل الموري وما أدراكم من مشعل الموري تيري هنري الكره السعودية لاعب قال عنه ناصر الجوهر بعد لقاء الهلال الاخير مع الوحدة لم اكن اعرف ان في الهلال هنري صغير وكان مستغرب من عدم انضمام لاي منتخب فهو طبق الاصل من تيري هنري سريع قدم قوية مهارة عالية ماشاء الله عليه .


هذا رؤية متابع للدوري .

ممتاز إذا كان هذولا هم صغار الهلال فقولو وداعا لملايين البلوي وستذهب هباءا منثوراً
المستقبل هلالي والعلم عند الله

نعم فالهلال بأذن الله مسيطر على البطولات ان شاء الله

ونقول للاتحاد ترانا عطيناكم وجهه لاتخافون فرجال الهلال قادمون

ليه لانكم منتم كفو ههههههههه

مشكور اخوي

مشكوووورين الاخوان القرصان الازرق وسفير القويعية وزاحف وخصووووصا القرصان الازرق

على المعلومات الوافية...

ويبدو قوة الهلال الشاب في الهجوم !

مشكور اخوي القرصان لازرق بس عندي ملاحظة في اسم احد اللاعبين ......
انت قلت راكان البريهه ...... وهو اسمه راكان البريهي... ان اعرفه راكان معرفه شخصيه ... وفيه علاقه اسريه بيني وبينه ..
هذا للتوضيح فقط ..!!
وشكـــــرا

أخوكم :
GoLdEn 11 BoY

الله يعطيك العافيه اخوي القرصان الأزرق

وبالتوفيق لنجوم المستقبل

مشكووووووور
اخوي
لكن الاعب اللي تقول عنه راكان البريهه

اسمه راكان البريهي

مشكورين اخواني
وعلى العكس الهلال يستاهل اكثر من ذلك .



وبالنسبة للاعب راكان البريهي انا اسف لان سرعة الكتابة لخبطة بالاسم .

والخطأ غير مقصود ،، ومايهم الجمهور هو المعلومات التي يعرفها عن راكان .



الله يوفق شبابنا وناشئين الازرق ومن قبلهم فريقنا الاول



تحياتي