|
قايلـ(ن) لك يالايطالي ... انك تحاول تلقى شي تمسكه على لعيبة الهلال وتقارنه بما فعله ويفعله مجرمي الحالمي من فضائع كروية ليس لها سوابق الا منهم ومن اجيالهم السابقة... والتي لا أرى انها تصرفات غريبة منهم مهما تعاقبت اجيال الجزارين لان السبب واضح وفاضح فأكبر رؤوس التعصب هو من يمسك ويدير هرم القيادة فيهم منذ مايزيد عن ربع قرن ... والمشكلة ان جمهورهم البائس لايراها ولا يعترف بها (بل ويشجعها ضمنا) بل أن هذا الجمهور البائس يرى أن .. - مخاشنه كروية من االدوخي ... نهض الدوخي و اللاعب بعدها يركضون كأن شئ لم يكن انها من الموبقات - ولا ان الجمعان رفض يطلع من الملعب .... وانت شكو ... بينه وبين ادارته ومدربه... على طول خليته طق الحكم واعتدى على الجمهور والله لو انا مالنا عيون... ونشوف اللي صار الله يستر خليت الجمعان وكأنه من المطلوبين - ولا عراكات كروية رجولية بين اللاعبين كخالد عزيز ولا نواف ولا سامي حتى ... نتيجة للحماس الكروي وهذي اوافقك فيها لان قصد التقصد والاذى والقتل ليس موجود ولن يوجد انشاءالله لان اللاعب الهلالي اكبر من هذا ... أخوي المشكلة .. انك تناقض نفسك بنفسك ... قبلها تقول ... لا هذي احتكاكات عاااااادية ومدري وشو .... بس يوم صارت من لعيبة هلاليين صارت عيب وشق جيب ... حبيبي انا ميولك ليست ذات اهمية عندي ... بل بيت القصيد هو القاء الكلام على عواهنه وتسويغ وتبرير مايقوم به بعض الجزارين ضد سامي فهذا تغافل عن الواقع وبعد عنه والمسالة ليست مسألة فاضي ولا مليان... المسألة... مسألة... كتابة بضمير وامانه ولا ريح نفسك ولا تقحمها في اشياء اكبر منها مع تحياتي |
[ALIGN=CENTER]اخوي هلالي هوووووو ابقولك نقطه مهمه وهي ان اي حركه او لعبه من لعيبه الهلال راح تكون قضيه القضايا سواء في الصحف او من الدخلاء والمنافسين وكأن للاعب الهلاليه هو المخطي وتذكر ايام توقيف الثنيان والجابر والدوخي بأن الكاــــميرا صادتهم وتوقفت الكاميرا عن كنيدي وعبد الغني ومحسن وغيرهم كثير وكذلك الاداريين تذكر النعميه كيف اوقف وسحب جوازه وإدارة الاتحاد في النهائي كيف دخلوا المــعلب في النهائي قبل عامين وكأنه ماصار شي[/ALIGN] |
مجرد احتكاك عادي لاعب جديد يريد اثبات وجوده ولا يستاهل كل هذا التضخيم ولاتسئ الظن في الاخرين ,,,,البلوي عاشق لفريقه وهذا من حقه |
[ALIGN=CENTER]اخوي روح الوافي طيب إذ صار البلوي عاشق لفريقه يوصي لاعبينه على المجزره الوسخه مع الجابر[/ALIGN] |
إقتباس:
شكرا على التوضيح.... وازيدك من الطين بلة توقيف الجمعان الذي ماحييت لن انساه مبارتين العام الماضي في كأس ولي العهد وقبل مباراة الزعيم مع الاتهاد في دور الاربعة بسبب ... انه تلاسن مع زكريا الهداف (((((برا الملعب))))) وبدون اي تقرير من حكم المباراة ولا العويران مع الهلال الفريق المضطهد ما تمر عليه سنه الا موقف او مشطوب وشفه هلحين كبتن منتخب المملكة هذا زمااااااااااااان الاتهاد يابويه ... زمن عميد المكاتب والكواليس |
احسن شي سواه انه اصاب سامي خله يفكنا منه شوي |
عصبت علينا .. وضاق خلقك وتنرفزت .. علي اني اعطيك امثله ابيك انت تفسرها لي..واذكرك في امثله مشابهه لها .. لكن انت تلف وتدور .. وتقول ميول وتعصب النقاش بالعقل موفي الميول وبعدين الدعوه يا قلبي مو ظلم يعني كل شي لازم يكون لنا لا ياخوي .. سامي الجابر اصيب وان شاء الله اصابته تكون خفيفه ويرجع بالسلامة ونواف التمياط اصيب وان شاء الله يرجع في السلامه .. وراح اعد لستت الهلال المصابين .. ونتمنى لهم كله في السلامه يرجعون لنا .. .. ولاعبين الفرق الاخرى..؟ ندعي عليهم ولا نقول ما ينصابون لنهم كلهم متفقين علي الهلال؟!! اذا انت اخوي الي الان فكرك .. ما ارتقى لصدق والواقع اتمنى من الله انه يشفيك لن حالتك صعبه صراحه واعمى ما تشوف الواقع واذا متعود تحط ذنوب الناس فوق راسك الله حسيبك لكن ما ترضى ان احد يظلمك .. زي ما ظلمت كثير من اللاعبين وزي ما ظلمتني شخصيا في بداية نقاشك .. واتهمت ميولي وبعدين تراجعت وتقول ما يهمك ميولي دام ما يهمك ليش تسأل في البدايه .. المتناقض انت بردودك لني انا لما اتكلم اتكلم بشكل عام .. مو اخص فلان وعلان وحتى عيوب فريقي اذكرها وفايدة ذكرها انها لم تبين راح تعالج بس لما يجي كثير من الناس اللي في فكرك ويتكلمون ويدفنون هذي العيوب مستحيل فريقنا يتعدل ولاعبينا بيفسدون .. اخوي انا ماني ضدك ولا اعتقد انت ضدي افكارنا اختلفت بس انا اخذ نواف صفوة لاعبين كرة القدم في الوطن العربي واراه خير مثال صالح فكريا وكرويا واتمنى من كل لاعبين يصلون الي ثقافة الكرويه داخل الملعب وهي احترام كل الاخرين .. وايضا يجب ان نتعلم نحن كجمهور منه هذه الاخلاق وان لا نسيئ النوايا وان لا نسئ للاخرين في حوارنا معهم هذا ما نتعلمه من نواف كل يوم نراه وكل يوم نقراء او نسمع ما يقول اذا تعلمت ذالك اخوي .. سوف يتغير مفهومك .. وبدل ان تتهم الاخرين تحسن الظن فيهم لكن لا حياة لمن تنادي مازلت مصر على اتهامك .. لشخص لا تعرفه حتى عشان تعرف نواياه اتمنى اخوي تنتبه لردودك في المستقبل وان تكون قدوه رائعه لكثير من بعض الجماهير في ردك وان لا تضع الملامه علي احد بل تراجع الحلول بطريقه سلميه لا ان تتهم الاخرين بطريقة عقيمه تقبلو تحياتي :) |
حسبي الله عليه وعلى الحكم |
اولا ... وين الامثلة اللي قلت بتوردها ... ثانيا والله يبن الحلال .... انا تعودت اني ما اناقش حالمي في الكورة ... لان فعلا طريقة تفكيرهم سبحان الخالق غريبة ... وليس لها معايير او ظوابط أو حتى منهج للمناقشة يعني الواقع واللي شكلك تتمناه ان لعيبة الهلال يستاهلون مايجيهم من خشونة وتمزيق مفاصل وايقافات كيدية وعقوبات تعسفية بل يجب علينا كجماهير هلالية الصمت ونقبل مايحصل لهم بدعوى انهم هلاليين ... خلهم يستاهلون ماجاهم ... اوافقك ان تدليل اللاعبين وحمايتهم من عواقب مايرتكبونه يجعلهم في مأمن من العواقب والمحاسبة سيفسدهم ويجعلهم مثل محسن الحارثي ولا ممادو نور لاعبين نرجسيين لاينفع فيهم تعديل ولا إصلاح .. وكشف عيوب اللاعبين واعداء الهلال ليس ظلما لهم بل تذكير للزعماء باحداث مضت .. لان مشكلتنا كهلاليين اننا ننسى الماضي ونظرتنا دائما للامام وهذا هو المطلوب ولكن يجب التنبة لمن يحاول الاصطياد في الماء العكر والزعيم ولله الحمد ليس في مياهه عكر بل صفاء السريرة ونقاء الخاطر (وكلـ(ن) على نيته يرزق)... وليس معنى اني اتكلم عن ميولك اني مهتم فيه ... لا ياخي... مثل ماقلت أنت اكبر ظلم لاي شخص انك (تتهمه) انه حالمي بائس .... بس بعضهم مايستحي بالعكس يعابط ويراهن على حصان خااااسر أخيرا .... الردود من جنس المقال .... ومن طق الباب لقى الجواب انا لن اتكلم عن شخصك .... ومو من طبيعتي اني اناقش اشياء شخصية وصفات نفسية وافتعال الاستاذية والمماحكة الكتابية .... انا يهمني افكارك ومقالك ولايهمني قلمك ولا كيبوردك |
إقتباس:
|
[ALIGN=CENTER]اخوي الايطالي اخوي هلالي هوووووووووووو اعتقد ان الاقتناع ماراح احد يقنع الثناني وكل معاند في رأيه غريبه واول مره تمر علي مثلكم صراحه قمه في العناد ولكن نرجع ونقول للايطالي انت طيب اكثر من اللازم وفيه بعض الامور يجب فيها الحزم وقول الحقيقه حتى لو صارت مره مثل التخطيط لإفشال الهلال من اكثر من جهه اخوي هلالي هوووووووووو/ لاتكن عصبيا اكثر من اللازم وأي واحد يخالفك الرأي تتهمه بالنصراويه ونحن ياما وياما تناقشنا بين لاعبينا ورؤسائنا ولا نقول هذا نصراوي وهذا غيره (((الاختلاف في الرأي لايفسد للود قضيه)))[/ALIGN] |
لا لا يافهد الرأي الصحيح حتى لوكان ضد رأيك ... كشجاعة ادبية ... يجب للشخص ان يعترف بصواب هذا الرأي حتى لو خالف رائيه والرأي الخطأ يجب على الشخص ان يرجع عنه ان تبين له انه خطأ .. لكن الامعان في الخطأ رغم علم صاحبه انه خطأ ولكن لمجرد ارضاء الميول المايلة فهذا هو ما يثيرك ويجعلك تسد على صاحب مثل هذا الرأي المائل كل المنافذ وكل الحجج لكي يظهر على حقيقته امام الجميع ويظهر مدى ميلان رائيه وخطأ توجهه ... ويعلم الله ليس بيني وبين الايطالي الا الا حترام على الاقل هذا ما أكنه رغم خطأ رأيه ومحاولاته المستميته للنيل من الهلال ولاعـبيه والمبالغة الممقوته (وهذا من حقه ) في مدح لاعـبين وتسفيه اراء الاخرين بقولة اللي ما يحب اللاعب الفلاني فلـ... وهو يعلم ما أقصد والنزول لامور شخصية لاتهمه المقصود يافهد ليس في الامر عصبية ولاشئ ولكن الحق بين والغلط بين .... ولكن يحز في النفس ان ارى بعض الكتبه يدسون السم في العسل ونحن ياغافل لك الله وبكل حسن نية نتقبل مثل هذا الاطروحات غير المقبولة |
ويعلم الله ليس بيني وبين الايطالي الا الا حترام على الاقل هذا ما أكنه رغم خطأ رأيه ومحاولاته المستميته للنيل من الهلال ولاعـبيه اخوي .. كل اللي ذكرته هذا فيني ورغم انك تقول ما تعرفني الله يسامحك بس اخوي بقولك شي.. ما تعرفه ولا يعرفه احد ولا اتمنى يعرفه احد انا العب في المرحله السنيه في شباب الهلال.. قبل سنه من الان .. واصبت في مفصل القدم.. وتهتكات في المفصل.. وتكفل في علاجي احد اعضاء الشرف جزاه الله الف خير لكن رفض والدي استمراري .... وان كنت انت متفرج.. انا لاعب كرة قدم .. وعلي هذا اللي اصاب مفصلي .. زميل لي وصديق عزيز .. ايضا .. هل معناه تعمد الخشونه ..؟ رغم ان انطلاقته كانت علي قدمي وليست علي الكرة لكنه كان تمرين .. واشتد الحماس فيه وجتني الاصابه والحمد الله علي كل حال قدر الله ومشاء فعل فاذا انت جاي تتهمني ميول ميول ميول فافضل لك لا تكتب لنك توجع الراس وانت تكتب وانا متأكد ماتدري وش تكتب عنه وانا .. اوعدك اخوي بوقف كتابه عشان ما امرضك واكون قارئ واترك الساحه لك عشان ترتاح ..وتريح راسك.. لن الدعوه ما تستاهل ان الشخص كل ما كتب شي جاه مثلك وامثالك وسبوه ولا كتبو فيه مليون سالفه وهو ما يعرفه .. وعلي كذا لو قارن بينهم يكون افضل منه بمراحل علي كل حال شكراعلى ما بدر منك .. وانصحك تعالج نفسك لنك بتكون انسان منبوذ بطريقتك هذي في المجتمع .. اذا كنت علي الحال هذا الا اذا كنت في المنتدى بس فا اشوى .. في ناس يتقبلونك اللي هم مثل تفكيرك --------------------------------------------- اخوي فهد يعطيك العافيه علي رحابة صدرك .. انت تقول اني طيب .. انا اقولك اني مسلم . هذا اول وخصال المسلمين .. التسامح والظن الحسن ثاني شي سعودي .. في اعز بلد واعز ديره واعز ارض واكرم منطقه نمد ايدنا للخير ولا نكفها تربينا كذا وعشانا كذا وان شاء الله نموت يدنا ممدوه للخير وهذا المفروض يكون في كل شخص ماهو سؤ ظن بالاخرين اخوي اسف علي الاطاله واسف اني طولت في نقاش ماله فايده ابد ولا له استفاده وكلمه اخيره لك شكرا :) -------------------------------------------- .. ذرفت عيني دمعه زرقاء ..انهمرت علي بياض خدي.. انمزج بياضها مع الازرقاق فقلت ها انا وهذا ميولي فلم يصدقوني .. فحلفت فلم يصدقوني فجرحت يدي فنتثرت دماء زرقاء فقلت ها انا فلم يصدقوني .. وترامت الالقاب نحوي فبتسمت رغم تلك الدمعه .. وشددت رحالي .. لن يفيد حتى لو صرخ قلبي لو تراطمت امواج الطيبه مع تكابرهم لتبخرت تلك الامواج رغم قوتها لو ذرفت الف الدموع لو سطرت مئات السطور فانت لست معهم لانك ذو استقلال في فكرك [SOUND]http://www.dubaieyes.net/music1/m-hazen/haze7.ram[/SOUND][/ALIGN] |
[ALIGN=CENTER]الموضوع مكتوب بين شوطين مباراة الاتحاد والهلال ولازال النقاش حاد جدا وسوف ينتهي بصلح إنشاء الله واقتناع[/ALIGN] |
سلامتك يالايطالي واخواني المسلمين من كل شر ... يأخي لاتقولني مالم أقوله .... أنا لم ولن إنشاءالله اتعرض لشخصك الكريم بأي أذى او شتيمة لاتلميحا ولاتصريحا... اما انك بتزعل اذا أحد قال انك حالمي بائس .... فهذه اذا كانت تهمة فانا اعتذر عن قولها بل سأقول لك ... نصراوي... عالمي ... بطل... هاه... استانست من المعروف انه عندما تقع لشخص ما حادثة او ذكرى سيئة في مكان ما ... فأنه يكره هذا المكان ويكره طاريه ويتشائم منه .... وشكل اصابتك في التمرين .... كرهتك في الهلال ولاعبيه .... لذا فأنت تشجع وتؤيد من يفعل مثل هذه الافعال الدنيئة تجاه منسوبي النادي الذي اصبت فيه انا لن أذهب الى المستوى الذي ذهبت اليه ... فلن أقول انك منبوذ في المجتمع ولا ان ما لك أصحاب .. ولكنني لست متعصبا للدرجة التي تجعلني ارى مجازر وجزاري الملاعب واوجد لهم التبرير بل واقارنها بألعاب وفاولات كروية عادية واقول هذه بتلك والبادي اظلم ... لا ... بل سأقول ... الله يصلحك لنفسك اولا ولوطنك وأمتك ثانيا .. وان كانت الاراء المخالفة والمضادة لرائيك بتخليك تشعر بكل هالاحباط... فاسمحلي أقولك ... ترا راس مالها كورة ... ومناقشة كروية ليس الا ... وانشاءالله انا ما بنسمح لهالمناقشات انها تصل لمستوى لايرضي احد ... او اذا كانك تبي من يؤيدك في اطروحاتك وافكارك فاكتبها في المنتديات اللي خابرين .... عندها ستجد لها كل المؤيدين والمتحمسين ... اما هنا فالحق أحق ان يتبع كلمة اخيرة ... انا من خلال هالمناقشة الحامية ... صدقني استفدت منك اشياء احب احتفظ بها لنفسي ومهما اختلفت الميول وتعددت فالرابط الذي يربطنا ببعض اكبر من هذا كله |
| الوقت المعتمد في المنتدى بتوقيت جرينتش +3.
الوقت الان » 03:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd