[ALIGN=CENTER]السلام عليكم

طاش ماطاش ...

أبوضح لكم ليش قلت طاش ماطاش ـــــــــ
أول ماانتهت مباراة ريال مدريد مع موناكو
على طول اتجهت للمنتدى لأرى بعض الأقلام كيف ستقيم الأفراح والليالي الملاح
بسبب خروج الريال .. مساكين خروج الريال عندهم ببطوله .. والله يهنيهم
مثلاً عندك برشلونه هالسنه ماحقق الا بطولتين .. وهي خسارة الريال للكأس وخروج الريال من الأبطال ( اللهم لا شماته .. وأني بريء من ما يفسر به كلامي من غيري )

المهم دخلت المنتدى الا على طول وموضوعين ههههههههه
يعني الأرسنال بعد ماخرج ولا واحد كتب عنه
والميلان يترقع ويسحب على وجهه بأربعه ولا زال الريال تحت سيطرة أقلامهم

المهم لقيت موضوعين .. وماعجبني الكلام المكتوب ...
قلت الظاهر الربع هنا بيتكلمون ويبون شيء يطلع الي في صدورهم ..
صكيت بيالة شاهي
وسميت بالرحمن ..
وهات لك سب في الريال .. وأحط عنوان الموضوع للتشمت بالريال ههههههه

يا حليل الشباب صدقو وعلى طول
الي يسب والي يشتم .. حتى واحد كاتب وشهد شاهد من أهلها خخخخخخخخ
وأنا جالس اطالع الموضوع وبس
وضحكت من جد .. والله القصبي هو وشخصية فؤاد ماضحكني مثل ماضحكوني الشباب هنا الله يحفظهم بحفظه ..
نسيت شيً ..
أخوي بطولات الزعيم .. أرسل لي خاص من ساعتها .. وابيك بالمسنجر وضروري .. قلت ياخوي روق وخل بالك وسيع الوضع بس بنشوف وش بيقولون يعني طاش ماطاش الجزء الحادي عشر :p:p

حتى أنني شممت رائحة العدوى النصراويه هنا
وفرحهم بخروج الهلال .. التي يعتبرونها بطوله
وأقحام الهلال في كل شارده ووارده كحال أعضائنا هنا
( حسبي الله عليك يا عبد الرحمن بن سعود )

لكن شوفو مشجعين من الي كتبو هالسخريه التي تخرج منهم وتعود اليهم ( أفهموا )

برشلونه ههههههه يتشمتون بالريال .. بس أنا عارفهم أذكياء يتشمتون بالريال على شان يمكن يبلاهم الله بكره بالريال ( والله تخطيط حلو ) يا عشاق برشلونه الله يعينكم على الرابع على شان تلعبون بأبطال أوروبا السنه القادمه

مانشستر يونايتد بصراحه هذا الفريق حطم الأرقام القياسيه في الأبطال وحقق المستحيلات وتأهل لدور الأربعه ومرشح للنهائي ( الي يشوف كلام مشجعينه يحسبه كذا ) يا عشاق مانشستر الكأس ويخب عليكم .. وفعلاً بعد تحسن الأرسنال وتشيلسي وضح هذا الفريق أكثر ..

اليوفي .. والله أحب هالفريق ولكن يعني لا أبطال أوروبا ولا الدوري ومستويات منحطه هالسنه بصراحه وتتطنزون .. يعني والله مايصير وش خليتو لفريقكم خخخخخخ

الأنتر هههه ياحليل هالفريق الى الحين له مشجعين بصراحه الظاهر أن كل من يشجعه معقد وجهه مثل فييري الي ما هو راضي بالأنتر أصلاً .. ولأ أحد يبيه بنفس الوقت .. حد الأنتر أبطال أوروبا وهزائم بالخمسات .. والله يذكر هنري بالخير

الأرسنال .. فريق جيد .. أنصدم بتشيلسي ومستواه الرائع .. وأنشاء الله الدوري له هالسنه ..

روما .. ياربي يا حبيبي سترك .. يتطنزون بالريال هههه نظرية برشلونه أكيد واحد عرفها وصارو يسوون مثل برشلونه ... والله لتبطون ما صرتو مثل الريال .. ياعالم أوصلو لليوفي وبعدين أطمحو للريال

ميلان .. يعني لازم تتمسخرون على الريال ,, من بكره أربعه .. والظاهر حارسكم ديدا بيسوي عملية تجميل بوجهه من هالتكميخ الي صار له

فالنسيا .. يا حليله مصدق أنه يتحدى الريال .. يا مشجعين فالنسيا .. مادام الريال موجود في أسبانيا فأنتم متذيلين له .. وأحمدو ربكم على العافيه وابلعو النعمه ..

( على نفس سخريتكم أخاطب عقولكم يا من سخرتم فعادت عليكم السخريه )

مشجعي الريال
الملوك
العظماء
أبطال هذا المنتدى
والعلامه البارزه لكل عضو
أياد المحبه
بطولات الزعيم
رونالدو كاولوس
جميع أعضاء الرابطه المدريديه المتزعمه للكل

أنتم من يبحث الجميع عنكم
ومن يتتبعكم الكل هنا ..
وهذا فخر لنا
بأن يركض الجميع خلفنا .. ونحن نمشي بالزعامه هنا

عطو الجميع فرصة الفرحه ببطولات خروج الريال
فهم يحسبونها
ويتفاخرون بها
لأن فرقهم فاشله ولم تحقق بطولات
يتغنون بخروجنا من البطولات
والدوري للريال
ويا جبل ما يهزك ريح

وأعلم أن هناك مثل يقول ( أذا كان بيتك من زجاج لا ترمي الناس بالحجر )
لكن الكل تناسى هالحكمه
لأجل الفرحة بخروج الريال

دمتم بخير



عاشق الريال الملكي [/ALIGN]