(( بنتينيو )) الهداف البرازيلي يا رئيس الهلال ؟؟؟؟؟؟؟
 

رأس الحربه الخطير المعروف لدى كل متابع جيد للفريق الهلالي ويعرف اللاعب النجم من اللاعب الكوتش ..كلنا نعرفه ضارب رأس بدرجة امتياز أهدافه في الزوايا فقط وكأنه يذكرني بلاعب فرنسا السابق بابان مهاراته الفردية جيده سرعة تصرف وذكاء ورويه ماهوب (( تخبيط ولعب حبشه ))...؟؟
صانع العاب كذلك من الدرجه الأولى عرفتوه انه اللاعب البرازيلي دي سانتوس او كما يلقبونه(( بنتينيو )) هذا اللاعب لعب للهلال عام 1414هـ يعني ثاني سنه من بداية أحتراف الأجانب في الهلال وتعجب الجمهور الهلالي كله على انه تخلى النادي عن هذا الاعب النجم فقالوا كثيرا من الأشاعات منها ان سعره غالي جدا جدا لايطيقه النادي ومنها ان اعضاء الشرف بيجيبون احسن منه فألغوا عقده ..( وأنا اقول معذورين ثاني سنه يعني ماعندهم تجربه في اللاعبين الأجانب يحسبون ان كل لاعب برازيلي لازم يكون نجم فأنا اعذرهم ))
هذا اللاعب (( بنتينيو )) هو لاعب فنان بمعنى الكلمه واذكر هدفه في الرياض من رفعة الثنيان جابه من وسط 6 لاعبين قفزو لكي يحصلوا الكره فركنه في زاويه ......صعبه ايضا لاننسى هدفه ضدالنصر
كان النصر منتصرفي هالمباراه فيما اعتقده بس دي سانتوس سجل هدف روعه دخل من الجناح الأسير وأتجه للعمق وعندما وصل حدود القوس موه على اللاعب النصروي وسدد كره ارضيه قويه زاحفه اصتدمت بالعارضه اليسرى ثم انتقلت الكره واصتدمت بالعارضه اليمنى ثم دخلت المرمى والحارس مضحي يتفرج عليها ...وهذ يدل على دقة قدمه على المرمى والجميل في بنتينيو انك تستطيع ان تلعبه في مركزين صانع العاب ورأس حربه لكن رأس الحربه يبدع فيه اكثر لأنه هداف بالفطره ...ماهوب طاق طاق طاقيه .
ارجوا من حبيبنا الغالي عبدالله بن مساعد ان يتأكد من هذا اللاعب من الناحيه الصحيه ومن الناحيه المايه في قيمة عقده وفي استعداده لترك فريقه الحالي الذي يلعب فيه ورجوا من الجماهير التي تملك معلومات عن اين يلعب الآن دي سانتوس افادتنا بالمعلومة .
ولامصلحه في الأول والأخير لهلال وهالجمهور الي بينفجر من الغيض من مستوى الأجانب في الهلال .

قبل عشر سنوات لعب للهلال وكان لاعب جيد

بس الحين كم عمره ؟؟؟؟؟؟؟؟؟

اخوي دي سانتوس يوم يجي الهلال كان في سنه 1414 .. يعني يا طويل العمر قبل 11 سنه

ولو افترضنا انه كان عمرة 25 على الاقل لما جا الهلال .. فبيصير عمره الحين في الـ 36 .. يعني بيكون شيّب الرجال

وانا اللي اعرفه انه خطفته احد الاندية اليابانية بعد ما خلص عقدة مع الهلال .. والله يسامح الشخص اللي امر بعدم تجديد عقده

تحيــــتي ,,

عمر اللاعب كان 20 سنه عندما اتى عام 1414هـ يعني عمره 30 سنه تقريبا ولاتنسون انه لاعب هداف واللاعب الهداف لايعتمد كثيرا على النشاط بقدر اعتماده على حساسية القدم والخبره في التسجيل وبلاشك فخبرته الآن زادت .....
30 سنه لا ارى انه كبير عندكم اشهر اللاعبين الأوربيين ...في عمره الآن بل اكبر منه. منهم فيجو البرتغالي نجم ريال مدريد 36 سنه ومشاء الله عليه وزيدان نحو ذلك وغيرهم الكثير
بعدين نجيب لاعب متأكدين انه لاعب هداف ونجم له وزنه احسن من اننا نجيب لاعب عمره 21 سنه ولا يعرف ابجديات الكره ...هناك فرق ..!!

اللاعب صار جد وله احفاد وصارله اكثر من 11 سنه تارك الهلال وين ياعمي!!!!

الله يسعدك بالمجهر على حبك للهلال وحماسك في اختيار اللاعبين الأجانب ؟
أما اللاعب فاضنه انتهى فلم نسمع عنة بعد ذهابه لليابان إلا أنه حصل على أفضل لاعب في ذلك العام في الدوري الياباني وبعدها انقطعت أخبارة .
دور لنا غيرة الله يخليك في الموجودين في الساحة العالمية
تقبل تحياتي يالزعيماوي المتحمس وان كنت في الرياض الله الله لا تنس تحضر مباريات الهلال في المدرجات وعلى دروب محبة الزعيم نلتقي

قديم انت وين دي سانتوس قل ادميلسون اللي جاب هداف الدوري واللي كان السبب بعد الله بالفوز ببطولة اسيا وبعدين طردوه يوم ضيع هجمه مع الاتحاد في نهائي الدوري وجابوا السباك صوماليا