قصيدة بمناسبة الخسارة والخروج
 

بسم الله الرحمن الرحيم ,,

صراحة حبيت ارتجل لكم هالكلمات بعد الخسارة ,,

....

وش خسرنا لاخسرنا كاس واحد
................. المهم الدوري اللي مارحل


مانبي يفرح عدو وشخص حاقد
................. له ثمانين الف عام ٍ ماعقل :mad:


يشتم الازرق وشتمه حيل واجد
................ غافل الا عن ضغونه ماغفل


لجل يحرق مجدنا دايم يجاهد
................. باذل ٍ لاحراقنا كل السبل


لكن الازرق وهو مي ٍ وبارد
................. من لمس به لازم انه ينقتل


ازرق الامجاد طول الوقت مارد
................. والحسد يشبع به اصحاب الجهل

........

وسلامتكم

بس هذا اللي طلع معي الحين معليش :D

طبعاً عارفين من اقصد بالحاقد (( ابو ثلاث ضربات جزاء فكل مباراة للنثر :D ))

على فكرة انا سبق ونشرت قصيدتين عن الهلال فالرياضية وقصيدة عن سامي مدري اذا احد فيكم قراها منها البيت اللي يقول :

مارد يعرفونه فرنسا ولبنان
.............. وانجلترا شافت وجوده ضروره

جمهوره اكثر من جماهير زيدان
.............. ولاشاف مرمى الخصم لازم يزوره


......
اخوكم (( خالد الحريبي ))

وش خسرنا لاخسرنا كاس واحد
................. المهم الدوري اللي مارحل


مانبي يفرح عدو وشخص حاقد
................. له ثمانين الف عام ٍ ماعقل


----------------
جمهوره اكثر من جماهير زيدان
.............. ولاشاف مرمى الخصم لازم يزوره


مشاء الله اجل على السليقه :D

صح الله لسانك:D

صح لسانك ,, والله يعطيك العافية على هالأبيات الجميلة ,,

وياليتك تعيد لنا كتابة قصيدة سامي لأننا لم نقرأها ,, وأعتقد هذا وقتها ,,

تحياتي لك ياشاعرنا ,, والله يحفظك ,,

خاااااااااااااااااااااااااااااااااااااااااااااااااااالد

طلب صغير مني
ابيك تكتب قصيده ساااااااااااااامي من جديد

صحت ابدااااااااانكم جميعاً احبااااابي ,,

وبالنسبة لطلبكم اني اكتب قصيدة سامي من عيوووني لكن ماراح اكتبها الا اذا شفت سامي

سامي اللي اعرفه وتعرفونه ويعرفه النصر والاتحاد والاهلي

اذا شفت سامي راح اكتب قصيدة سامي :)


وعلى فكرة انا متأكد اني فالقريب العاجل راح اشوف سامي ;)


تحياتي