أنا و ( أبو سلطان ) !!
 

[ALIGN=CENTER]مرحبا ..

فيه واحد من أصدقائي العزيزين على القلب ، اسمه [ أبو سلطان ] ..
و هو طيّب و حبوب و يدش القلوب :D:D ( شرواكم :cool: ) .

المهم ..

أبو سلطان سواليفه حلوة ، لكنه أحياناً يخطئ أخطاء ( طريفة ) و هو يسولف !! :rolleyes:

حبّيت أذكر لكم بعض من هالمواقف :

الموقف الأول

مـرّة كـنّـا طالعين مشوار .. و كان ( أبو سلطان ) هو السواق :scooter: ..

و فجأة وقفت سيارة قدامنا !! :bigeek:

و بفضل الله ثم حرفنة ( أبو سلطان ) فكنا الله من الحادث :thumbup: ..

دخلنا في لحظة صمت بعد هالموقف .. و فجأة قال أبو سلطان و هو مرتبك : الله يجزانا خير علشان ما صدمنا !!! :D:D

لا يا شيخ .. تكفى لا تصدم !! :D

الموقف الثاني

في ليلة كان صاحبنا أبو سلطان متضايق :( ، و كنت أواسيه و أحاول أهدّيه :) ..

الرجال حالته النفسية كانت سيئة :sad: ..

المهم .. قلت له : يا أبو سلطان اصبر و أنا أخوك :yes: ..

رد علي : آآآآه صدقت .. من صبر لبق !! :D:D

يعني المثل ما هو ( من صبر ظفر ) .. و لا هو ( من سبق لبق ) !! :D

ضحكنا بعد هالكلمة ضحك خلانا ننسى حزن أبو سلطان ..

و من ( صبر لبق ) !! :D

الموقف الثالث

كنا جالسين في المجلس أنا و أبو سلطان و بعض الشباب :cool: .

واحد من الشباب كان يتكلم عن شخص نعرفه توفى من فترة ..

جاء أبو سلطان و سأل : وش سبب وفاته ؟؟

رد عليه : و الله سرطان !! :sad:

أبو سلطان بنبرة حزينة : الله يشفيه !! :bigeek::D

هذي قوية يا أبو سلطان .. يعني الرجال شبع موت و انت تقول الله يشفيه !!! :D

قمة الأخلاق !! :laugh:

الموقف الرابع

كنا جالسين زي العادة أنا و أبو سلطان و معانا واحد من عيال عمي ..

قال ولد عمي لأبو سلطان : وين ولد عمك فلان ؟؟ :rolleyes:

رد حبيبنا : و الله رايح للديرة لأن جده متوفي ( يقصد جده لأمه ) .

قال ولد عمي : جدّك انت ؟؟ :bigeek:

رد أبو سلطان بسرعة و قال : بسم الله عليه !! :mad:

الشيء الغريب ما هو رد أبو سلطان !!

الغريب إن جده متوفي من 25 سنة !!! :D:D

هذا بعض ما أتذكره من سوالف ( أبو سلطان ) :D:D ..

و اللي عنده مواقف طريفة لا يحرمنا منها :cool: ..

تحياتي ..[/ALIGN]

[ALIGN=CENTER]

إقتباس:

اسمه أبو سلطان

:eek:هذااسمه انت متأكد:D

إقتباس:

( شرواكم

شرواك الطيب:D

إقتباس:

هذا بعض ما أتذكره من سوالف ( أبو سلطان )

الصراحه خويك رااايق لاتفرط فيه :yes: وسلملي عليه ;)

إقتباس:

و اللي عنده مواقف طريفة لا يحرمنا منها

والله خويك ابوسلطان ماترك لناشي :D

الله يعطيك العافيه على هالمواقف السلطانيه:D

تحياتي وانااخوك
;)[/ALIGN]

هلا والله بالأزر ق العالي ..

يالله أنك تحييه ..

أما خويك ابو سلطان سلملي عليه تكفى :D

قسم بالله تحفه من جد ..

اما الله يجزانا خير :D قسم بالله ياانا ضحكت ضحك مهوب طبيعي :D

الله يرجك يا ابو سلطان :D

ياعيني على الأمثال والحكم أجل من صبر لبق :D


أجل متوفي من 25 سنة وهو يقول بسم الله عليه :D :D :D

إلا يالأزرق ابو سلطان يشرب بايسون وإلا لا :D :smilewink :D ؟؟؟!!!؟؟؟

هذا واحد من الشباب توه داخل علينا في بيت واحد وشايف حادث الله يكفينا الشر وكل مسلم ..

عاد جاء يبي يقول لنا السالفة قال توني شايف حادث سيارتين متقاطعين بالتلازخ :D يبي يقول متلازخين بالتقاطع :D :D :D من عقبها ما كمل السالفه :D :D

والسوالف من هالنمونه واااااااااااااااجد بس خلها على ربك :D

تحياتي لك ولأبو سلطان .,,

شف يالآزرق اذا ابو سلطان يبي يوزر حاااااضرين :D
واذا يبي نجي ونحب خشمه علشان يشاركنا حااااضرين :D

لان مثل هالشخصيات يا تلحق عليها يا تنقرض :smilewink

تحياتي لك ولابو سلطان ;) والله يخلي لكم البايسون :D

الـحـاتـمــي ..



مــر مـــن هــــنــــا ...


ويـقـول : سلملي على أبو سلطان :D:D:D:D

بس شكلك أنت و أخوياك يالأزرق , ما تخلون الواحد يكمّل جملة , الاّ و مصححين أخطاءه !! :D:D

[ALIGN=CENTER]برق الزعيم

إقتباس:

هذااسمه انت متأكد

لا تدقق :D ..

إقتباس:

الصراحه خويك رااايق لاتفرط فيه :) وسلملي عليه

أبو سلطان ( ثروة وطنية ) :D ما نفرط فيه ..

و سلامك وصل :D ..

إقتباس:

والله خويك ابوسلطان ماترك لناشي الله يعطيك العافيه على هالمواقف السلطانيه تحياتي وانااخوك

حلوة المواقف السلطانية :rolleyes: ..

يصلح عنوان كتاب !! :D

تحياتي ..[/ALIGN]

[ALIGN=CENTER]سهل 888

إقتباس:

شف يالآزرق اذا ابو سلطان يبي يوزر حاااااضرين واذا يبي نجي ونحب خشمه علشان يشاركنا حااااضرين لان مثل هالشخصيات يا تلحق عليها يا تنقرض تحياتي لك ولابو سلطان والله يخلي لكم البايسون

:D :D :D

لازم نسوي له ( استنساخ ) علشان ما ينقرض !! :D:D

خلاص .. بأقدم له العرض و إن شاء الله يقبل !! :D

تحياتي ..[/ALIGN]

8


8


8


بصراحه مواقف ضحكت حتى كدت ابكي من الضحك اجل الله يجزانا خير ماصدمنا :D :D

وسرطان ومتوفي والله يشفيه ... فعلا قمة الا خلاق هاذا الرجل وسلملنا عليه .

تحياتي لك ياغالي .

وللجميع تحيتي .

[ALIGN=CENTER]من جد على نياته ابو سلطان
وبلغه تحياتي :yes:
ومهوب بعيد عن خوينا اللي قابلته في المقبره
يقولي الله يبارك في هالساعه اللي شفناك فيها :D[/ALIGN]

:):):):)
انا مع سهيلان:)

وين نلقى مثل سلطان بهالزمان:o

هلا بالغالي :D

اجل الله يجزانا خير عشان ما صدمنا :D:D

هذي والله ما سبقت ابد :D

والله من العجن بالسوالف هههههههههههه

على العموم خذ هذي .

مرة طالعين حنا وشباب للبر ..

المهم كان واحد يسولف عن سفريه له بالخارج ويقول كانت الطبيعة على كيفك <<< يقصد الديرة الي مسافر لها .
المهم :
يتكلم بالطبيعه وكذا ما درينا إلا يوم قال : ما خرب طلعتنا إلا الجو (( موتن حمر )) :eek:
انا سمعت موتن حمر ولتفت عليه قلت وشو الي موتن حمر :eek: >>> أنا احسبه شايفن وحدة مزيونه .. يوم قال الجو حرن موت :D >> يوم قعدنا نضحك عليه :D اثرة يقصد الجو كان حااااار :D

وعلى قولت خوينا صدى الأمس : والسوالف من هالنمونه واااااااااااااااجد

بس حلاتها في وقتها :D

ومشكور إخوي الأزرق العالي على هل موضوع الطريف :)

تحياتي لك

يا حليلك والله يابو سلطان سلملي عليه وبعدين انتم شكلكم تدققون عليه خل الرجال يعبر عن مشاعره بدون تدقيق اما الله يجزانا خير اللي ما صدمنا قويه
وعلى فكره هالحركات هاذي والتكليجات تذكرني بواحد اسمه فهد حبوب لأبعد درجه
هذا طال عمرك فهد اذا جلس عند مطاوعه يرتبك ومره وهو جالس عندهم وحطو العشاء قالو له تعش قال بس والله جزاكم الله خير وكثر الله أمثالكم معي حرقيه وحسسان <<----- صيده حساسيه وحرقان

والغلطات واجد من هالنمونه

[ALIGN=CENTER]الفيصل الهلالي

إقتباس:

ياحليل صاحبك :D يذكرني بواحد من الشباب معانا في العمل:D:D

طيب .. قلنا بعض سواليفه !! :D

تحياتي ..[/ALIGN]

[ALIGN=CENTER]هلالي شامخ

إقتباس:

هــلا أخــوي الازرق ..

هلا فيك :) ..

إقتباس:

سلملـي تكفـى كثيـر علـى ابو سلطــان :D

يبلغ :D:D .. وينك يا أبو سلطان علشان تشوف معجبينك ؟!! :D:D

تحياتي ..[/ALIGN]

[ALIGN=CENTER]المعترض

إقتباس:

بصراحه مواقف ضحكت حتى كدت ابكي من الضحك اجل الله يجزانا خير ماصدمنا وسرطان ومتوفي والله يشفيه ... فعلا قمة الا خلاق هاذا الرجل وسلملنا عليه .

:D:D

أهم شيء هالمواقف تكون أعجبتك ;):D ..

تحياتي ..[/ALIGN]

>>>>> هلا بالغالي العالي <<< والله سجع

لكن خويك ذا تحفه سلم لي عليه وشكله دب ههههههههه

موضوع .. ( يوسع ) الصدر .. ! :D

الله يعــافيك ...


7
7
7















بســم الله علينــــا !! عــلى قولة أبو سلطان!!

أجـــل .. لأ يكــون أبو ســلطـــان .. هو .. اللي سمعنـــا أنـــه كـــل يوم ( مبنــشر ) مــوتــرهـ ..؟؟

ويوم قال لــه واحـــد من أخوياهــ ....

أنت وش قصتـــك كــل شوي مبنــشر ..
رد قال / يخــوي




قـــل مـــا شـــلللللله !! :D

[ALIGN=CENTER]الكنز نواف

إقتباس:

انا مع سهيلان وين نلقى مثل سلطان بهالزمان

:D:D:D

شـكراً على تأيـيـد الريّـس سهل :D ..

تحياتي ..[/ALIGN]

ديـــــ الـجـن ـــــــــك
 

[ALIGN=CENTER]

شرواك الطيب


ذكرتني بواحد الله يستر عليه مانسميه إلا عــــبــســـي



حــــــــــــــلـــــــــــــوووووووووووووة ;)




لا تعليق .. :D:D:D



أقــول لعد تأخذونه معكم ذا :D:D




والله ما أدري أيش أعلق وأقول ...
شكله قزم (( أتق شر من أقترب من الأرض )) :D[/ALIGN]

[ALIGN=CENTER]100% هلالي

إقتباس:

هلا بالغالي :D

هلاااا بـك :D ..

إقتباس:

مرة طالعين حنا وشباب للبر .. المهم كان واحد يسولف عن سفريه له بالخارج ويقول كانت الطبيعة على كيفك <<< يقصد الديرة الي مسافر لها . المهم : يتكلم بالطبيعه وكذا ما درينا إلا يوم قال : ما خرب طلعتنا إلا الجو (( موتن حمر )) انا سمعت موتن حمر ولتفت عليه قلت وشو الي موتن حمر >>> أنا احسبه شايفن وحدة مزيونه .. يوم قال الجو حرن موت >> يوم قعدنا نضحك عليه اثرة يقصد الجو كان حااااار

:D:D:D:D

الله يقطع بليسك !! :laugh:

إقتباس:

وعلى قولت خوينا صدى الأمس : والسوالف من هالنمونه واااااااااااااااجد

راعي ( البايسون ) كل كلامه صح :D:D ..

إقتباس:

ومشكور إخوي الأزرق العالي على هل موضوع الطريف

العفووووو ..

حضورك أسعدني ..

تحياتي ..[/ALIGN]

[ALIGN=CENTER]ssuss

إقتباس:

يا حليلك والله يابو سلطان سلملي عليه

زي العادة .. سلامك وصل :D !!

إقتباس:

وبعدين انتم شكلكم تدققون عليه خل الرجال يعبر عن مشاعره بدون تدقيق

:D:D

يا أخوي واحد يقول عن رجال ميّت الله يشفيه :dead::D و ما تبينا ندقق ؟؟ :D:D

بس مثل ما قلت لازم نخفف الرقابة عنه شوي :D ..

إقتباس:

وعلى فكره هالحركات هاذي والتكليجات تذكرني بواحد اسمه فهد حبوب لأبعد درجه هذا طال عمرك فهد اذا جلس عند مطاوعه يرتبك ومره وهو جالس عندهم وحطو العشاء قالو له تعش قال بس والله جزاكم الله خير وكثر الله أمثالكم معي حرقيه وحسسان <<----- صيده حساسيه وحرقان

:D:D:D

حرقيه و حسسان :laugh: !!

بس ليش يخاف من المطاوعة ؟!! :uhoh:

شكراً لحضورك ..

تحياتي ..[/ALIGN]

[ALIGN=CENTER]الحلم الحزين

يا هلا و غلا ..

إقتباس:

أجـــل .. لأ يكــون أبو ســلطـــان .. هو .. اللي سمعنـــا أنـــه كـــل يوم ( مبنــشر ) مــوتــرهـ ..؟؟ ويوم قال لــه واحـــد من أخوياهــ .... أنت وش قصتـــك كــل شوي مبنــشر .. رد قال / يخــوي قـــل مـــا شـــلللللله !!

:D:D :laugh: :D:D

الله يقطع شيطانك !! :D

يعطيك العافية على هالحضور ..

تحياتي ..[/ALIGN]

[ALIGN=CENTER]ديـك الـجن

:D

أسعدني حضورك و ردك الجميل ..

تحياتي ..[/ALIGN]