|
ليس عيبا ان نقل ان الاتحاد افضل فريق هذا الموسم السلام عليكم ورحمة الله وبركاته اولا هاردليك للجميع وان شاء الله يعوضونها في المباريات القادمه . المباراه كانت بارده من الطرفين ولكن الاتحاد فاز باقل مجهود وبالصف الثاني!!! لنتعرف جميعا ان الاتحاد الافضل والاقوى هذا الموسم وهذا ليس عيبا , الاتحاد بالصف الثاني فاز علينا ونحن تقريبا كاملين ولا ينقصنا شي . البلوي عرف كيف يصنع فريق لا يقهر يوجد 33 لاعب اتحادي جميعهم نفس المستوى يعني الاتحاد يقدر يلعب 3 بطولات في نفس الوقت .اما الزعيم فللاسف يوم اصيب الشلهوب كلنا حطينا يدينا على قلوبنا علشان البديل , يوم اصيب الدعيع الكل خاف صح ولا لا . ياشباب لازم نعترف بهذا الشي ونحن كنا في مواسم كثيره جدا افضل من الاتحاد ولكن للاسف هذا الموسم هو موسم الاتحاد .:( اطالب الاداره بالغاء عقد تراوري وعدم التجديد للشيحان , وان يقومو بتصعيد لاعبي الشباب المهاجمين الى الفريق الاول مو مشكله قد نعاني من قلة خبرة هؤلاء الشباب ولكن بعد فتره سيصبحون افضل المهاجمين في المملكه . اتمنى التجديد للسيسه وعدم التفريط فيه كما فرطنا (في بصير صلاح الدين وسيرجو ,و.......) العجلاني اقول حدك القادسيه والطائي وتخب عليك اما الزعيم فلا يدربه الا زعيم . الاتحاد يتفوق علينا في كل المراكز بلا استثناء حتى في المدربين يتفوق حتى في الجمهور يتفوق ونريد الفوز عليهم :(:( اتمنى ان شاء لله ان يتحسن حال الهلال افضل من كذا في الايام القادمه . وهذه وجهة نظري الشخصيه . (واتمنى ماحد يزعل ) تحيااتي لكم جميعا |
مشكور موضوضع راائع جداً وصريح ومافيه اي مجاملات للأزرق بالعكس ماهو عيب نقول الاتحاد افضل فريق خلال الـ3 مواسم الماضيه من جد اما عن العجلاني فهو راائع والله لكن ماعندك لاعبين سيسيه اطردووة واعارضك عليه |
ممتاز وماقلت ا شي غلط وفعلا الاتحاد هو الفريق الاول الموسم هذا وهو يستحق لأن الزمن هذا هو عندك فلوس تمشي ماعندك خليك محلك |
ومين قال لك إن فيه عيب يا حبيبي !!!! الاتحاد أفضل من الهلال بمئة مررررة !!!! يا حبيبي قارن العويران بالشايع ... قارن محمد أمين بسيسيه .. قارن الطارقي بسيفو .. قارن الشاطر بالمفرّج !!!! ستجد النتيجة فتّاكة !!!!!!!!!! أوووووووههههه نسينا الخوّاف الخثران بعد !!!! |
ممتاز وكلامك عين الصواب والتونسي مايصلح بقياده الزعيم الهلال فريق عريق وكبير ويحتاج مدرب كبير مو حق قادسيه وطائي وشعله وعروبه |
مشكوورين ياشباب على ردودكم ونتمنى ان يتعدل حال الزعيم باقرب وقت |
حلوه ذي مانقصنا شي...! مانقصنا سامي؟؟؟ مانقصنا الشلهوب؟؟؟ مانقصنا الصويلح؟؟؟ مانقصنا الجري؟؟؟ مانقصنا الدعيع؟؟؟ ولاهوب عيب انك تقول ان هدف الاتحاد تسلل...! ولاهوب عيب انك تقول ان سيسيه افضل من امين... ولاهوب عيب انك تقول ان الدوسري افضل من ابوعمار...اسف ابوشقير... ولاهوب عيب انك تقول ان الدعيع افضل من زايد... ولاهوب عيب انك تقول ان الجمعان يسوى 100 ديمبا+100مرزوق قال افضل قال... معليش موضوعك يخلي الواحد ينفعل... |
ماااااالك الا الزعيم ياقلبي ويبقى الهلال زعيم سواء جاب بطووولة ولا ماجاب ... والهلال محتاج لطرد المتخاذلين واولهم تراوري .. تحياتي بالتوفيق للهلال وان شاء الله القادم احلى |
هلا إقتباس:
إقتباس:
ليش اصلا الصويلح والجري اساسيين والجري ما لعب الا يوم اصيب المطيري . إقتباس:
إقتباس:
على العموم اختلاف الراي لايفسد للود قضيه |
إقتباس:
يأخي ناقص منهم خمسة فقططططططططططططططططططططططططططططططططط ومين حمزة المنتشري 000 الخ |
[ALIGN=CENTER] يارجال الهلال سيئ والاتحاد اسوا .. قسم بالله لو ان فيه واحد ينهي الهجمه زي الناس مو هالخروف تراوري كان الهلال سوا فيهم حفله اليوم لكن ربك ماكتب الفوز .. ولو ان فيه فريق مايعاني من الضعف المادي .. كان جارا الاتحاد وباقل المستويات.. الاتحدا كل مباراة اسوا من الثانيه.. لكن اللي يميزه ان عنده حظ ويقابل فرق اسوا منه .. لذلك يفوز عليهم بسهوله[/ALIGN] |
إقتباس:
|
^ ^ ^ الاتحاد ناقص (حمزه -المنتشري - تكر- باسم اليامي - شيكو- يكفي ان محمد نور غايب- الصقري- اصلا كل اللي كانوموجودين اليومما يلعبون اساسيين وخاصه (مرزوق وحيدر-الطارقي - المولد - سهيل - )وتقولي مو صف ثاني يااخي لازم نعترف ان فريقنا سيء جدا وزاد سوءا بعد العجلاني والله يستر من الجاي |
نجي على الورق الاتحاد هو الافضل هذا الموسم بدون ادنى شك نجي بالمستوى اعذرني اعور على العميان باشا الاندية السعودية لانها في انحدار رهيب خاصة الثلاث الهلال النصر الاهلي الاتحاد استفاد من هذا الهبوط وفرد سيطرته بس للحين المشوار طويل واهم شي الخواتيم حينها لكل حادث حديث اما من يقارن سيفو بالطارقي فاقول له صدق ما عندك سالفة مع احترامي الحين لاعب توه لاعب مباراة وحدة وما تعرض لذاك الضغط لانه الهلال ما عنده هجوم اصلا وتراوري مهاراته ضعيفة انت تقطع الكرة من عنده تقارنه بلاعب دولي في بلاده ثانيا كم كورة عدوا فيها من الطارق تقدر تقول لي كورة وحدة عدوا فيها من سيفو؟؟؟؟؟؟؟ بالعكس هاللاعب بامكانه يراوغ ثلاثة اثنين ما عنده مشكلة واتحداك تجيب لي قلب دفاع بمهارات في السعودية كلهم شتت لابعد نقطة ولا الي يقارن سيسيه بمحمد امين سيسيه شغل جبار يمين يسار في العمق مع انه مو في مستواه تقارنه بلاعب ما سوى شي فيا لمباراة ولا حد درى عنه غير لما سجل هدف سهل يا اخوان ابعدوا عن الردود المتشنجة الهلال خسر ليس لان الاتحاد الافضل الهلال خسر لان التوفيق ما حالفه الاتحاد فرصة فرصتين والهلال كوم فرص لكن ربكم ما اراد عموما ما زلت اطالب بالجري واعتقد لو انه لعب راح يغير من شكل الهلال كثيرا وراح يفكنا من الخطة العقيمة خذ يا دوخي هات يا سيسيه بروتين ممل |
سته لاعبين فقط يستحقون الاستمرار في الزعيم بينما يحتاج لأكثر من عشرة لاعبين نجوم فلابد أن نعترف أن الهلال يمر باسوأ حالاته الفنية حتى أصبح محطة سهلة للفرق الصغيرة عودة الروح بين اللاعبين في فترات متباعدة لايعني أن الهلال في حالة فنية تشفع له بالمنافسة وروح اللاعبين تظهر إذا كانت المجموعة على مستوى عالي يقول الأمير الرئيس أن عقد شيكو يفوق عقود ثلاثي الهلال ونسي أن الفائدة من شيكو تفوق ثلاثي الهلال ومثلهم معهم مبروك للاتحاد وحظا أوفر للهلال في المواسم القادمة |
| الوقت المعتمد في المنتدى بتوقيت جرينتش +3.
الوقت الان » 02:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd