سوال حول الفلاش مموري !!!
 

لسلام عليكم ورحمة الله وبركاته

ارغب في شراء فلاش مموري ولكن لا اعرف الانواع الجيده والخصائص المهمه ولا حتى الاسعار وبودي نصيحه حول دلك

حيث ارى بعض الاجهزه يملك مدخل يو اس بي امامي ولكن عند استخدام الفلاش مموري لايعمل بينما لو جربته في اليو اس بي من الخلف يعمل .

تحياتي للجميع

هلا اخوي كثير من الهنود يسلمونك الجهاز ولا يكون المدخل الامامي موصل يعني زينه وياغافل لك الله
الفلاش ميموري انواع كثيره حدد اولا كم الحجم اللي يكفيك
اذا كنت تبي رخيص فافضل الانواع هو جينكس سعته 16 ميقا فقط وسعره لا يتعدي عند اكبر النصابين 50 ريال
وانكنت تطلب سعه اكبر وانا انصحك فيها فطق لك جينكس ايضاً بسعه مختلفه
تجد 265 ميقا و اكبر حتي سعه 845 ميقا وحسب احد الاخوان هناك 1 قيقا بايت اظن سعره يصل الي 420 ريال وعليك الحساب للاقل
تحياتي

أنصحك أخوي خالد انك ما تشتري أقل من 256 ميجا حتى يكون لك ولزمن و ما تندم وتقل ياليتني شريت حجم أكبر
انا شريت تقريبا قبل 4 شهور من انتاج سوني 256 ميجا بـ 310 ريال
وكان موجود في السوق بنفس الحجم نوع من شركة Move بـ 280 ريال
وكان فيه انتاج في السوق بس انقطع فترة وما ادري هل رجع ولا لا وهو من انتاج شركة orange نفس الحجم وبسعر 225 ريال .....يابلاش بس انقطع
هذا كان في حراج العليا
الحجم 512 ميجا بتلقاه من 400 ريال وطالع

بعض الأنواع تلقاها تدعم USB 2.0 وهذي الخاصية متوفرة في الأجهزة الحديثة وفايدتها تنقل المعلومات اسرع من الUSB 1.1 العادي
اما ليش ما اشتغل من الامام : هل انت متاكد من اليواس بي فعلا شغال بمعنى لو شبكت مثلا طابعة أو اي شيء ثاني يشتغل ولا بس مع الفلاش
في النهاية انا مجرب سوني ومالقيت منه أي مشاكل خصوصا اذا استعملته الاستعمال الصحيح مثلا اذا شبكته في الجهاز وحبيت تفصله لا تفصله على طول لازم توقفه من تحتsystem tray بجانب مكان علامة المسنجر تضغط عليها مرتين ثم تضغط على توقف


طولت عليك ..... :D

ممكن أفيدك بالـ 64 ميقا لأنه نادر الوجود إذا بغيت معلومات أكثر وصورة له أبشر بالي يسرك.

يعطيكم العافيه ياشباب وماقصرتوا وشكرا على المعلومات الطيبه