والله بــعـذر الرئـيـس يـطـالب بـنـقل مـباريـات الـهـلال الى المـنـطقة الشرقيه
 

بقولك شي اخوي ينقلون المباريات للشرقيه عادي يمكن فيه حضور احسن

لاكن لا احد يلومنا ياجمهور الرياض تقول احضر احضر ؟؟؟


احضر على اي اساس !!!!!!!! اذكرلي مباراه وحده بدع فيها الهلال هالموسم

انا عن نفسي حضرة مباراة الهلال والطائي ومع الوحده وامرضونا من جد

ومع الشارقه ومع الاهلي ؟؟؟؟؟؟

بالله تسمي الفريق الي يلعب زعيم ؟؟

الله يذكر اول كان احتياط الزعيم الغشيان والثنيان ماهو بالحين الاحتياط المسعري والعنزي والنزهان
ولاحد يقولي اسباب اقتصياديه هي ادت ان الفريق مايحضر

جبلي فريق مثل 1418 وابشر بالي يملالك المدرجات

وغير كذا ماعندنا

الله يجيبك يازعيم زمان

فريق 1418 هــ؟

كان نواف احتياط
وكان الفريق

حسن العتيبي
الدوخي شريدة المفرج محمد لطف
التيماوي العويران الثنيان ( ناسي مين هنا )
سامي , فلنسيـــا(التحفة)

حاليا
الدعيع ( بكبره )
المطيري , خليل , شريدة , الدوخي
الخثران عزيز
الشلهوب (دوسري) سامي الجابر سيسيه
الصويلح , تراوري

موب هذاك الفرق عاد معليش

يوسف اعتزل الشكوى لله عاد

الفريق بشكل عام الحين أحسن من 1418 يا طويل العمر

بس المشكلة اننا ناقصين لاعبين بدلاء أو لاعبين بمعنى أصح ,, وهذي اقتصادية بالدرجة الأولا يا طال عمرك

لولا مشكلة الفلوس
كان الخيبري ظهير أيسر
كان التايب وسط ولا باجيو
كان كريري مع الفريق الحين

كان و كان و كان


مالنا الا التشجيع وانا اخوك , و خلك واقعي

يا اخوان لو موضوع نقل مباريات الهلال طرح بشكل جميل وبصوره افضل من صوره التهديد والاساءه لجماهير الرياض كان ما صارت كل هالمشاكل .