|
.. وســــــقـــــــــــــــــــــــط الهـــــــــــــلال !! خسر الهلال .. عفوا تعادل .. وش الفرق .. المهم طلعنا من البطولة .. زينا زي النصر ... وزي الاتحاد العام الماضي وزي ما ادري مين السنة الجاية ؟ خلاص .. انتهى الهلال ولازم ينسحب من البطولات الثلاث اللي داخل فيها ونقوم بتغيير كل شيء في الهلال ! من يوم الخروج الأسود وهذا حال الجمهور الهلالي اللي ما يسر لا عدو ولا صديق ... ناس تقول ادديموس علّة .. ادديموس ما يفهم كورة .. ادديموس يدربي راسه وما غير يتأمر .. غيروا ادديموس ..الـ ...... الهولندية ؟؟ على طاري المدرب .. البارح اتصل فيني واحد ماله دخل في الكورة وما يدري اذا الحارس يقدر يمسك الكورة لين رجعها الدفاع والا لا ؟ بس درى عن نتيجة المباراة وقال لي وهو يمزح .. ياخي مدربكم ذا فاشل ؟ قلت له وانا اضحك .. وش دراك ..؟؟ قال لي كل هلالي اشوفه يقول لي المدرب هو السبة :) وناس تقول ابراهيم اليوسف .. ماله شخصية .. وين الأحمد ووين اليوسف .. النعيمة .. شيلوا اليوسف .. وناس تقول سامي الجابر .. معك سامي .. لا تروح يا سامي .. ماعندك سالفة يا سامي.. ناظر نفسك يا سامي ... وناس تقول منصور المنصور .. وش الفايدة منه ؟ وش نبي به ؟ وناس تقول المطرف .. الشايع .. البرقان .. الحوطي العنبر .. فهد سرور .. الخراشي .. الحبشي احسن .. وناس تقول .. الامير هذلول استقال والسبة ادديموس اعضاء الشرف ما يبون المدرب الامير عبدالله بن مساعد لم يقدم شيئا للهلال ارحل يا بن مساعد .. ارجع يابن سعيد .. وكل واحد عنده دلو فيه موية يجي يصبه يمكن تطفى الحرايق .. اصبحنا نتناقش ونفتح مواضيع كثيرة تسبب الفرقة اكثر من البحث عن حلول .. اصبحنا في بعض مواضيعنا نتناقش باسلوب "انا قايل لكم من أول .. خلكم تستاهلون .." لم تكن طريقة النقاش في بعض المواضيع مقبوله .. ولم يكن في بعضها سوى افراز كمية الغضب في هذا المنتدى بل ان بعضها تطاول وسب واخطأ .. عندما كنت اتصفح المنتدى بعد الخسارة ؟؟ فقط عملية تحديث منتدى الجمهور الهلالي وقراءة عنواين المواضيع ذكرتني بمنتدى الاتحاد بعد الخروج من امام الهلال في كأس ولي العهد الماضي ؟؟ ذكرتني بمنتديات النصر ( كل شهر :) ) لماذا اصبحنا مثلهم ؟ لماذا هذا السوء في ابداء وجهات النظر؟ لا اقول ان آرائكم صحيحة .. او خاطئة .. ولكن طريقة ابداء الرأي لم تكن صحيحة اطلاقا .. تغيير الاداري او المدرب او اللاعب والرئيس .. تحتاج الى روية وهدوء ليس الى عصبية ما بعد المباريات واسلوب "يا تقتنع برأيي والا ان رديت على الموضوع تراك ما تفهم" والا وش الفرق بين جمهور الهلال و غيره؟ ولا يكفي فقط ان يكون منظرنا في الملعب اوروبي وطريقة نقاشنا وحوارنا اتحادية ونصرواية ؟ اذا كان مافيه فرق ... خل نقول مع بعض .. ســــقـــــــطالــــهــــــلال ليت الامير عبدالله بن مساعد يصدر بيان يقول شيء حتى لو يسوي ندوة كاملة يحضرها اعضاء شرف واعلاميين وجمهور بمبلغ رمزي بعد يكون فيه نقاش من كل الاطراف المهم ما يتكلم كل واحد لحاله وفي النهاية اصواتنا غير مسموعة ؟ نبي حل .. مانبي حكي ! |
حطيت ايدك على الجرح اخوي الموهوب قبل لاينفتح اكثر واكثر وان شاء الله الاوضاع تتعدل ......... |
رد: .. وســــــقـــــــــــــــــــــــط الهـــــــــــــلال !! [ALIGN=CENTER]يسلمو الموهوب يعطيك العافية على كلامك عين العقل بس وين اللي يسمع الكلام من بعد الهزيمة والكل يسب ويشتم في المسؤولين عن النادي سواء جهاز إداري أو جهاز فني المفروض نكون أهدا من كذا بكثير مشكور وتسلم.. إقتباس:
|
إلى أغلى الهلاليين [ALIGN=CENTER]لنفترض جدلا أن الجماهير كانت مخطئة وهي تناقش الخسارة بعصبية و أن بعضها تجاوز حدود اللياقة و الأدب و إن كنت متأكد بأن ذلك نابع من حب و عشق للأزرق و لكن بكل صراحة الخسارة بالتعادل كانت مذلة لست عيبأ يا غالي أن تخسر في الرياضة ابدا فهاهو مانشستر يونايتد العظيم يقهر بالأربعة قبل لحظات أنا لا أوافق الجماهير أو غالبيتها بأن أديموس لا يفقه شيئ فهو مدرب عالمي له سمعته و وزنه في عالم الكرة و تلك حقيقة لا تقبل النقاش شئنا أم ابينا و لكن ليس من الضروري أن يكون مناسبا للفريق فكلنا نتذكر كيف نجح جويل سانتانا مع المدعو منافس و فشل بجدارة حيت تعاقد مع الهلال و في المقابل كاد بلاتشي أن يصاب بالقلب معهم و في آخر لحظة أنقذه الزعيم فقاده بإقتدار إذن و بمنطق شبه الإحتراف لدينا وصل المدرب لطريق مسدود مع الفريق و هنا لا بد من التجديد على طريقة مكره أخاك سيناريو يتكرر كثيرا بشكل ممل و سيأتي مدرب جديد و ينتعش الفريق و يفوز بمباراة و إثنين و ستة و ربما بطولة و لكن سيبدأ العد التنازلي كالعادة و تعود المطالب من جديد المدرب غبي.. المدرب فاشل و للأسف الشديد ينجو اللاعبون في كل مرة و يرفض الأغلبية الإعتراف بأن الخلل داخلي نحتاج لغربلة نحتاج للتجديد بكل صراحة لماذا لا نحاول و لو على سبيل التجربة أمامنا 3 بطولات قادمة و مهمة لماذا لا نمنح فريق الصداقة فرصة في واحدة بشرط ان ندعمهم ببعض الأسماء المميزة لن أحدد أسماء بعينها و لكن أقول أمنحوهم الفرصة و أدعموهم بالخبرة و بعد ذلك قارنوا بين نتائج الفريقين لا ترموا بالكرة بكاملها على المدرب حتى لا تستمر المعاناة و تستفحل تحياتي[/ALIGN] |
أولى الحـلول يـ الموهوب هي إبعاد أد ديموس .. |
إقتباس:
|
[IMG]هذا مب حالك بس بل حال كل هلالي الله لا يسقط الهلال والله يخرج اديموس[/IMG] |
لي عوده لهذا الموضوع :) والله ما لي خلق أكتب الأن !! :) |
[ALIGN=CENTER]سلام عليكم ,, انت قلت أنك تبي حل !! الحل قادم اليوم إن شاء الله أو غدا بالكثير .. اليوم إستقال المدرب * أد دي موس * والأداره بإكملها ستقدم إستقالتها غدا إن شاء الله :) وانا لا أتمنى هذا الأستقاله في هذا الوقت بالذات ولكن .. لكي (( يلتئم الجرح )) .. وتعود الجماهير متكاتفه ونعود يد واحده .. ونكسب البطولات فلا بطولات بدون جمهور !! يعني بالمختصر المفيد أريد الأداره .. ولكن تستقل ونرتاح كلنا من وجع الراس .. مع أحترامي :) تحياتي لك .. ولطرحك المميز ;)[/ALIGN] |
مشكوووووووووووور اخوووي محمد على الموضوووع ,,,, و انا ما اعتقد ان مشاكل الهلال راح تتصلح هذا الموسم ,,, بيمر هذا الموسم بتخبطات كبيرة ... |
هلا بالغالي : الموهوب [ALIGN=CENTER]هذه كبوة جواد ولاكن لابد من حل !! ولو حل جذري نعم الحل هو استقالة جماعية لعل رجال الهلال يلتفتون الى حالهم الآن كيف يكون هناك فريق اعضاء شرفه يتجاوز الـ( 250) شخصا داعما لا يحضر آخر اجتماع الا مثل عدد الأصابع هل من المعقول هذا؟ فالأستقاله هي العلاج الشافي لمشاكل الهلال الحاليه ..[/ALIGN] |
واحد زاحف المهم مو نحط يدنا على الجرح .. المهم نداويه MaJeD ان شاء الله ما يسقط الهلال بأي حال .. لكن ما نبي نكون مثل النصر والاتحاد او حتى الاهلي عند الخسارة ننهار ! Abufaisal ان شاء الله البطولات الثلاث الجاية .. ثنتين على الاقل منهم نحققها .. والله يعين على الجمهور لين راحت الثالثة ! ساميو 2003 اولى الحلول هي ابعاد ادديموس .. هذا رأيك .. لكن الحل هذا مؤقت وليس جل جذري ! حل لمشكلة راح تتكرر كثير عاشق &&& التمياط شكرا لمرورك هلالي أصلي الله يصلح الحال ان شاء الله أحمد15 هل تعتقد انه باستقالة الادارة يلتئم الجرح ؟؟ بالعكس .. بالذات في الوقت هذا استقالة الادارة اللي انت تنتظرها راح تزيد الاوجاع ! وتذكر كلامي زعـــ( اسيا )ـــيم فال الله ولا فالك .. ان شاء الله الوضع يتصلح .. متى ما تكتافوا اعضاء الشرف من جديد هلالي صميم/ابوزياد هذا اللي يحز في الخاطر يا ابو زياد ويضيق الصدر .. انه قد يكون من الحل الاستقالة الجماعية اللي قلت.. لكن ماهو حل مضمون هذا واحد .. وربما ما يكون حل جذري مثل ما قلت اذا ما تكتاف اعضاء الشرف ! |
كلام فعلاً معقول فلو إجتمع الجميع لكان الحل موجوداً لدى أي شخص بس وينك ووين الإجتماع اللي تقول عنه إذا أعضلء الشرف ما إجتمعوا تبغانا إحنااللي نجتمع شكراً لك وهناك مؤيد للإستقاله ومعارض وكلهم لديهم وجهات نظر صحيصحه ولكن ماهو الأنسب ؟ تحياتي |
| الوقت المعتمد في المنتدى بتوقيت جرينتش +3.
الوقت الان » 09:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd