|
هلالنا رجع ونبيك انت وغيرك ترجعون وتوقفون معاه [ALIGN=CENTER]رسالة عتب لكل واحد فينا يبي يكتب كلام ما ابي اقول يغث لايسمن ولا يغني من جوع الحين ( الظاهر انها احسن ) .............عالعموم اكيد كل واحد فينا عنده وجة نظر وحاب انه يقولها وعتب يحاول انه يوصله بس ياشباب العقل العقل العقل اللي تميزنا فيه كهلالين خلونا نشغله 90بالميه او خلوها 80 من محبين الهلال النادي والتاريخ موعاجبهم الهلال الحين او بالفتره الماضيه او يمكن بالسنتين الماضيه واكيد انا اولهم والاكيد بعد كل واحد يختلف عن الثاني كل وحسب نظرته فعلا سبيل المثال ( شكلي بطول السالفه .... ) عاد تحملوني شوي ( واحد متحمس ) واحد يقول الاداره والثاني يحط حرته باللاعب الفلاني وثالث يقول ياخي المدرب لو يغيرونه و..و..و... ووو وهلما جرا لدرجة وصلنا حتى لو نفوز باية مباراه ما يعجبنا الفوز ادا مو كلنا بعضنا لاننا نحس فيه شي ناقص بس مع كل هدا كلنا معدورين باللي نقوله ونكتبه ونتكلم فيه لاننا نعرف هلالنا مثل ما غيرنا يعرفه زين زين زين فوز بدون مستوى ما يملا عيونا (بنوب بنوب) هلاليين تعودنا كدا الابداع يسري بدمنا بس اقول العقل العقل وثم العقل لا احد يفكر اني اقصد هلال يوسف والنعيمه والمصيبيح والحبشي والتخيفي والاحمد والبيشي وطيب الدكر سعد مبارك وغيرهم من المبدعين بزمن فات وراح اقصد هلال الوقت هلال سامي ونواف والدعيع والدوخي والشلهوب والشريده وخليل والصويلح الجمعان والعلي والخثران وعزيز والغامدي النجوم الباقين سواء كانو من الاول او الالمبي وحتى (شبابه وناشئينه المبدعين) على طاريهم الله يعطيهم الف عافيه وانشاء الله نفرح فيهم هلالنا ياشباب هو مثل ما كان نجومنا كل من يهابهم واداره التاريخ يشهد لها واعضاء شرف الله يطول بعمارهم محسودين عليهم ( تراهم مو مقصرين ) وما انسى نفسي وانتم كجمهور صحيح اننا مقصرين بس الشكوى لله اكيد بما انك هلالي اكيد عند خلفيه لو هي بسيطه عن الرياضه العالميه اسال نفسك وين فريق ليفربول الحين والانتر وش اخباره وبرشلونه وين دياره اعرق الانديه العالميه على الاطلاق وينها؟؟ قبل ما تجاوب فكر بعقلك زين وفتح مخك عدل ناقصهم ( فلوس اتحدى) (نجوم سلم لي على فييري واوين وكليفرت وغيرهم كثير) (جمهور انا صراحه مجنني) الشاهد من هالكلام هلالنا مقارنه فيهم من ناحية مستوى الى الان ماوصلنا للمقارنه بس كوضع فريق وحالته المقارنه موجوده ما ابي اطول اكثر بس اللبيب بالاشاره يفهم خلونا نصبر ونفكر بعقل شوي ونحط ايدينا بدين بعض اخوي الهلال الحين يبي منك ومن غيرك ومني كل الوقفه الصادقه ما نبي اي كلام يهزنا بهدا الوقت بالدات هلالنا رجع ونبيك انت وغيرك ترجعون وتوقفون معاه والتوفيق للجميع واسف على الاطاله [/ALIGN] |
<><>< ياشباب _____ وين اقرب مكان يبيع مويه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
وش تقصد يا الحبيب |
يعطيك العافيه وكلام جميل جدا بس ياحبيبي المستوى منخفض في الدوري السعودي كله المشكله ماهي بس في الهلا المشكله في كل الفرق أول كنا نستمتع في المباريات واللحين يخلف الله لا مستوى ولا لعب زي الناس الله يرحمك يافيصل بن فهد فعلا على ايامك الكوره لها طعم لكن حسبي الله على اللي كان السبب ودهور الكوره عندنا ووالله من بعد مباراة المانيا غسلت يدي من الكوره كلها آخ يازمن آخ |
لا تعليق............................. |
لن تعود الكورة عندنا الى مستواها الحقيقي الا بالغاء المربع الذهبي وعودة الدوري الى النقاط !!!! |
| الوقت المعتمد في المنتدى بتوقيت جرينتش +3.
الوقت الان » 06:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd