|
ليه مايصير سامي راس حربه بدل تراوري لعدة اسباب @@ منها ان سامي اذا لعب وسط الملعب بيتعب بسرعه وذلك لعامل السن وغير كذا اللي وسط الملعب عنده مهمات دفاعيه منها الضغط على حامل الكره يعني لاعب الوسط رايح جاي اما اذا كان راس حربه المجهود يصير أقل . @@ تراوري لاعب سريع وحركي يعني لو يسقط ورا سامي ويلعب ايضا على الاطراف يجي منه كوره وترا كذا يصير أخطر ولاتنسون انه يملك قدم قويه نوعا ما. @@ سامي ماعنده فلسفه زي تراوي من النوع اللي يخلص على طول بس عيبه شي واحد احيانا يستسلم للرقابه . |
يالربع سامي انتهى يكفيكم لعبه اليوم يالله يشيل نفسه لاتقولون ماكتملت لياقته الرجال له شهرين وهو يتدرب مع الفريق وخروا اديموس والعلة لازالت موجودة المفروض يحترم تاريخه المتخم بالبطولات ويعطي الفرصة لغيره |
هلا وغلا اشكرك كثيرا على روعة موضوعك ... فعلا وهاذا مانريده عودة سامي لمكانه المعتاد لأنه وفي فتره سابقه ولنقص في الموهبه وصناع اللعب اضطر المدربون على الا عتماد على سامي وخصوصا بعد اصابة التمياط . واعتزال يوسف . ولكن مع عودة وتوفر صناع اللعب الآن لابد من عودة سامي لمكانه . احييك كثيرا ... تحياتي لك وللجميع . |
( سامي ما عنده فلسفه و يخلص الهجمة ) .. من تقصد سامي الحين ولا القديم ؟ سامي الحين يا يجيب هدف خرافي يا ما يجيب أبدا سامي وجوده بالملعب بالنسبة لي مهم و مهم جدا لكن مو في الهجوم , شف مباراة الخليج مع الخليج ما قدر يجيب هدف تبيه يجيب مع الأهلي؟؟؟ ادري ان سامي سجل هدف بس بعد ما رجع للوسط .. باختصار سامي لازم يلعب الشوط الثاني أو الأول بس .. لمصلحة الهلال أو يلعب طول المباراة إن كانت مباراة كأس أو خروج مغلوب .. هذا رأيي |
ماقصر وهو راس حربه انواع الفرص المهدره والله ان تقولون يازينك ياتراوري الجابر انتهى ليش نلعب على انفسنا الاحتراف مايبي عاطفه والا كان تمنينا الثنيان يرجع وهو بعكازين لكل زمان رجاله والجابر انتهى زمانه وسلامتكم |
سامي يرجع وسط سامي يطلع هجوم سامي يروح يمين سامي يرجع شمال سامي صانع العاب سامي عين المدرب سامي حارس مرمى سامي سامي سامي وكأن الهلال مافيه غير سامي وين نحطه 0000 يطلع لاعب جاهز حتى يلعب سامي يلعب لاعب في غير مركزه حتى لايطلع سامي رمية تماس يلعبها سامي فاول يلعبه سامي زاويه يلعبها سامي باقي ضربة المرمى ماشفته لعبها ولا مره 00 وباقي سامي يجلس بالاحتياط ويلعب شوط وكثر خيره وباقي سامي يشوف مصلحة الهلال ويترك مصلحته الشخصيه على الرف وتحياتي ،،،،، |
سامي عمرة 33 وعلى رأي الخبراء ان اللاعب في هذا العمر يعتبر في كامل النضوج وعيب سامي الوحيد انه مستولي :no: على الفاولات والركنيات وحتى ضربات التماس وأتمنى ان يتخلص من هذا العيب يامن تقولون ان سامي انتهى انتظروه في المباريات القادمة |
الا ليش مايلعب سامي وتراوري سوى بعدين ليش النصراويين اذا جاطاري سامي يتنرفزون ويفضحون انفسهم من غير مايدرون !!! هدوا اعصابكم عنده مستوى او ماعنده راضين به :harhar1: |
إقتباس:
[ALIGN=CENTER]هذا الكلام السنع سلمت اخوي s60s [/ALIGN] |
أنا أتمنى بصراحة يكون مهاجم .. لكن وجوده كـصـانـع لـعـب مهـم لـعـدم وجـود لاعـب صانع ألعـاب :) .. وفي المباراتين اللي لعبها سامي أمام القادسية والخليج .. لعبها سامي كمهاجم وأبـدع :) .. وصنع هدفين وسجل هدف في الخليج ( كصانع لعب خلف المهاجمين ) :) .. وفي المباراة الأخيرة لعـب وأبـدع بشهادة الصحف المحلية المحايدة :) .. وأيضاً المصرية :) .. وتقـولـون سامي انتهى ؟؟؟!!! :( تحياتي ،،، |
اشكركم على تجاوبكم بس الاخوان اللي يقولون ان سامي انتهى ولازم يعطي غيره فرصه هذا الموضوع اكبر مني ومنكم اللاعب تسبب في اقالة مدرب وكاد يتسبب في اقالة رئيس النادي يعني فكروا معنا في مصلحة الفريق من حيث وجود اللاعب كأساسي ... ((يعني خلاص سامي أساسي هذا موضوع منتهي)) وكلنا طموحنا في سامي أكبر من كذا لكن بدال من ندخل في صدامات مع بعض من حيث ووجوده او عدم وجوده لازم نفكر في مصلحة الفريق بوجود سامي كأساسي رضيتوا أم أبيتوا .. وهذا الشي مفروووغ منه بس اللي كنت افكر فيه وش أحسن مركز للاعب .. صدقوني سامي راس حربه أفضل من صانع لعب للأسباب اللي ذكرتها في الموضوع الاخوان فتى المحمل و ماء الذهب و Saleh Al-Maqbool و ابونواف الهلالى احترم وجهة نظركم بس اتمنى انكم فهمت قصدي يعني في وضع سامي الحالي مو احسن له راس حربه من صانع لعب ؟؟؟ ياليت تجاوبون |
بناء على نظرية GLI موافق موافق موافق تحياتي ،،،،، |
اما آن لهذا المحنط ان يترك المجال لغيره. ياناس ياهوووووووو ترى والله كرهتونا فيه من الغلو المفرط . سامي مرر تمريرة خياله<==هذي حسنته الوحيده في المبارة شفتا فاول سامي<==في نفس زاوية الحارس شفتا حركه سامي في الاعب الفلاني خخخخ<== والله ملينا. اقترح وضع قسم خاص لمحبي المحنط العالمي ولا وشرايك "ياواثق" |
[ALIGN=CENTER]مب لازم نحن قسم خاص .. عندنا ولله الحمد منتدى كامل منتدى ( مدمي الشباك ) ;) .. ما نحتاج اقتراحات من أحـد .. وبعـدين من وين جبت محنط ؟؟!!! قـد شفـت محنط عمره 32 سنة ؟؟؟؟!!!! الكُــره مـعـمــي عـيــونــك ..!!!!! وبعدين وين الغـلـو المفـرط اللي تـقـولـه ؟؟؟!!! هل أي واحـد يمدح سامي يكون ( مطبل ) ولا غـلـو مـفــرط ؟؟؟؟!!!! طيب .. بعطيك بعض الاقتباسات لتحليل المباراة الماضية :) .. إقتباس:
[HR] إقتباس:
[HR] إقتباس:
إقتباس:
[HR] إقتباس:
[HR] طبعـاً غير كلام المعـلـق المصري .. واللي مدحه في المباراة .. مثل كلامه ( المايسترو سامي الجابر ) :) .. ( الولد ده مالوش حل ) <<= طبعاً يقصد سامي ;) .. [HR] كــل الكلام اللي فوق من صحف محايدة تمدح في سامي .. هــل كـلـهــا صحـف مطبلة ؟؟؟!!!! هـل المعـلـق المصري ( المحايد ) بشهادتك أنت ;) .. هـل هـو مـطـبــل ويغـلـو في سامي ؟؟؟؟!!!!! يــا أخــي وش ذا الـكــرة اللي ما لـه سـنـع ؟؟؟!!!! يا أخي إذا كنت تكرهه في ناس يحبونه ويعشقونه .. على الأقـل احترم محبيه ولا تـرد ردود بصراحة ما لها أي معـنـى .. وفيها مـكــابــرة ... هل كل الصحف اللي فـوق مجتمعة مع بعـض ومتفقة كلهم إنهـم يمدحـون سامي ؟؟؟!!! وهــــــو مـــــا ســــــوى أي شـــــي ؟؟؟؟!!!! يا اخي اسأل نفسك هـالـســؤال :) ... وفـكـر بـعـقـلـك قـبـل عـاطـفــتــك :) .. تحياتي لك ،،،[/ALIGN] |
يابعد قلبي ياواثق والله لو انك عندي لأبوس رااااااااسك والله خلهم هذولا مايفقهون شيء بالكوره والله العظيم مايفقهون حاقه سااااااااااامي نبيه والله لو كان عمره 90 سنة ياحبيل التسعة |
| الوقت المعتمد في المنتدى بتوقيت جرينتش +3.
الوقت الان » 10:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd