|
thankx a lot bro but take car if you agree what me you will be nassrawi mondasi :D thank you very much al 6aooos |
وقريباً سيظهر لنا النجم الاعلامي ليصرح ان المدرب مايفهم وانه اقل من طموحات الفريق اذا ما لعبه المباراه الجايه 000 اعود للموضوع واوافقك الرأي ابوسلمان في 99% من موضوعك 000 تحياتي ،،،، |
الأخ الغالي أبو سلمان أتفق معك في كل كلمة قلتها وسبق أن لمحت اليها في مواضيع وردود سابقه ولكن .... أصبحت المندس واني لم اشارك الا لزيادة نارالفتنه في الهلال... وفي أفضل الاحوال لا احد يرد على الموضوع... أخي الكريم صحيح ان لأديموس أخطاء ولكن كنت متيقناً من أن الهلال إذا لم يفز فلن يهزم ولكن مع تشتيت فكر المدرب ومحاربته كيف تريده أن ينجح.. حاربوه بسبب النجم وهو لديه قناعه لا مكان لمن لم يكن جديرا باللعب.. أديموس رحل وقد قلتها سابقاً بأن طريقة طرده تذكرنا بالمدرب الكرواتي يوزيك والآن يحاولون ان يوافق على تدريب الهلال ... لن تعرف قدري حتى تجرب غيري .... عموماً ...في إعتقادي الشخصي ان الهلال أكبر من العجلاني... لكن نقول الله يوفق الهلال . لك تحياتي |
بو سليمان....صباح الخير.... نفسي أعرف وش بينك وبين سامي؟؟؟؟ هل سامي هو اللي قال للعجلاني انفض الغبار عن المسعري ولعبه أساسي ؟؟؟ هل هو اللي قال للعجلاني نزل تركي الشايع بديل وهو يمكن من مبارة الهلال مع الاهلي المصري في بطولة الصداقه اللي ينضمها النادي الاهلي السعودي يوم هو جاب هدف الفوز وبعدها ما طقها مع الهلال ؟؟ عجبي عليك يا أخي أبو سليمان؟؟؟؟ وش دخل سامي في مباراة البارح ؟؟؟ اجل هو اللي حط الخطه أو هو اللي أختار التشكيله؟؟؟ حبيبي أبو سليمان.... يمكن كلامك فيه من الصح مع بعض اللاعبين المنتهيه صلاحيتهم أمثال المسعري والشايع والمطيري والخثران والشيحان والقائمه تطول؟؟؟ أبو سليمان.... أنت تقول أن اللاعب الوحيد اللي كان يجهز كور للهجوم واللي هو سعد الدوسري بدله بمهاجم ؟؟؟؟ طيب ليه ما لعب بدلا منه / عبد الله المطرف ؟؟؟ والا سامي مانعه من اللعب ؟؟؟ حبيبي ابو سليمان.... اذا أردت أن يكون موضوعك هادف واصلاحي عليك بترك تصفية الحسابات بينك وبين (سامي الجابر) اذا كان هناك حسابات بينك وبينه ؟؟؟ اما ان تحمله كل اخفاق يحصل للزعيم وتقول سببه سامي ...فهذا تجنى منك عليه هداك الله. اخي أبو سليمان انت أكبر من انك تحط نقرك من نقرلاعب وتخليه هو سبب هزائم وبلاوي الهلال. حبيبي الهلال من بداية الموسم وهو يتأرجح ...حبه وسط (مهوب فوق) وحبه تحت سواء مع أدموس أو غيره سواء لعب سامي أو ما لعب والسبب معروف كما أسلفت البقاء على الاسماء الرنانه والتي عثى عليها الزمن والتخبطات التي كان يخترعها أدموس وبعض الاخطاء الاداريه التي لا تخفى على الجميع من استعارة لا عبين منتهيه صلاحيتهم اصلا مع أنديتهم وعدم حسن اختيارهم للاعبين الاجانب المؤثرين امثال بدرا وغيره ومن المسعري للشايع ويا قلب لاتحزن ؟؟؟ وبعدين ليه كل بطوله يشارك فيها الزعيم لازم ياخذها ؟؟؟ أجل الفرق الثانيه ما لها حق تنافس على البطولات ؟؟؟ والا حنا فريقنا غير من المريخ.... ياجماعه زي ما يفوز ممكن يخسر وهذا حال الكوره في جميع انحاء العالم؟؟؟ والا حنا حكر علينا البطولات ؟؟؟ أقول اذا هذا مستوانا علينا بأن نقتنع بما ألت اليه الامور في الفريق هذا الموسم واليقين بأن الزعيم بهذا المستوى لن يحقق ولا بطوله . و على ادارة الفريق التفكير مليا بالانسحاب من البطوله العربيه للانديه والبطوله الاسيويه والتركيز على بطولة الدوري يمكن....أقول يمكن بقدرة قادر نفوز بها ؟؟؟ أما اصلاح ما أفسده الزمن وادموس وقناعة الاداره ببعض اللاعبين المنتهيه صلاحياتهم فعليها التفكير فيها مع بداية العام القادم باذن الله. تحياتي وأشواقي الحاره لكم |
[ALIGN=JUSTIFY]أبو سلمان ، بكل أمانة .. لم ألاحظ أي فرق بين الهلال وقت أديموس و الهلال الآن .. و لأكون أكثر وضوحاً ، يوجد بعض اللاعبين في التشكيلة الهلالية الآن و يوجد من هو أفضل منهم في المقاعد الخلفية. هذه المشكلة كانت مع أديموس و بقيت مع العجلاني !!!! و لم أجد لها تفسيراً منطقياً ... همسة في أذن الاحبة : يجب أن نتفهم دوماً الرأي الآخر و نتقبله . ليس من الحكمة أن نسارع بإطلاق التهم لمن يخالفنا. إن كان ابو سلمان نصراوياً (كما لمح أو صرح البعض) وهو بهذا الطرح ، و الغيرة على الهلال .. على الاقل من وجهة نظره ، فهذه بشارة اننا الرياضة لدينا بخير. يُقال إذا كان لديك أثنان كلاهما موافق فأحدهما يمكن الاستغناء عنه. شكراً لك على حسن تقبلك للآراء المخالفة ... [/ALIGN] |
يأبو سلمان يأبو سلمان الله يهديك طيب حنا ماقلنا شيء أديموس كان كويس لكن بعض أعضاء الشرف وبعض الجمهور وسامي الجابر ما يبونه علشان سامي مايلعب أساسي معاه لكن هذا مو معناة أنك تحتقر العجلاني وتخليه مايفهم كوره حبيبي لو مايفهم العجلاني كوره كان ما شفناه قدم مستويات مع القادسية وكان ماشفناه أنتشل الطائي من المراكز الأخيره الى المراكز الدافئه يعني ياحبيبي المدرب العجلاني مدرب جيد وبدليل نتائجه مع الفرق الأخرى قبل قدومه للهلال وأنا اللي كنت أقصده في كلامي ليس الحديث عن سامي الجابر لأني أعتبر موضوع سامي موضوع أنتهى وقيل فيه الكثير وكل شيء ضهر على حقيقته لكن كنت أقصد بأنه يجب عليك عدم الأنتقاص من قدر العجلاني فلنقل بأنه أخطأ في تغييراته طيب ياحبيبي مو مشكله حتى أدموس خبص في مبارة الأهلي وكلنا يذكر هالمباراة وأقولها لك بكل صراحه المشكله ليست في المدربين ولا في عناصر الفريق كلاعبين لأن عندنا لاعبين أن لم يكونو مميزين فهم بالتأكيد افضل بمراحل من أغلب الفرق السعوديه لكن ياحبيبي المشكله نفسيه بالدرجة الأولي ياخي أنت عارف ان فيه لاعبين يتابعون المنتدى ويتأثرون بالكلام اللي يسمعونه سواء من أداريين أو حتى من أعضاء المنتدى واغلب مشاكل الهلال بدأت من بيروت فلو كان هناك رد أداري صارم مع سامي الجابر كان ماحصل اللي حصل لكن تمادي اللاع بأثر على نفسيات اللاعبين الجاهزين وكلنا شاف مشكله حسين العلي يعني والله حرام يكون عندك في الفريق لاعبين جاهزين وترزعهم في الأحتياط لعيون لاعب واحد فأكيد هذا الشيء راح يأثر على اللاعبين وراح يلعبو من غير نفس وأيضا هناك شيء ثاني وهو عزوف الجمهور عن الحضور للملعب وخاصه جمهور الرياض وهذا الشيء بكل تأكيد راح يأثر على اللاعبين فهم مطالبين بتحقيق جميع البطولات اللي يشاركون فيها وجمهورهم ما يحضر مطالبين بتحقيق جميع البطولات وبعض اللاعبين يريدون التدليل على حساب الفريق مطالبين بتحقيق جميع البطولات وأعضاء الشرف يقدمون أستقالاتهم مطالبين بتحقيق البطولات والجمهور العزيز يشتمهم داخل وخارج الملعب مطالبين بتحقيق البطولات وادارة النادي لديها عجز مادي فكيف نطالبهم بتحقيق البطولات وأمامهم فرق كبيرة وجاهزة على أكمل وجه ولدينا كل هالمشاكل علشان كذا أخوي أبو سلمان أنا كنت انتقد أسلوبك في التعليق على مشاكل الهلال فالله يرحم والدينك أنا ما أشك ولو واحد في الميه بأنك لست هلالي صميم لكن اللاعبين ماهم ناقصين ضغط نفسي زيادة ووالله لو بيدي شيء كان أقفل منتدى الزعيم حتى نهاية الموسم لكي لا يتابع اللاعبين تعليقات الجمهور وأرآء نقاد الغفله يأخي حنا كمشجعين صابنا ضغط نفسي من اللي يصير في الهلال فما بالك باللاعبين تحياتي أخوي |
كلامك صحيح اخوي والجهاز الفني السابق كان شجاع بعدم مجامله سامي على حساب الفريق...احترم شجاعه ادموس ويان لانه كان بامكانهم اشراك سامي والشيحان علشان يسكتون الجماهير ومع كذا رفضو لعد جاهزيه الاثنين....يان وصل لمرحله اقتنع فيها ان سامي مدعوم وكلامه راح يمشي.. بعد ماستقالو او تمت اقالتهم الي تبي يان قال لي العباره ذي "any fight with sami is impossible to win" وواضح ان كلامه صحيح...الحين يقولون الاصابات سبب الهزيمه!! طيب ليش ما كانت الاصابات سبب مقنع يوم تعادلنا مع الاهلي... |
<FONT FACE="WinSoft Thuluth" SIZE="4">[ALIGN=CENTER]]عز الله انك صدقت يابو سلمان في كل اللي قلته.. الا الشريده تراه افضل الموجودين وفاد الفريق كثير ولكن لايمنع ذلك من البحث لاعبين بدلاء له.. اما بالسنبه للباقي...فهم عواجيز حتى وان كان بعضهم صغير بالسن..فلعبهم يوحي لك بعدم قدرتهم على الحراك.. ابوسلمان ...اد ديموس كان الاعضاء مقتنعين فيه ..الا ان جاء الفلته ورئيس النادي واللاعب والمدرب (سامي الجابر) وتلفظ على المدرب ونسي نفسه ، ومن ثم قدم اعتذاره الى نهاية الموسم ...ولكن تفاجأ سامي باستقالة المدرب ...فعاد وقدم اعتذاره لرئيس النادي فقط(مع انه من الواجب ان يعتذر لنا نحن الجمهور ) ورجع وقد حقق ما أراد بالغاء عقد المدرب والتهجم على كل من عمل مع رئيس النادي.. على العموم نحن ننتظر رد الكابتن سامي الجابر في اقرب فرصه ونتمنى ان يكون ذلك على الهواء..واقول لبعض المغلوب على امرهم من الجماهير فكروا بعقولكم واتركوا عاطفتكم لأمور اخرى.(ربما سن المراهقه ..او على الاقل سن مراهقه متأخره :)؟؟؟ ) ابو سلمان ...انت مندس ونصراوي ..و..و.. كل هذا لانك تتطرقت لسامي الجابر. اما اي كلام عن النادي ...خذ راحتك لان نادي الهلال مايهمنا ...ابد. اتمنى من محبي سامي عدم ادخال العاطفه في الموضوع ...فنحن من نحكم على مستواه ولكن لن ننسى تاريخه ...فهذا هو العدل. ابو سلمان ...مره اخرى حدد في عنوان الموضوع ...السن المسموح بدخوله....لقرأة الموضوع تحياتي [/ALIGN]</FONT> |
[ALIGN=CENTER]اخوي ابو سلمان . اتمنى انك ما تزعل من كلامي . انت من جهه والكورة من جهه هذا واحد . الثاني من فترة وانت تكتب وكاأنك انت تشوف شي غير الي نشوفه ماشاء الله فاهم بكل شي في الأدارة وفاهم با التدريب وعارف الي يصير با النادي ولك علاقات ماشاء الله وتقيم لاعبين ..( انا مدري ) اتوقع قبل ما تعرف الكورة وهم يراكضون با الملعب . بصراحه كلامك استفزازي وشكلك تحب تكون مميز . لكن وانا اخوك تقدر تصير مميز بدون ما تغالط الحقيقة وتلعب على نفسك وتسب الناس حتى الخالد جلس شهرين في النادي ما سلم من لسانك .شكلك تبي تصير مثل عبدالرحمن بن سعود . والعجلاني لايمكن يفلح مع فرق ما فيهاالا لاعب او لاعبين ويمشي صح مثل الطائي والقادسيه ومع الهلال ما يمشي وفيه كذا نجم .... امس الشوط الأول حواري من الشباب والهلال . والثاني هجمتين للشباب هدف غلطة حارس والثانيه الوقت الضايع طلعت برا. والعجلاني امس ما قال لتراوري ضيع ثلاثه اهداف قدام الباب وما قال للمهنا لاتحسب ضربه جزاء وخل الشباب يضيع الوقت ولعيبته يكسرون لين انها المباراة لكن على العموم انا من شفت المهنا وانا عارف انه وجه نحس . اخوي ابو سلمان ......( ها الأسم شكلك مختارة علشان تبين انك كبير وانت توك شباب)...... لا تزعل من كلامي لكن انت كذا دايم تحب تكون لك مواضيع الردود عليها واجد . على فكرة مواضيعك بعضها حلوة وتعجبني لكن ابعد عن التجريح نصيحه اخويه لأنه راح يجي اليوم الي يقتص منك وتحاسب على كلامك . تحياتي لك .[/ALIGN] |
إقتباس:
|
الاخ صالح الله يستر خاصه ان خط برنامج كل الرياضه ما ينشغل كثير قال ايش قال ماكليت ولا جاني النوم ارابيسك الله يرحم والديك قل امين كلامك درر وله اكثر من معنى الاخ بخيت ردك شيق لكن لن ارد عليك لانك اتهمتني بتقصد سامي سامي من اعز اصدقائي من داخل الوسط الرياضي واتهامك اقسم لك ليس بمحله القاضي الف الف الف الف الف الف شكرا وصدقني ما اعبر كلنة مندس أي اهتمام ولا تهتم بقول رايي لو على حد السيف تحياتي لك واكرر شكري ssuss طيب ايش فيها اخوي ان الاعبين يعرفون انهم ماعندك احد خلهم يقرون ويعرفون نظرتنا لهم ونظرتنا الحقيقيه تراهم من غير الهلال ومن غير جماهيره ولا شيء واولهم سامي اما بخصوص العجلاني كانت جدتي تعرف تدرب فهو يعرف يدرب شكرا لك مره اخرى هلالي في اريزونا كلامك صح بس جماهير الطواقي وياعمري ياسامي ما يعجبهم هالشيء عاد تبي الصدق سامي جاملوه يان وادديموس يوم حطوه من ضمن المعسكرين ولا حتى الـ18 المعسكرين ما يستحق يلعب معاهم سعد الشريده صدقني شايلينه الي حوله شف ارتقأه في الاوفرات شف نحشات عند مواجهة الخصم والله اتعبنا وانا اقول الرجال ماقصر بس انتهى تكفى اخوي سعد حددلي العمر عشان اكتبه في عنوان الموضوع :D :D |
8 8 8 اقول ابو سلمان انت s37s |
صبحك الله بلخير يابو سيلمان يوم بعد يوم اشوف فيك روح و الغيرة على شعار الهلال المفقودة لدي اغلب جماهير الطواقي قوم ياروحي يالذيب والله ان الخلل ليس في اديموس و قالها الفيلسوف الي شاف العجلاني بتغيراته وطريقة لعبة( 4-2- العبها لاقرب فنيلة زرقاهو يتصرف) و انا غاسل يدى من ها المدرب السكة لو فيه خير كان ماتركة الطائي لو فية خير كان ما خلاه الخليج او القادسية و بعدين وش التاريخ الي عنده خليج، قادسية، طائي سجل تدريبي يفشل لو الخالد او الحبشي يمكن ارحم و بعدين المدرب زي العجلاني يبي يكون ضعيف شخصية امام النجم السابق يعني ملعبة ملعبة و على ماقالو المصرين اكل العيش يحب الخفية. اما بنسبة ما يخص الاعب محمد العنزي فانا اختلف معك يا ابو سلمان انا اشوف الاعب محمد لاعب جيد في خط الوسط قتالي يسلم و يستلم الكورة بشكل سريع و قليل الاخطاء يضغط علي الاظهرة الخصم بشكل مستمر يمنعهم من التقدم اتمنى منك يابو سلمان اعادة النظر و انصاف الاعب حتى في مباراة الامس اطيب الذكر العجلاني خلاه يلعب في الوسط الايسر و هو لايجيد هذه الخانه كان من الافضل وضع الشايع محور مع عزيز و ابقاء العنزي يمين و لعب الخثران يسار عموما اقول ابو سلمان الف شكر لك ويعطيك الف عافية |
ابو سلمان شكلك مشبه ترى تراوري امس الي ضيع 3 فرص مب سامي اكيد فرحت زيدت رد في موضوعك |
الاخ البيرق ابدأ ماراح ازعل وقل الي تبي بالنسبه ان الكوره من جهه وانا من جهه اقولك السبب يوم حطها الشلهوب لي توقعت انه بيحطها جهة اليمين وانطلقت لليمين وهو حطها اقرب ليسار والخطأ مشترك اول مباراة نلعبها سوا ماحنا متفاهمين:D الي تشوفونه عاجبكم والي اشوفه عاجبني ومافيه اختلاف كل واحد حر بالي يشوفه انا مافرضت عليم تقتنع باللي اقوله اما بالنسبه للتمييز ولو هذا مرادي كان نزلت اخبار الهلال ونوايا الاداره قبل لا ينزلونها بشهر وصرت مميز طيب اذا العجلاني ماقال لتراةري ضيع فرص ولا قال للمهنا لا تحسب بلنتي ادديموس ماقال لترةاري و(غيره) ضيعوا فرص وللمهنا احسب بلنتي فضيحه قدام الوحده ولا قال للحكم اطرد سيفو ولا قال اشياء كثيره بالنسبه للاسم سلمان الله يحفظ الجميع عمره 15 سنه وهلالي ومو مندس اما الاقتصاص فانا جاهز باذن الله ولا احد يعلم عن خاتمته واللع يذكرنا بالشهاده وجميع المسلمين لكن ما اشوف بكلامي تجريح !!! ياسيدهم وينك شكرا لك ياغالي |
| الوقت المعتمد في المنتدى بتوقيت جرينتش +3.
الوقت الان » 04:35 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd